TAHIUL᷊E 32:21 - WUKE SUSI WATTI'U AL᷊AL᷊USASSA

²¹ I mangitou na'ola'a i Ya'u nasa'u su saranapa apan wal᷊ine Ruata, wuṛṛu massa'u su paal᷊uanna sassubbanni mangitou. Ne i Ya'u na'ola'a manga al᷊aṛṛana-U nasa'u su apa apan wal᷊ine walahanna, wuṛṛu nasa'u su walahanna apan longonna.

TAHIUL᷊E 32:21 Iomraidhean Croise

1 MARARATU 14:22

Walahannu Yehuda ma'ola'a al᷊al᷊eo su aelleggu Mawu. Inolaanni mangitou lembon mandantan asasa'un Mawu wuassu al᷊awo'u inolaannu al᷊amonan mangitou.

1 MARARATU 14:9

Arawe i'o ma'ola'a al᷊al᷊eo apan maggewal᷊anna wuassi mangitou apan namarenta dorone wuassi'o. I'o nanantang-Ku wuṛṛu nandantan asasa'u-U ringannu na'ola'a pasasubbanna wuṛṛu manga paal᷊uanna wuassu atta'a tadea'u subbanna.

1 MARARATU 16:13

I Baesa wuṛṛu i Ela, anangnge, massubba manga monganna wuṛṛu pangillul᷊eanne taumatan Israel na'ola'a rosa. Ana waugu udde, i mangitou nandantan asasa'un Mawu, Ruata apan ṛinone subbannu taumatan Israel.

1 MARARATU 16:26

Ere lai i Yerobeam, i Omri narosa see pangillul᷊eanne lai taumatan Israel narosa wuṛṛu massubba monganna. Ana waugu udde i mangitou nandantan asasa'un Mawu, Ruata apan ṛinone subbannu taumatan Israel.

2 MARARATU 17:11

I mangitou lai nanambunnu amania su anambon mezbah hunane tumba'u su monganna, ere inanaramannu manga walahanna apan buatte nilimbuaṛannu Mawu wuassu wanua Kanaan. I mangitou massubba paal᷊uanna, salaiwe Mawu buatte naningadda. Al᷊awo'u inolaanni mangitou apan dal᷊eo mandantan asasa'un Mawu.

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

2 MARARATU 21:6

I tou nangonggolu anangnge maola'a sambau sasamba itattambuna. I Manasye lai ma'annamu pasangkada, mammani'atta, wal᷊iimata, wuṛṛu madorongnga tatantiro wuassu manga ghaṛṛaho. I tou tumaniten narosa su lantakku hatin Mawu na'oman sara Mawu nasa'u.

2 MARARATU 22:17

I mangitou buatte nanantangku wuṛṛu nangonggolu sasamba su manga mawu waine. Sarangkanambone apan niola'i mangitou naal᷊al᷊eo naung-Ku. I Ya'u nasa'u si Yerusalem, wuṛṛu asasa'u-U tawe al᷊imbatanna.

DARALO 31:6

Sulal᷊ummu lima-Nu ta'u itantilla watangangku; i ya'u nipallosu Mawu, oh Mawu, Ruata apan setia.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

YESAYA 65:3

I mangitou sidutu ma'ola'a si Ya'u massa'u ana waugu mangngonggollu sasamba su manga wawail᷊anna huna manga monganna wuṛṛu mannambunnu amania su manga mezbahne.

YEREMIA 10:8

Longonna wuṛṛu woddo mangitou sarangkanambone ana waugu mongannu tumba'u alu sangkabuwu, tawe maapangaṛṛa'a apa apan pia gunane.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YEREMIA 18:15

Arawe uma-U buatte naabul᷊i-U, wuṛṛu mannambunnu amania su paal᷊uanna. I mangitou nitara su lal᷊anna paarorone apan ṛinone amatanni mangitou, wua'udde sinumewadda su lal᷊anna apan taambe nilaukka.

YEREMIA 2:11

Taambe saran paassa nariaddi sambau walahanna nanu'addu mawune salaiwe udde wal᷊ine Ruata apan atonna. Arawe uma-U buatte nanal᷊iu-U, apan ma'aluassa si mangitou ringannu sambau saranapa apan tawe maaola'a apa-apa.

