TAHIUL᷊E 4:15 - WUKE SUSI WATTI'U AL᷊AL᷊USASSA

¹⁵ “Naungete paapia-pia! Su tempo Mawu nabbisara si yamiu wuassa lal᷊ummu putungnga su Wowon Sinai, i yamiu tawe naasilo manga apa.

TAHIUL᷊E 4:15 Iomraidhean Croise

1 MARARATU 19:12

Wua'udde nirumantate putungnga, arawe Mawu lai tawe sulal᷊ummu putungnga udde. Wua'udde runia nabbal᷊i mal᷊annabba, ana see niaringikka sambau tingikka addio'a masi'ome.

DARALO 119:9

Taumata umbasanna maal᷊u'adda wiakke tawe sangkulle amungkangu i tou mabbiakka tuttuṛṛutta parenta-Nu.

SASABANGNGA 19:1

Wua'udde walahannu Israel nanantangngu Rafidim, wuṛṛu su allo paarorone wul᷊anna atallune napawe i mangitou wua nanantangngu Mesir, i mangitou naddatingke su wadda'u Sinai. I mangitou naddasanna su wawal᷊annu Wowon Sinai,

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

AMSAL 4:23

Paariagai mapia-pia naungngu, ana waugu ete naungngu apan manantunnu lal᷊annu pabbiaṛṛannu.

AMSAL 4:27

Pangindauten al᷊al᷊eo, wuṛṛu pabbiakke ringannu matul᷊idda. Imbaṛṛangnga sumewadda wuassu lal᷊anna apan atonna.

YESAYA 40:18

Nariaddi ringanni sai i'o manul᷊ungngu Ruata? Isai apan su pendamannu nassul᷊ungngi Tou?

YEREMIA 17:21

Wal᷊oa'e arendi: ‘Amungkangngu i yamiu maddiri mate, ariete mamasanna saranapa su allon Sabatta, ara'e mangapidda sumabbi manga ngara pasallanganna su Yerusalem.

MALEAKHI 2:15

Wal᷊inewe Ruata Apan Tinggassa nandiaddi siraddua waddangnga sambau wuṛṛu niawa sambau ringannu wawine udde? Apa pandumannu Mawu su olangnge udde? Tawe baine tadea'u i yamiu maasomba al᷊aṛṛana'a apan maola'a umattu Ruata apan tutune. Nariaddi paariagai watangannu, imbaṛṛangnga suwallatti yamiu piaddu tawe satia su awingnge.

TAHIUL᷊E 10:4

Su watu udde Mawu namoṛṛettu mapul᷊o parenta uasul᷊ungngu paarorone, eteudde manga tita apan nionggoli Tou si yamiu, su tempo i Tou nabbisara wuassu pattangngannu putungnga su allo i yamiu na'ammula su wawal᷊annu wowone. Wua'udde Mawu nangonggolu watu niwoṛṛetanna udde si ya'u

TAHIUL᷊E 4:12

Wua'udde Mawu nabbisara si yamiu wuassu putungnga wuṛṛu i yamiu naaringikka tingikke, arawe tawe naasilo si Tou sulal᷊ummu al᷊awo'u lihidda.

TAHIUL᷊E 4:14

I ya'u nirolokku Mawu iapaaṛṛa'a si yamiu anambon tita apan ṛinone tuṛṛutanna su wanua apan sarun suttanna wuṛṛu atanaanni yamiu udde.”

TAHIUL᷊E 4:23

Paanaunge paapia-pia! Imbaṛṛangnga maabul᷊in pa'aire apan niola'u Mawu Ruatanu si yamiu. Paatuṛṛutte parenta-Ne; saran paassa imbaṛṛangnga i yamiu mallanginnu al᷊awo'u paal᷊uanna tadea'u subbanna,

TAHIUL᷊E 4:36

Wuassu langitta i Tou napararingikku tingik-Ke si'o ipangaṛṛa'a si yamiu; su runia indi i Tou buatte namasilon putung-Nge apan bahewalla, wuṛṛu wuassu putungnga i Tou uahahatton kamiu.

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

TAHIUL᷊E 5:4

Wuassu putungnga su puiddu wowone udde Mawu mappulu maggahatto uahahati si yamiu.

TAHIUL᷊E 5:8

Imbaṛṛangnga i yamiu ma'ola'a paal᷊uanna apan uasul᷊ungngu saranapa su langitta, su runia ara'e sulal᷊ummu ua'e su winangunanna.

TAHIUL᷊E 9:10

Wua'udde Mawu nangonggola si ya'u darua watu apan buatte niwoṛṛetannu Mawu Ruata sassane. Su watu udde uawoṛṛetta manga wisara apan niwisara-Ne wuassu pattangngannu putungnga si yamiu, su tempo i yamiu uaammula su wawal᷊annu wowone.

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

YOSUA 23:11

Ana waugu udde paanaunge mandangngu Mawu Ruatanu.