TAHIUL᷊E 32:42 - WUKE SUSI WATTI'U AL᷊AL᷊USASSA

⁴² Manga anaang-Ku sarun mappeta'u daṛṛan mangitou; sarangkanambone apan mannal᷊are si Ya'u Ta'u pateannu hel᷊ele-U, Tawe Ta'u iwala pia sangkatou apan lumawangnga si Ya'u; taumata tataṛṛanganna wuṛṛu nal᷊al᷊essa sarun mate lai.

TAHIUL᷊E 32:42 Iomraidhean Croise

2 SAMUEL 1:22

Anaanni Yonatan matohassa, maapate. Hal᷊elen Saul tawe mandangngu mamate seetta, manginsue ro'appa.

AYUB 13:24

Anio I'o mallinda'a wuṛṛu massal᷊iu wua dingangku? Anio I'o ma'ellega si ya'u naal᷊ihidda seen-Nu?

DARALO 45:5

Amata'e, ringannu awawaṛṛani mattuddan auntunganna manahekku apapia wuṛṛu atatul᷊idda apan masaṛṛionto'a; ringannu atatohannu aṛṛote auntunganna apan wahewalla!

DARALO 45:6

Anaannu apan maṛṛoro nallappasa su pappuson seennu, manga walahanna nanawo su saruannu leddanu.

DARALO 68:23

Unnu Mawu, “Ei al᷊aṛana-U, i Ya'u nangapiddu seennu wuassu Basan i Ya'u niapidda i mangitou nabelengnga wuassu wantan tahal᷊oangnga,

YESAYA 34:5

Mawu buatte nanaddia hal᷊ele-Ne su surga, wuṛṛu orassa indi hal᷊ele udde sarun maṛṛia'a su walahannu Edom apan buatte niemaannu ṛuumanna wuṛṛu ṛaddaanna.

YEREMIA 12:12

Wuassu samba'an wadda'u anne su panenteanna, manga taumata nirumanta maddea'a mangaṛṛo. I Ya'u nandantan pangalo panggohakku ahewallu wanua ma'oman sara tate sangkatou apan botongnge mabbiakka su paddarame.

YEREMIA 16:10

Napawe i'o mamasingkattu sarangkanambone indi si mangitou, asinungka i mangitou sarun maiwal᷊o anio i Ya'u makkuumanni mangitou aroddi ahewalle. I mangitou sarun maiwal᷊o apa pasasal᷊a wuṛṛu rosa mangitou si Ya'u, Mawu Ruata mangitou.

YEREMIA 30:14

Anambon hawenu arangnguannu naabul᷊inute; i mangitou maddirite maṛṛingiddu watangannu. Naal᷊ihidda seetta i Ya'u buatte namangalo wuṛṛu nakkuumanni yamiu ringannu maṛṛagissa, ana waugu tumanite manambo rosanu wuṛṛu wahewalla pasasal᷊anu.

YEREMIA 46:10

Arawe i ya'u, Yeremia mabbiisara manungku eteindi allo Mawu Ruata Apan Atanggaṛṛane wuṛṛu Lembontaṛṛino; su allo udde i Tou ma'ola'a pabbawal᷊issa su anambon seen-Ne. Hal᷊ele-Ne sarun uminassa si mangitou ma'oman sara mal᷊aidda, wuṛṛu ma'inumma daṛṛa mangitou ma'oman sara mawusa. Allo indi Mawu Apan Lembontaṛṛino, naṛṛata manga sasamba-Ne su sawannakka, su winggin Sal᷊ukku Efrat udde.

YEREMIA 46:14

“Yeremia, al᷊iata'e watti'a indi su manga soa Mesir, eteudde su Memfis, Migdol wuṛṛu Tahpanhes, ‘Paasaddiate mangesakku watangannu ana waugu anambo apan tatahuanannu sarun masue sulal᷊ummu papangaloanna!

LAL᷊ALLU 2:5

Mawu nabbal᷊i ere seetta; i Tou namuulla Israel sara naṛṛa'a. I tou nakkimunsa'a manga tanda'a watu wuṛṛu wal᷊en araratuanna, wuṛṛu nanamba asasusa su tumana'u Yehuda.

TAHIUL᷊E 32:23

Mangke sidutu Ta'u iapparanta asasilaka. Ta'u ipiti'a anambon anaang-Ku si mangitou.