TAHIUL᷊E 32:9 - WUKE SUSI WATTI'U AL᷊AL᷊USASSA

⁹ Arawe papapulunni Yakub indi nipile Mawu hunan batangan-Ne sassane.

TAHIUL᷊E 32:9 Iomraidhean Croise

2 SAMUEL 14:16

Allangngu maṛṛingidda i Tuangku sarun maddaringikka wuṛṛu manal᷊amatta allangngu wuassu taumata apan pia pandumma mamate allangngu wuṛṛu ana'u allangngu. I mangitou pia pandumma mallimbuakka si yami wuassu leta'a apan nionggollu Ruata su al᷊aṛṛanang-Nge.

2 SAMUEL 20:19

Soan kami Abel indi wahewalla, sambau soa apan matammudda wuṛṛu matuṛṛutta su leta'u Israel. Anio i Tuangnga pia pandumma mankkimunsa'a soa udde? i Tuangnga maapulu manggohakka leta'a pussa'an Mawu?”

1 MARARATU 8:51

I mangitou uddewe uman-Nu sassane apan buatte niapiddu Mawu sinumabbangnga wuassu Mesir wanua suapa i mangitou nisansara.

1 MARARATU 8:53

I'o, oh Mawu Ruata, buatte namile si mangitou wuassu wallattu walahanna tadea'u maola'a uman-Nu sassane, ere buatte niwisara-Nu si mangitou wuassi allang-Ngu Musa, sutempo I'o nangehetta al᷊amonan kami sinumabbangnga wuassu Mesir!”

DARALO 106:40

Ana see asasa'un Mawu niṛṛumenggampe si mangitou, i Tou nuallu pussa'a-Ne sassane.

DARALO 106:5

Antimanna i ya'u maasilo lal᷊umanna'u manga taumata apan nipile-Nu, wuṛṛu lumuassa suadio'a ringannu al᷊aṛṛanang-Ngu. Antimanna i ya'u lumala'a wuṛṛu lumuassa suadio'a ringannu manga taumata apan nabbal᷊i pussa'a-Nu.

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

DARALO 28:9

Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

DARALO 33:12

Lal᷊umanna'a walahanna apan mangnga'u Mawu udde Ruatane, lal᷊umanna'a su taumata apan nipile-Ne maola'a pussaa-Ne!

DARALO 74:2

Naungewe al᷊aṛanang-Ngu apan nipile-Nu ro'en dorone, walahanna apan nipallossu Mawu tadea'u maola'a pussa'a-Nu. Naungewe Wuiddu Sion, apan niolang-Ngu tampa atatanaan-Nu.

DARALO 78:71

wuassu tampa i Tou uapadul᷊i inangngu domba, ipamiaṛṛa'u Israel al᷊aṛṛanang-Nge.

SASABANGNGA 15:16

I mangitou tumaniten matta'utta nabbiala atatohassu Mawu. Su tempo al᷊aṛṛanang-Ngu sinumabbi, seetta tawe taṛṛino ipanaṛṛangnga; naal᷊iute walahanna apan buatte nipallossu Mawu.

SASABANGNGA 34:9

Wisarane, “Mawu, amungkangngu I'o atonna-tonna ma'apulu'u, i ya'u sumal᷊ande, doronganna Mawu tumantalongnga si yami. Walahanna udde atonna mangke tawe maddaringikka, arawe ampungewe al᷊al᷊eo wuṛṛu rosan kami wuṛṛu sengkamawe yami maola'a al᷊aṛṛanang-Ngu sassane.”

YESAYA 19:25

Mawu Apan Lembontaṛṛino sarun mangal᷊amatta si mangitou wuṛṛu mabbisara, “i Ya'u mangal᷊amatta si yamiu, ei Mesir uma-U, Asyur niriaddi-U, wuṛṛu Israel umatta apan nipile-U.”

YESAYA 34:17

Ete Mawu apan nattahia wanua udde suwallatti mangitou wuṛṛu sambau-sambau nanengkamma tahiane. I mangitou sarun matana'a isudde sarangkal᷊o'enge, wuṛṛu leta'a udde sarun maola'a pussa'a mangitou marṛana'a mappulunna.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

YEREMIA 2:7

Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

YEREMIA 51:19

Ruatan Yakub tawe ere manga paal᷊uanna udde; i Tou nandiaddi al᷊awo'u saranapa. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

MIKHA 2:5

Ana waugu udde, napawe nia'omante tempone wanua udde iapawelengnga su umattu Mawu, tawe saran sangkatou wuassi yamiu apan sarun manengkamma wageangnge.

ZAKARIA 2:12

Paassa lai Yehuda sarun maola'a pussa'a Mawu apan apianne su letang-Ne apan susi, wuṛṛu Yerusalem sarun maola'a soa apan lembon arangnguan-Ne.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

TAHIUL᷊E 9:29

Arawe paanaungete, Mawu, manungku i mangitou indi walahanna apan nipile-Nu maola'a al᷊aṛṛanang-Ngu, wuṛṛu niapiddu wuassu Mesir ringannu atatohassa wuṛṛu taṛṛino apan bahewalla.”

YOSUA 24:17

Ete Mawu Ruatan kite apan napaasabangngu manga al᷊amonan kite wuṛṛu i ite sassane wuassu pattataṛṛuallanga su Mesir. I ya'u naasilote manga al᷊aṛindu'a apan niola'u Mawu. Mawu sidutu ual᷊u'adda si ite su al᷊o'engngu amatani ite, sussabbi wanua manga taumata waine.

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;