TAHIUL᷊E 32:26 - WUKE SUSI WATTI'U AL᷊AL᷊USASSA

²⁶ I Ya'u maapulu manginsue si mangitou tawe lambene, tadea'u i mangitou tate lai naunganna.

TAHIUL᷊E 32:26 Iomraidhean Croise

DARALO 34:16

Mawu ma'ellega taumata apan ma'imanna, i Tou maddaringikka napawe i mangitou mangintul᷊i maiontolla.

DARALO 34:17

Arawe taumata apan ma'ola'a al᷊al᷊eo raddo'apan-Ne; amungkangu i mangitou nate, i mangitou mal᷊ihakka timbul᷊iananna.

SASABANGNGA 32:12

Amungkangngu I'o mamate si mangitou, taumatan Mesir sarun mabbisara manungku I'o namiaṛṛa'u walahannu udde sinumabbangnga wuassu Mesir tadea'u mamate si mangitou su panenteanna wuṛṛu i mangitou sarangkanambone masue. Ariewe aroddi, oh Mawu, wal᷊ute naung-Ngu wuṛṛu ariete manilaka walahanna udde.

YESAYA 48:11

Udde Ta'u niola'a hunan batangang-Ku sassane, ana waugu i Ya'u tawe mamalan arang-Ku lal᷊eoanna; awawantu-U tawe tahiang-Ku sisai-sai.”

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

IMAMATTA 26:38

I yamiu sarun mate sulal᷊ummu pamuanganna, pateannu manga wanuan seennu.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

TAHIUL᷊E 28:37

Su manga wanua tampan kamiu nisal᷊iawukku Mawu, manga taumata sarun mata'utta maasilo si yamiu; yamiu sarun al᷊uandahanna wuṛṛu ilagge mangitou.

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.

TAHIUL᷊E 4:27

Mawu sarun manal᷊iawukki i yamiu suwallatu manga walahanna waine wuṛṛu tumba'u matul᷊ungna suwallati yamiu apan sidutu wiakka.

TAHIUL᷊E 9:14

Arie pa'annamma manal᷊are si Ya'u. I Ya'u inaite mamate si mangitou ma'oman sara i mangitou tate naunganna lai. Arawe i'o Ta'u olaanna iamangngu sambau ṛuanganna apan magewal᷊anna wuṛṛu mattohasanna wuassi mangitou.’