TAHIUL᷊E 32:46 - WUKE SUSI WATTI'U AL᷊AL᷊USASSA

⁴⁶ i Musa nabbisara, “Panutukke anambon parenta apan Ta'u nionggola si yamiu allo indi. Tantiroa'a su al᷊aṛṛanangngu, tadea'u i mangitou ringannu matammuda mappaamattu anambon titan Mawu.

TAHIUL᷊E 32:46 Iomraidhean Croise

1 TAWARIKH 22:19

Nariaddi, yamiu ṛinone mattaṛṛamawu Mawu Ruatanu ringannu ahewallu naungngu. Tattaṛṛa'e mapararisikku Wal᷊en Mawu, tadea'u Wantallu Pa'aire wuṛṛu anambon saranapa waine apan ipaatta mattaṛṛamawu wotongnge sahipunanna isudde.”

DARALO 78:5

Su walahannu Israel i Tou nangonggolu tita-Ne, wuṛṛu su papapulunni Yakub parenta-Ne. I Tou nandolokku iupungu al᷊amonan kite manantiro su manga ana'i mangitou,

AMSAL 12:28

Taumata apan u'amatta su lal᷊anna apan naṛṛino sarun mabbiakka su al᷊al᷊uassa; taumata apan u'amatta su lal᷊anna sal᷊a udde mattuddan papate.

YEHEZKIEL 40:4

Esakka udde nabbisara si ya'u, “Ei taumata apan mattate, paddaringikke paapia-pia wuṛṛu panutukke al᷊awo'u inolaanna apan ta'u iapasilo si'o, ana waugu eteudde i'o niapidda inawarendi. Pasingkata'e su walahannu Israel sarangkanambone apan ellehannu.”

YEHEZKIEL 44:5

wuṛṛu Mawu nabbisara si ya'u, “Ei taumata apan mattate, panutukke paapia-pia apan aellehannu wuṛṛu apan niaringiṛṛannu. I Ya'u sarun mamasingkatta si'o al᷊awo'u atoranna wuṛṛu tita su ola'u Wal᷊e-U indi. Woṛṛeta'e paapia-pia isai-sai apan wotongnge iwala sumutta su Wal᷊e-U wuṛṛu isai-sai apan tawe wotongnge.

AMOS 5:4

Mawu nabbisara su umattu Israel, “Pabbelengke ringang-Ku, ne i yamiu sarun mabbiakka.

LUKAS 9:44

“Paatutuṛṛe pa'apia-pia wuṛṛu arie paabul᷊iane manga wisara-U indi: Ana'u Taumata sarun itantilla su taṛṛinon taumata.”

TAHIUL᷊E 11:18

Paanaungete wuṛṛu panutukke manga parenta udde. Wa'isa'a su ta'iakku wuṛṛu reeta'a su pakkannu tadea'u sidutu nanaunganna.

TAHIUL᷊E 11:19

Tantiroa'e su al᷊aṛṛanangngu. Pagattoa'a sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

TAHIUL᷊E 32:45

Napawe buatte namasingkattu manga al᷊aṛṛa'u Mawu su walahannu Israel,

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

IBRANI 2:1

Ana waugu udde i ite ṛinone lembon mangaggasa atonna-tonna manga al᷊aṛṛa'a apan suete niaringiṛṛani ite, tadea'u i ite tawe manantangngu pangangimanni ite.