TAHIUL᷊E 4:19 - WUKE SUSI WATTI'U AL᷊AL᷊USASSA

¹⁹ Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

TAHIUL᷊E 4:19 Iomraidhean Croise

PANDARIADDI 1:14

Wua'udde Ruata nabbisara, “Ṛinone pia manga saranapa masemakka su langitta ipanemakka runia, tadea'u ipaṛṛaeng kallo wuassu ṛabbi, wuṛṛu ipaniala tempone manattakke allo, tonna, wuṛṛu allo wahewan agama.” Ne olangnge udde nariaddite.

PANDARIADDI 2:1

Ne nuddusse pandariaddi ahewallu ul᷊il᷊in pati'uppa.

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

2 MARARATU 21:3

Manga tampa pasasubbanna monganna apan buatte nihohakki Hizkia iamange niapararisikki tou apia. I tou na'ola'a manga mezbah patataṛṛamawuanna si Baal, wuṛṛu nallanginnu paal᷊uannu Monganni Asyera, ere buatte niola'i Ahab ratun Israel. I Manasye lai massubba manga anumpitanna.

2 MARARATU 23:11

Anambon awal᷊o apan niṛṛaen manga ratun Yehuda ipassubba matannallo niramme, wuṛṛu manga kereta apan ipappaatta sulal᷊ummu pasasubba udde tinutunga. (Manga kereta udde uaraddo su rallaku Wal᷊en Mawu – maranin pasallanganna – tawe marau wuassu wabbo'a atatanaanni Natan Melekh, sangkatou mammamanaran araratuanna atanggaṛṛanne.)

2 TAWARIKH 33:3

Manga tampa pasasubbanna paal᷊uanna apan buatte nihohakki Hizkia, iamangnge, niolangnge apia. I tou nallanginnu manga mezbah passubbanna si Baal, wuṛṛu nallanginnu manga paal᷊uanni Asyera, ana see lai massubba manga anumpitanna.

NEHEMIA 9:6

Wua'udde tumana'u Israel niumal᷊iomanna arendi, “Ete I'o Mawu, Ete I'o apan Lembontinggassa; I'o na'ola'a anumpitanna wuṛṛu ahewallu winalanganna, see lai tahal᷊oangnga wuṛṛu runia see al᷊awo'u lal᷊oṛṛone, see I'o nangonggollu pabbiaṛṛanna wuṛṛu I'o nappaddul᷊i. Ete Si'o al᷊awo'u taṛṛino su langitta u'al᷊intudda massubba; i mangitou niumaruutta Si'o wuṛṛu massaṛṛubbawa.

DARALO 19:3

Allo sambau mammasingkatta su allo apan manansunna; ṛabbi apan sambau mabbatti'a su ṛabbi addantane.

YEREMIA 19:13

Anambon bal᷊e su Yerusalem anambon wal᷊en manga ratun Yehuda sarun mabbal᷊i luhudda ere Tofet; ana waugu su wowon atuppu manga wal᷊en udde taumata buatte nanambunnu amania huna manga monganna su langitta, wuṛṛu nangonggollu anggore su manga monganna waine.”

YEREMIA 31:35

Matannallo nisaddia Mawu ipanemakka allo; wul᷊anna wuṛṛu manga anumpitanna ipannemakka ṛabbi. Tahal᷊oangnga niongkene na'oman sara nallua'a, Mawu Apan Lembontaṛṛino, uddewe aranne.

YEREMIA 33:25

Arawe su ereapa i Ya'u, Mawu, buatte namattan sambau pa'aire ringannu allo wuṛṛu ṛabbi, wuṛṛu na'ola'a tita apan mangngatokku langitta wuṛṛu runia,

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

YEHEZKIEL 18:6

I tou sarun tawe massubba paal᷊uannu taumatan Israel ara'e umanna sasamba su manga tampa passubbanna manga monganna. I tou tawe saran paassa mamono'a awingngu taumata waine ara'e matiilla suadio'a ringannu wawine apan tantal᷊anna a'amatannu radda'u wawine.

YEHEZKIEL 8:16

I ya'u niapid-De watukku rallakka sulal᷊ummu Wal᷊en Mawu. Marani ngara sasuttanna watukku wabbo'a susi, suwallattu mezbah wuṛṛu lal᷊anna, pia duan pul᷊o l᷊ima su atoune taumata. I mangitou uatal᷊iudda wabbo'a na'ukkassa, wuṛṛu ual᷊intudda watukku ra'i massubba matannallo sumabbangnga.

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

WATTI'U MANGA RASUL 7:42

Ne Ruata nanantangngi mangitou wuṛṛu namala mangitou massubba manga anumpitanna su langitta. Udde ere lai uawoṛṛetta sulal᷊ummu Wuke Manga Nabi. Arendi, ‘Ei manga taumatan Israel! Wal᷊inewe hunane si Ya'u i yamiu mammototta wuṛṛu ma'ola'a sasamba wuassu winatangnga, appatu pul᷊o su tonnane al᷊annune su wadda'a.

ROMA 1:25

Ruata apan naṛṛino, nihantianni mangitou ringannu sarannapa awusu. Wal᷊ine mandariaddi ewe'e apan niriaddine udde sassubanna wuṛṛu a'imbeanni mangitou. Sumbal᷊i iapa nandiaddi udde apan ṛinone raloanna sarangkal᷊o'engnge! Amin.

TAHIUL᷊E 17:3

wuṛṛu parenta-Ne ringannu massubba wuṛṛu massuṛṛubawa su manga Mawu waine ara'e su matannallo, wul᷊anna ara'e manga anumpitanna,