TAHIUL᷊E 33:2 - WUKE SUSI WATTI'U AL᷊AL᷊USASSA

² “Mawu nirumanta wuassu Wowon Sinai; i Tou nilumapputa su Edom naal᷊ihidda matannallo wuṛṛu wuassu Wowon Paran i Tou mannemakka al᷊aṛṛanang-Nge. I Tou raṛundinganannu mapul᷊o ṛiwu mala'ekatta; putungnga lukkenggamma su samba uanan-Ne.

TAHIUL᷊E 33:2 Iomraidhean Croise

1 MARARATU 11:18

I mangitou nanantangngu Midian, ana see inaite watukku Paran. Poiaroddi manga pira taumata waine na'ammulli mangitou, ana see inaite suaddio'a watukku Mesir naisasomban ratun Mesir. Ratu udde nangonggolla si Hadad wal᷊en wuṛṛu leta'a maola'a tampa atatanaane see lai pabbiaṛṛanna.

DARALO 50:2

Wuassu Sion, soa apan aṛṛamahanne, Ruata nirumanta ringannu asasemakka.

DARALO 68:17

Anio wuassu puiddu apan manambo udde i'o ma'ellega ringannu aal᷊uandaga su Wuiddu Sion apan nipilen Duata maola'a tatanaan-Ne? Mawu sarun matana'a poiaroddi saran mal᷊annu-l᷊annu.

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

SASABANGNGA 23:20

“I Ya'u sarun mandolokku mala'eka-U malliu ṛoro si yamiu iapal᷊u'adda si yamiu sulal᷊ummu amatanna wuṛṛu mangapiddi yamiu watukku tampa apan buatte nisaddia-U.

DANIEL 4:13

Sutempo i ya'u tantalanna maṛṛingiddu sondappa udde, i ya'u naasilo sangkatou mala'ekatta wuassu surga; i tou aellehanna uasaddia wuṛṛu uatehamma.

HABAKUK 3:3

I'o Ruata Apan Lembonsusi nirumanta wuassu Teman, I'o nirumanta wuassu panenteannu Paran. Langitta aoosannu awawantu-Gu; runia napenen daralo Si'o.

REENGANNA 10:12

Ana see taumatan Israel ualal᷊ol᷊osse mangingkatta manantangngu wadda'u Sinai, wuṛṛu winabbawa udde nattaala su tempo i mangitou na'omate su wadda'u Paran.

WATTI'U MANGA RASUL 7:53

Manga mala'ekatta suete namasingkattu manga parentan Ruata si'o arawe i yamiu maddiri tumuṛṛutta!”

2 KORINTUS 3:7

Su tempo paaire apan mangngapiddu papate udde niola'a wuṛṛu nipaangnga su watu, semakku Ruata lullansiangnga ringannu sussal᷊endapa su hatin Musa. Semakke aroddi atilangnge na'oman sara walahannu Israel tawe maasilo hati Musa, salaiwe lansiangnga su hatine udde mal᷊abukke su tempo udde. Ne amungkangngu maaola'a paaire apan mangngapiddu papate udde nitenega ringannu awawantuga apan aroddi ahewalle,

2 KORINTUS 3:9

Amungkangngu paaire apan maṛṛuumannu taumata udde aroddi awantuge, lembon mabbantuhanna lai paaire apan maaola'a taumata masasangkapia ringannu Ruata.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

GALATIA 3:19

Amungkangu aroddi, ipa'ura titan agama nionggolla? Sasimbakke eteudde manungku tita udde nipanamba tadea'u mapaal᷊iatta'u lal᷊awangngu taumata. Titan agama udde tumba'u ipappaatta ma'oman sara darantan sangkatou papapulunni Abraham, apan nisaggo sulal᷊ummu paairen Duata si Abraham. Titan agama udde niwal᷊o manga mala'ekatta ringannu pal᷊elene sangkatou taumata.

GALATIA 4:24

Indi wotongnge ipaatta maola'a sambau sasumandinga. Ruan katou wawine udde, paṛṛimaunnapa darua paaire: sambau wuassu Wowon Sinai – eteudde Hagar; al᷊aṛṛanangnge niasungkanga maola'a allangnga.

TAHIUL᷊E 5:22

Eteudde manga parenta apan nionggolu Mawu si yamiu su tempo i yamiu uasemodda su wowone. Su tempo i Tou nabbisara ringannu tingikka ruddallu'a wuassu putungnga wuṛṛu winabbawa maapala, i Tou nangonggolu manga parenta udde, wuṛṛu wal᷊ine parenta waine. Ana see i Tou namoṛṛetta su ruan kul᷊appa watu wuṛṛu nionggola si ya'u.”

2 TESALONIKA 1:7

Wuṛṛu si yamiu apan orassa indi uatataṛṛanga – aroddi lai si yami – Ruata sarun mangonggolu al᷊al᷊uassa su allo Mawu Yesus sumossokka wuassu surga wuṛṛu mamasilom batangan-Ne ringannu manga mala'ekatta apan matohassa,

IBRANI 12:20

Ana waugu i mangitou tawe ma'ataṛṛanga madaringikka parenta apan niapaasingkatu tingikka udde. Ana waugu tingikka udde mabbisara, “Anambon taumata apan namita wowone indi, tawe pilene apa udde winatanga ara'e lai isai, ṛinone tuntungannu watu ma'oman sara mate.”

IBRANI 2:2

Manga tanata apan niapaasingkatu mala'ekatta su iupungngi ite udde nasemakke atonna, wuṛṛu taumata apan tawe tumuṛṛutta ara'e ma'ola'a, sarun manengkamma ṛuumanna apan uasul᷊ungngu pallal᷊agune.

YUDAS 1:14

Henokh, pangangawanna appitune wuassi Adam, dorone suete namasingkattu ola'u manga taumata udde. Henokh nabbisara, “Pa'ellega, Mawu sarun rumanta ringannu su ṛiwune mala'ekan-Ne apan susi,

SONDAPPA 5:11

Wua'udde i ya'u naasilo lai. I ya'u naaringikka tingikku mala'ekatta su ṛiwune wuṛṛu su jutane anambone. I mangitou uarisikka uapal᷊iwutta adderan araratuanna wuṛṛu sire appata riadianna see manga piaṛṛange udde,