TAHIUL᷊E 32:3 - WUKE SUSI WATTI'U AL᷊AL᷊USASSA

³ I Ya'u sarun maddalo Mawu. Wattia'e awawantugu Ruatan kite!

TAHIUL᷊E 32:3 Iomraidhean Croise

1 TAWARIKH 17:19

Wuassu apulu-Nu sassane wuṛṛu hunane su manara'u I'o na'ola'a anambon manara wahewalla indi ringannu matualaga.

1 TAWARIKH 29:10

Su saruannu awadaalla udde i Ratu Daud naddalo Mawu, i tou nabbisara, “Oh Mawu Ruata apan sassubbanni Yakub al᷊amonan kami, dalo Si'o sarangkal᷊o'enge!

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

1 TAWARIKH 29:13

Orassa indi, oh Ruatan kami, yami ma'adiangkamanna Si'o, wuṛṛu yami maddalo aran-Nu apan mawantuga.

DARALO 150:2

Paddalote si Tou ana waugu inolaan-Ne apan matohassa. Paddalote si Tou awawantu-Ge apan wahewalla.

SASABANGNGA 20:24

I Ya'u ola'ete sambau mezbah waussu leta'a, ana see onggola'e isudde domba wuṛṛu sapinu maola'a sasamba itattambunna wuṛṛu sasamba paddarame. Su al᷊awo'u tampa apan buatte nitantunna si yamiu maola'a tampa patataṛṛamawuanna si Ya'u, i Ya'u sarun dumanta wuṛṛu mangal᷊amatta si yamiu.

SASABANGNGA 33:19

Sasimbakku Mawu, “I Ya'u sarun sumabbi ringannu al᷊awo'u awawantu-U su saruannu, lapiddu managgon arang-Ku apan susi. Ete i Ya'u Mawu, wuṛṛu i Ya'u mapal᷊iatta'u darangngun naungnga wuṛṛu aakkanna su manga taumata apan Ta'u nipile.

SASABANGNGA 6:3

Ruata lai na'ola'a pa'aire si mangitou. I Ya'u ma'ire sarun mangonggolu wanua Kanaan si mangitou, wanua tampan pabbiaṛṛanni mangitou dorone naal᷊ihidda taumata raho.

YEREMIA 10:6

Mawu apan mawantuga, I'o mangke tawe sul᷊ungngu, aran-Nu mawantuga wuṛṛu napenen taṛṛino.

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

YOHANES 17:26

I Ya'u suete napaal᷊iatta'u arannu Iamangnga si mangitou; wuṛṛu i Ya'u sidutu sarun ma'ola'a aroddi, tadea'u darangngun Iamangnga si Ya'u sidutu sulal᷊ummu naungngi mangitou, wuṛṛu i Ya'u mangke sambau ringanni mangitou.”

YOHANES 17:6

I Ya'u suete namasingkattu Iamangnga su manga taumata su runia indi apan suete nionggolu Iamangnga si Ya'u. I mangitou udde pussa'an Iamangnga, wuṛṛu Iamangnga suete nangonggolli mangitou si Ya'u. I mangitou suete tinumuṛṛutta wisaran Iamangnga.

EFESUS 1:19

wuṛṛu aroddi ahewalle Ruata mammanara ringannu napenen taṛṛino su wadangngi ite apan mangngimanna. Taṛṛinon Duata udde naal᷊ihida taṛṛino apan ahewal᷊anne,

TAHIUL᷊E 3:24

Oh Mawu Apan Atanggaṛṛanne, i ya'u masingkatta manungku nipasilonu si ya'u indi tumba'u panattaṛṛannu al᷊awo'u inolaanna apan bahewalla wuṛṛu ma'atiangnga. Tawe Mawu wal᷊ine sulangitta ara'e su runia apan ere I'o wotongnge ma'ola'a inolaanna apan waluwalla.

TAHIUL᷊E 5:24

Unni mangitou, ‘Mawu Ruatan kite buatte namasilon ahahewalla wuṛṛu awawantu-Ge su tempo yami naaringikka si Tou mabbisara wuassu putungnga. Allo indi yami naasilote manungku wotongnge taumata sidutu mabbiakka, salaiwe Mawu Ruata buatte nabbisara si tou.

SONDAPPA 15:3

Wuṛṛu i mangitou mangantari antari Musa, allangngu Ruata, wuṛṛu antarin Ana'u Domba. Arendi tingikke, “Mawu, Ruata Lembon Taṛṛino, tumaniten wahewalla wuṛṛu ma'atiangnga manga inolaan-Nu! Ratun al᷊awo'u walahanna tumaniten matul᷊idda wuṛṛu tawe sal᷊ane manga inolaan-Nu!