TAHIUL᷊E 34:4 - WUKE SUSI WATTI'U AL᷊AL᷊USASSA

⁴ Ana see Mawu nabbisara si Musa, “Eteudde leta'a apan Ta'u pina'ire si Abraham, si Ishak wuṛṛu si Yakub apan tinantilla su papapulunni mangitou. I Ya'u namasilo si'o, Musa, arawe tawe mamalanu inai poiaroddi.”

TAHIUL᷊E 34:4 Iomraidhean Croise

PANDARIADDI 12:7

Mawu naipasilon batangan-Ne si Abram wuṛṛu nabbisara si tou, “Ete indi wanua apan Ta'u ionggolla su papapulunnu.” Ana see i Abram napararisikku sambau mezbah hunan Mawu apan buatte naipabilon batangan-Ne si tou.

PANDARIADDI 13:15

i ya'u sarun mangonggolla si'o wuṛṛu su papulunnu ahewallu leta'a apan a'ellehannu udde tadea'u maola'a pussaanu saran mal᷊annu-l᷊annu.

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

PANDARIADDI 28:13

Wuṛṛu Mawu uarisikka su sandiṛṛanne apiddu nabbisara, “Ete i Ya'u Mawu, Ruata apan raddaloanni Abraham wuṛṛu i Ishak. I Ya'u sarun mangonggolla si'o wuṛṛu su papapulunnu leta'a apan lal᷊allowangannu indi.

REENGANNA 20:12

Arawe Mawu nabbisara si Musa wuṛṛu si Harun, wisara-Ne, “Ana waugu pangangimanni raddua si Ya'u tumaniten matul᷊ungnga, i Ya'u mapal᷊iatta'u taṛṛino-U apan susi su saruannu walahannu Israel, iraddua tawe maapiaṛṛa'i mangitou sumutta su wanua apan pina'ire-U si mangitou.”

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

TAHIUL᷊E 1:37

I yamiu lai naaola'a Mawu nasa'u si ya'u wuṛṛu nabbisara, ‘Musa, i'o lai sarun tawe maasutta su wanua udde.

TAHIUL᷊E 1:8

I Ya'u, Mawu, buatte naddiandin ahewallu leta'a udde su al᷊amonanu i Abraham, i Ishak wuṛṛu i Yakub see lai papapulunni mangitou. Nariaddi roote pamanua su leta'a udde.’ ”

TAHIUL᷊E 32:52

Ana waugu udde i'o tawe wotongnge sumutta su wanua apan Ta'u ionggola su walahannu Israel; i'o tumba'u wotongnge ma'ellega ro'en marau.”

YOSUA 21:43

Etearoddi Mawu nangonggolu ahewallu leta'a su ṛuangannu Israel apan buatte pina'ire-Ne ringannu sasalu su iupungngu al᷊amonan mangitou. Napawe naapanganute wanua udde, ṛuangannu Israel namanuate poiaroddi.

MAL᷊AṚṚUUNGNGA 1:16

Papapulunnu iamangngu la'iananni Musa, eteudde manga taumatan Keni, tinumantalonga taumatan Yehuda sinumabbanga wuassu Yerikho, soam kurma, wuṛṛu inaite watukku wageangngu leta'a apan maṛṛasa alu su samba'an timukku Arad su Yehuda. Poiaroddi i mangitou namanua suwallatu walahannu Amalek.