TAHIUL᷊E 4:13 - WUKE SUSI WATTI'U AL᷊AL᷊USASSA

¹³ Poiaroddi i Tou namasingkatta si yamiu sarangkanambone apan sarun olaanni yamiu su ipanipussa pa'aire-Ne apan niola'a ringanni yamiu. Mapul᷊o Tita apan buatte niwoṛṛettu Mawu su daruan kul᷊appa watu udde ṛinone daringiṛṛanni yamiu.

TAHIUL᷊E 4:13 Iomraidhean Croise

1 MARARATU 8:9

Sulal᷊ummu Wantaliu Paaire udde tawe lal᷊oṛṛone waine tumba'u darua watu. Manga watu udde buatte nitaṛṛon Musa isudde su Wowon Sinai, sutempo Mawu na'ola'a paaire ringannu walahannu Israel sutempo i mangitou sulal᷊ummu amatanna wuassu Mesir watukku wanua Kanaan.

DARALO 119:4

I'o nangonggolu tita-Nu si yami, oh Mawu, tadea'u i yami mappaamattu udde ringannu matuṛutta.

SASABANGNGA 19:5

Orassa indi amungkangngu i yamiu matuṛṛutta su pa'aire-U, i yamiu sarun Ta'u olaanna al᷊aṛṛana-U sassane. Ahewallu runia indi udde tatahuanang-Ku, arawe i yamiu sarun maola'a pussaa-U arangnguang-Ku,

SASABANGNGA 24:12

Wua'udde Mawu nabbisara si Musa, “Rantate ringang-Ku su puiddu wowone. Isudde sarun Ta'u ionggolla si'o watu darua apan buatte Ta'u niwoṛṛetannu anambon tita-U. Anambon tita udde Ta'u nionggolla maola'a al᷊aṛṛa'a su walahanna udde.”

SASABANGNGA 31:18

Napawe buatte naggahatton i Musa su puiddu Wowon Sinai, Ruata nangonggola si tou ruan kul᷊appa watu apan buatte niwoṛṛetannu Ruata ringannu manga tita-Ne.

SASABANGNGA 34:1

Wua'udde Mawu nabbisara si Musa, “Pamaangke ruan kul᷊appa watu ere dorone. Su watu udde i Ya'u sarun mamoṛṛettu manga wisara apan uasul᷊ungnga su watu appan buatte Ta'u nipesangnga udde.

SASABANGNGA 34:28

Appatu pul᷊o su allone appatu pul᷊o su ṛabbine i Musa uatana'a isudde suadio'a ringannu Mawu, wuṛṛu su al᷊annune udde i tou tawe umanna wuṛṛu tawe ma'inumma. Manga wisara pa'aire udde, eteudde Mapul᷊o Titan Duata, niwoṛṛetti su watu.

ROMA 9:4

Ete i mangitou udde walahanna apan nipile wuṛṛu Ruata nanga'u si mangitou maola'a al᷊aṛṛanang-Nge sassane, lapiddu napaal᷊iatta'u taṛṛino-Ne si mangitou. I Tou na'ola'a paaire si mangitou wuṛṛu nangonggolu titan agama si mangitou. Ruata namasingkata si mangitou ereapa i mangitou ṛinone mattaṛṛamawu wuṛṛu i mangitou suete nanengkamma lai manga paaire-Ne.

2 KORINTUS 3:7

Su tempo paaire apan mangngapiddu papate udde niola'a wuṛṛu nipaangnga su watu, semakku Ruata lullansiangnga ringannu sussal᷊endapa su hatin Musa. Semakke aroddi atilangnge na'oman sara walahannu Israel tawe maasilo hati Musa, salaiwe lansiangnga su hatine udde mal᷊abukke su tempo udde. Ne amungkangngu maaola'a paaire apan mangngapiddu papate udde nitenega ringannu awawantuga apan aroddi ahewalle,

TAHIUL᷊E 4:12

Wua'udde Mawu nabbisara si yamiu wuassu putungnga wuṛṛu i yamiu naaringikka tingikke, arawe tawe naasilo si Tou sulal᷊ummu al᷊awo'u lihidda.

TAHIUL᷊E 4:14

I ya'u nirolokku Mawu iapaaṛṛa'a si yamiu anambon tita apan ṛinone tuṛṛutanna su wanua apan sarun suttanna wuṛṛu atanaanni yamiu udde.”

TAHIUL᷊E 5:22

Eteudde manga parenta apan nionggolu Mawu si yamiu su tempo i yamiu uasemodda su wowone. Su tempo i Tou nabbisara ringannu tingikka ruddallu'a wuassu putungnga wuṛṛu winabbawa maapala, i Tou nangonggolu manga parenta udde, wuṛṛu wal᷊ine parenta waine. Ana see i Tou namoṛṛetta su ruan kul᷊appa watu wuṛṛu nionggola si ya'u.”

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.