TAHIUL᷊E 31:24 - WUKE SUSI WATTI'U AL᷊AL᷊USASSA

²⁴ Ana see i Musa namoṛṛettu titan Duata sulal᷊ammu sambau wuke. I tou namoṛṛetta ringannu maadunna wuassu panattaṛṛanne naddatingngu panginsueanne.

TAHIUL᷊E 31:24 Iomraidhean Croise

2 MARARATU 22:8

I Safan namasingkattu parentan datu si Hilkia, ana see i Hilkia nabbatti'a si Safan manungku i tou buatte naasomba wuke manga titan Mawu su Wal᷊en Mawu. I Hilkia nangonggolu wuke udde si Safan, ne i Safan nabbasate.

TAHIUL᷊E 17:18

Amungkangngu sangkatou itenega maola'a ratu, i tou ṛinone onggol᷊annu sambau wuke lal᷊oṛṛoannu manga titan Duata apan nial᷊inna wuassu wuke tutune apan sasahipunannu manga imam Lewi.

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

TAHIUL᷊E 31:25

Napawe nasuete, i tou nabbisara su manga imam Lewi apan niapamanara mallu'adda Wantallu Pa'aire,

TAHIUL᷊E 31:9

Ana see i Musa namoṛṛettu Titan Mawu Ruata wuṛṛu nionggola su manga imam Lewi apan niapamanara ual᷊u'adda Wantallu Pa'aire, wuṛṛu su manga piaṛṛa'u Israel.

YOSUA 1:8

Wuken tita udde ṛinone masokka iwasanu su al᷊aṛṛana'-U. Wasa'e wuke udde allo wuṛṛu ṛabbi, tadea'u i'o sidutu tuttuṛṛuta manga tita apan uawoṛṛetta sul᷊alumme. Amungkangu i'o tuttuṛṛuta sarangkanambone udde, ne wiakku sarun mal᷊uassa wuṛṛu maaola'a sarangkanambone.

YOSUA 24:26

Anambon tita wuṛṛu manga atoranna udde niwoṛṛetti tou su lal᷊ummu Wuken Tita Mawu. Wua'udde i tou nanganu sambau watu wahewalla su tampa apan apianne su Mawu.