TAHIUL᷊E 32:22 - WUKE SUSI WATTI'U AL᷊AL᷊USASSA

²² Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.

TAHIUL᷊E 32:22 Iomraidhean Croise

DARALO 144:5

Oh Mawu, wu'ate langitta wuṛṛu lintukke, pamitate manga wowone tadea'u tumimbulla.

DARALO 21:9

I Tou sarun manametta anambon seenne, wuṛṛu manametta anambon taumata apan maddantinni Tou.

DARALO 46:2

Ruata udde pattillumangku wuṛṛu atatohassi ite; I tou sidutu uasadia wuṛṛu maatul᷊ungnga sulal᷊ummu asasusa.

DARALO 83:14

Oh Ruata, sal᷊iawuṛṛa'e i mangitou ere awu, ere laṛṛami apan nitiuppu anginna.

DARALO 86:13

Ana waugu I'o sidutu mandangngu si ya'u ringannu darangngu apan wahewalla, I'o buatte namallossu niawa'u wuassu loṛangngu labbinga.

DARALO 97:3

Putungnga nilumewa su saruan-Ne, nagepoddu seetta apan uapal᷊iwutta si Tou.

YESAYA 24:6

Ana waugu Mawu buatte namontoga runia wuṛṛu nakkuumannu tumanangnge ana waugu inolaanni mangitou. I mangitou nitutungnga, wuṛṛu tumba'u matul᷊u suwallatti mangitou apan nasal᷊amatta.

YESAYA 30:33

Ro'en dorone buatte niriahi tampa panutunganna si ratun Asyur. Tampa udde mal᷊al᷊umma wuṛṛu mal᷊alakka, loṛṛone alum putungnga apan ua'ombo. Mawu sarun makkenggamma ringannu maniuppu singangu-Ne apan naal᷊ihidda sal᷊ukku belerangnga.

YESAYA 54:10

Salaiwe manga wowone manga wuidda umio'a, i Ya'u tawe illol᷊one tumal᷊antummu. Pa'airen paddarame-U sidutu Ta'u aggasanna,” wisara Mawu apan mandangngu si'o.

YEREMIA 15:14

Su wanua waine apan awagananni mangitou, i Ya'u sarun ma'ola'a si mangitou allangngu manga seetti mangitou, ana waugu asasa'u-Ku nilumambalante ere putungnga sussal᷊oi wuṛṛu tawe iapaddumma.”

YEREMIA 17:4

I yamiu sarun ipabbawata'a manantillu leta'a apan buatte Ta'u nionggolla si yamiu, wuṛṛu i Ya'u sarun ma'ola'a si yamiu mattaṛṛamawu su seennu su wanua apan mangke awaganannu. I Ya'u na'ola'a sarangkanambone udde ana waugu asasa'u-U sinumopate ere putungnga apan lukkenggamma tawe iapaddumma.”

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

LAL᷊ALLU 2:2

Suapan wadda'u nannal᷊o su wanua Yehuda, nihohakku Mawu ringannu tawe napau. Sulal᷊ummu asasa'u-Ne i Tou namela'a sara naṛṛa'a manga tanda'a watu apan ual᷊indumma wanua udde. Araratuanna udde suadio'a ringannu manga piaṛṛangnge niemang-Nge na'oman sara nabbal᷊i addio'a.

LAL᷊ALLU 2:3

Sulal᷊ummu asasa'u-Ne apan lukkenggamma, atatohassu Israel nipaddi-Ne. Sutempo i ite nipangaloannu seetta, i Tou mappau mangonggollu aontolla. Naal᷊ihidda putungnga sussal᷊oi mannoṛṛobba al᷊awo'a, etearoddi Mawu nasa'u si ite sarangkanambone.

LAL᷊ALLU 2:4

Naal᷊ihidda seetta, i Tou nangannatta darangean-Ne wuṛṛu nantarangngu anaan-Ne si ite. Anambon taumata apan maal᷊uassa naungngi ite, nasue nipate-Ne. I Tou nanossokku asasa'u-Ne ere putungnga sulal᷊ummu soa Yerusalem indi.

