TAHIUL᷊E 33:8 - WUKE SUSI WATTI'U AL᷊AL᷊USASSA

⁸ Su ṛuanganni Lewi i tou nabbisara: “Ringannu Urim wuṛṛu Tumim, I'o mapal᷊iatta'u apulu-Nu, su taumatan Lewi, allang-Ngu apan matuṛṛutta. I'o buatte namono'a si mangitou su Masa, wuṛṛu uatatiakki mangitou su al᷊imatan ua'e su Meriba.

TAHIUL᷊E 33:8 Iomraidhean Croise

2 TAWARIKH 23:6

Tawe saran sangkatou apan wotongnge maasutta su Wal᷊en Mawu tumba'u manga imam wuṛṛu taumatan Lewi apan tantal᷊anna uariaga. I mangitou wotongnge sumutta ana waugu i mangitou buatte nipile hunane su Mawu. Manga taumata waine ṛinone uararingikka atorannu Mawu wuṛṛu uaṛṛaddo su liudde.

EZRA 2:63

Gubernuren wageangngu leta'u Yehuda naningaddi mangitou umanna anna apan niola'a sasamba su Ruata, na'oman sara pia sangkatou imam apan wotongnge maddorongnga tatantiro ringannu nappaattu Urim wuṛṛu Tumim.

EZRA 8:28

I ya'u nabbisara su manga imam udde, “I yamiu niṛṛae hunan Mawu, Ruata apan sasubbannu iupungngu al᷊amonnan kite, aroddi lai al᷊awo'u saranapa sal᷊a'a wuṛṛu wul᷊awanna apan nionggolla su Mawu uddewe niṛṛae hunan Mawu.

NEHEMIA 7:65

Gubernuren leta'u Yehuda naningaddi mangitou umanna anna apan nionggolla sasamba su Ruata, ma'oman sara pia sangkatou imam apan wotongnge maddorongnga tatantiro ringannu mappaattu Urim wuṛṛu Tumim.

DARALO 106:16

Su wadda'a udde i mangitou naungnge lal᷊eo si Musa wuṛṛu si Harun allang-Nge apan susi.

DARALO 16:10

Ana waugu I'o tawe namala'u mate; taumata apan arangnguan-Nu tawe niwala-Nu mate.

DARALO 81:7

“I Ya'u buatte namasanna winabbawa wuassu wambangngu, wuṛṛu namallossu so'anna wuassu limanu.

SASABANGNGA 17:7

Tampa udde nisaggo Masa ana waugu ete su tampa udde taumatan Israel nanal᷊u'atta Mawu su tempo i mangitou naiwal᷊o, “Tanne Mawu uarundinganna si ite ara'e tawe?” Tampa udde lai isassago Meriba ana waugu su tampa udde taumatan Israel sussawutulla.

SASABANGNGA 28:30

Addoa'e Urim wuṛṛu Tumim sulal᷊ummu lal᷊indummu ro'o udde tadea'u ipaatti Harun amungkangngu i tou sumaruanna si Ya'u. Su manga tempo ereudde i tou ṛinone sidutu ual᷊uṛṛen lal᷊indumma ro'o, tadea'u i tou sidutu maasingkata apulu-U su ṛuangannu Israel.”

SASABANGNGA 28:36

Pa'ola'e sambau hambaranna wuassu wul᷊awanna tutune wuṛṛu uiten manga wisara ‘Niṛṛae hunan Mawu.’

IMAMATTA 21:7

Sangkatou imam tawe wotongnge ma'awingngu sangkatou wawine apan buatte sinumandaga ara'e sangkatou wawine apan tate lai susi ara'e buatte nasasindo, ana waugu imam udde tatahuanang-Ku.

IMAMATTA 8:8

Ana see i tou nalluṛṛen lal᷊indumma ro'o si Harun, wuṛṛu sulal᷊ummu lal᷊indumma ro'o udde niapasutta Urim wuṛṛu Tumim.

MALEAKHI 2:6

I mangitou mangnggaṛṛa'a ringannu naṛṛino wuṛṛu wal᷊ine apan nassal᷊a. I mangitou marani-U, wuṛṛu ringannu atatul᷊idda tuttaṛṛutta apulu-U. I mangitou lai mantul᷊ungngu manambo taumata tadea'u tate lai ma'ola'a al᷊al᷊eo.

REENGANNA 16:5

Ana see i tou nabbisara si Korah wuṛṛu mallal᷊aṛṛenggene, “Tiṛṛabbi marua allo Mawu sarun mapal᷊iatta'a si ite isai pussa'a-Ne, wuṛṛu isai apan niṛṛaen Tou. Taumata apan nipile-Ne sarun iwala mangundanin Tou.

REENGANNA 20:13

Eteudde al᷊immatan ua'e su Meriba. Su tampa udde manga taumatan Israel sussamboṛṛe su Mawu, wuṛṛu isudde lai Mawu napal᷊iatta'u taṛṛino-Ne apan susi su walahanna udde.

REENGANNA 20:24

“I Harun tawe maasutta su wanua apan buatte Ta'u pina'ire su walahannu Israel; i tou sarun mate ana waugu iraddua buatte nilumawangnga parenta-U maranin al᷊imatan kua'e su Meriba.

REENGANNA 27:21

I Yosua ṛinone maddorongnga tatantiro wuassi Imam i Eleazar, wuṛṛu i Eleazar ṛinone maiwal᷊on apulu-U ringannu mappaattu Urim wuṛṛu Tumim. Ringannu olangnge udde i Eleazar mamiaṛṛa'i Yosua wuṛṛu ahewallu walahannu Israel su al᷊awo'u hatto apan saruananni mangitou.”

REENGANNA 35:8

Reengannu manga soan Lewi sulal᷊ummu wageangngu sambau-sambau ṛuangannu Israel ṛinone itantunna tumuṛṛutu anambon soa wuṛṛu ahewallu leta'a udde.”

TAHIUL᷊E 6:16

Imbaṛṛangnga manal᷊u'atta Mawu Ruatanu ere buatte niola'i yamiu su Masa.

TAHIUL᷊E 8:16

Su wadda'a i Tou nangonggolu manna maola'a pabbawiakku, anna apan awaganannu iupungngu al᷊amonanu. Mawu na'ola'a udde tadea'u iapaannama si yamiu wuṛṛu ipamawo naungngu, tadea'u panginsueanne i Tou wotongnge ma'ola'a apapia si yamiu.

TAHIUL᷊E 9:22

See lai su Tabera, Masa wuṛṛu Kibrot-Taawa, i yamiu naasa'u lai Mawu.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

SONDAPPA 3:7

“Su mala'ekattu jamaatta su Filadelfia, woṛṛetta'a arendi: Ete indi tanata wuassi Tou apan susi wuṛṛu tutune. Ete i Tou uaaggasa a'unsi apan tatahuananni Daud; amungkangu i Tou mamu'a, tawe saran sangkatou wotongnge maaṛṛu'uda, wuṛṛu amungkangu i Tou maṛṛuuda, tawe saran sangkatou wotongnge maawu'a.

1 SAMUEL 28:6

Ana see i tou naddorongke tatantiro su Mawu, arawe Mawu tawe sinumimbakka, mawae ete su wal᷊iawa ara'e lai mappaattu Urim wuṛṛu Tumim ara'e lai iwal᷊on manga nabi.