YEREMIA 5:7

Mawu nabbisara, “Anio i Ya'u ṛinone mangampungnga manga rosan uma-U? I mangitou buatte nanantang-Ku wuṛṛu massubba wal᷊ine Ruata. I Ya'u mangngonggollu anna si mangitou ma'oman sara i mangitou mal᷊aidda, arawe i mangitou sinumandaga, wuṛṛu masokka mattembo wawine masandaga.

YEREMIA 7:18

Manga al᷊aṛṛana'a mangngammullu alung kanna, ingana'a esakka makkunuttu putungnga, wuṛṛu ingana'a wawine mangngompengngu taponna olaanna kukisse ionggolla su monganna apan isassaggo mangitou Ratun Surga. Wuṛṛu tadea'u ipandal᷊eo naung-Ku, i mangitou lai nangonggollu anggore su manga mawu waine.

YEREMIA 8:19

Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

YEHEZKIEL 8:3

I tou nangul᷊ukku sambau saranapa ere ta'iakka, see nangametta uta'u. Wua'udde sulal᷊ummu sondappa udde, i ya'u niwengkettu Ghaṛṛahon Duata watukku winalanganna wuṛṛu niapidda su Wal᷊en Mawu su Yerusalem, su ngara sasuttanna su rallakku lal᷊umme apan su samba'an sawannakka. Isudde pia paal᷊uanna sassubbanna apan buatte naaranta asasa'un Duata.

HOSEA 1:10

Walahannu Israel sarun maola'a anambone ere anne su tahal᷊oangnga, na'oman sara i tou tawe iauukka ara'e iareengnga. Orassa indi Ruata nabbisara si mangitou, “I yamiu wal᷊ine uma-U,” arawe sarun a'omanna tempone i Tou sarun mabbisara si mangitou, “Ete i Ya'u Ruata apan wiakka wuṛṛu i yamiu al᷊aṛṛana-U!”

YUNUS 2:8

Manga masasubba paal᷊uanna apan tawe gunane, nanantangngu Mawu wuṛṛu tate tumuṛṛutta.

WATTI'U MANGA RASUL 11:15

Wuṛṛu su tempo i ya'u mannatakke mabbisara aroddi,” aroddi i Petrus nanassukku wattingnge, “Ghaṛṛaho Ruata nonto'a si mangitou, ere lai nariaddi si ite rorone su panattaṛṛanne.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

ROMA 10:19

I ya'u maiwal᷊o apia: Apa walahannu Israel taambe naasingkata? Wala'e aiwal᷊o udde paarorone simbaṛṛani Musa. Musa nabbisara, “Arendi lai unnu Ruata, ‘I Ya'u sarun ma'ola'a si yamiu tawe mal᷊uassa su saruannu sambau walahanna apan wal᷊ine al᷊aṛṛana-U wuṛṛu i Ya'u sarun ma'ola'a si yamiu masa'u su walahanna apan longonna.’ ”

ROMA 9:25

Ana waugu sulal᷊ummu wuken Nabi Hosea, Ruata nabbisara, “Manga taumata apan wal᷊ine walahanna-Ku, sarun isaggo ‘Walahanna-Ku’. Walahanna apan ipaadiri-U, sarun isaggo-U ‘Arangnguang-Ku’.

1 KORINTUS 10:22

Ara'e i ite maapulu Mawu naung-Nge mal᷊al᷊eo? Apa i ite mattohasanna wuassu Mawu?

TAHIUL᷊E 32:16

I mangitou massubba paal᷊uanna, na'oman sara Mawu nasa'u, asasa'u-Ne nawitta ana waugu al᷊al᷊eo udde.

TAHIUL᷊E 32:17

I mangitou mangngonggolu sasamba su manga ghaṛṛaho lal᷊eo apan bal᷊ine Ruata, su manga Mawu apan awagananni mangitou, manga Mawu wakku apan tawe iata'uttu al᷊amona mangitou.

1 SAMUEL 12:21

Imbaṛṛangnga tumantalongnga manga monganna apan tawe maatul᷊ungnga wuṛṛu maasal᷊amatta si yamiu, ana waugu i mangitou udde tawe baddi'a.