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YEHEZKIEL 19:12

Arawe i tou niabuttu manga lima apan massa'u, wua'udde niema'a su leta'a. Anginna Ra'i tinumiuppa, naṛṛangute wuane apan mapia. Rannane napaddi, naṛṛangu see nitutungnga.

YEHEZKIEL 22:21

Ore, i Ya'u sarun mangammulli mangitou su Yerusalem, makkunuttu putungngu asasa'u-U su alungngi mangitou, na'oman sara i mangitou mangke umonossa.

YEHEZKIEL 38:19

Wuṛṛu ringannu tumaniten nasa'u i Ya'u sarun mamansaga, manungku su allo udde pia linukka apan bahewalla su wanua Israel.

IMAMATTA 26:20

Anambon inasaharannu tawe gunane, ana waugu letangu tawe mangonggolu hessine wuṛṛu manga sasuannu sarun tawe mabbua.

AMOS 5:6

Pabbelengke ringannu Mawu, ne i yamiu sarun mabbiakka. Amungkangngu i yamiu tawe mabbelengnga ringanni Tou, i Tou sarun dumanta ere putungnga apan lullewa wuṛṛu manoṛṛobba taumatan Israel ma'oman sara masue. Su Betel tawe saran sangkatou apan wotongnge mamaddumma putungnga udde.

AMOS 7:4

I ya'u naasomba sambau sondapa wuassu Mawu Apan Atanggaṛṛanne. I ya'u naasilo i Tou tantal᷊anna uasasaddia makkuumannu uman-Ne ringannu putungnga. Putungnga udde nangpodda na'oman sara nasue laudda su al᷊ungngu runia wuṛṛu mannattakke mangngepoddu wawail᷊anna.

MIKHA 1:4

Manga wowone nonossa su al᷊ungngu pal᷊addu ledda-Ne naal᷊ihidda lilinna sulal᷊ummu putungnga apan lukkenggamma; letangnge nal᷊alladda sinumutta watukku wawal᷊anne, naal᷊ihidda ua'e su wuidda apan mangngelekka watukku wowane.

HABAKUK 3:10

Naasilo Si'o, manga wowone niumio'a wuassu langitta sinumossokka uranna ere nilal᷊inna. Ua'e sulal᷊ummu lete'a maddallu'a tingikke, luangnge wahahewalla wuṛṛu mabbasse.

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

REENGANNA 16:33

Ne i mangitou nawontolle ta'e wiakka sulal᷊ummu runian taumata nate ringannu al᷊awo'u darotongngi mangitou. Leta'a apan nawa'a udde nasooppa apia wuṛṛu i mangitou nawul᷊i-wul᷊i nialluppu runia.

REENGANNA 16:35

Ana see Mawu nandantan putungnga nanoṛṛobba 250 su atoune apan nangonggolu sasamba amania udde.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

MATIUS 18:9

Wuṛṛu amungkangngu matanu ma'arosa si'o, loetta wuṛṛu rammea'a. Mappianne i'o mabbiakka ringannu Ruata tawe mata samba'a, wuassu i'o iramme sulal᷊ummu putungngu naraka ringannu matanu ruam ba'a.”

MATIUS 23:33

I yamiu lal᷊eo wuṛṛu papapulunnu taumata lal᷊eo! Ereapa i yamiu wotongnge manal᷊amatta wadangngi yamiu wuassu ṛuumanna su naraka?

TAHIUL᷊E 29:20

Mawu tawe mangampungnga taumata ereudde. Arawe i tou sarun aṛṛinoannu asasa'um Mawu apan ahewal᷊anne, wuṛṛu al᷊awo'u asasusa apan uawoṛṛetta sulal᷊ummu wuke indi sarun maṛṛia'a si tou, na'oman sara i tou pateannu Mawu.

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

IBRANI 12:29

Ana waugu Ruatang kite ere putungnga apan maatutungnga.