TAHIUL᷊E 31:17 - WUKE SUSI WATTI'U AL᷊AL᷊USASSA

¹⁷ Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

TAHIUL᷊E 31:17 Iomraidhean Croise

1 MARARATU 8:57

Antimanna Mawu Ruatan kite uaṛundinganna si ite su ereapa i Tou lai uaṛundinganna al᷊amonan kite. Antimanna i Tou tawe manantangngi ite.

2 MARARATU 22:13

“Roote paiwal᷊o Mawu su ereapa i ya'u wuṛṛu anambon tumana'u Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe mapaamattu manga parenta apan uawoṛṛetta sulal᷊umme.”

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

2 TAWARIKH 15:2

na'oman sara i tou inaite naisasomban Ratu Asa, wuṛṛu nabbisara, “Ei Ratu Asa, tumana'u Yehuda wuṛṛu Benyamin sarangkanambone! Paddaringikka! Mawu maraninu amungkangu i yamiu maranin Tou. Amungkangu i yamiu maddorongnga tatantiron Mawu, i Tou sarun mangonggola. Arawe amungkangu i yamiu tawe maddaringikka si Tou, i Tou lai tawe maddaringikka si yamiu.

2 TAWARIKH 21:10

Nanattakka orassa udde Edom tate uasuṛṛubbawa su Yehuda. Sutempo udde soa Libna lai namangalo. Sarangkanambone udde nariaddi ana waugu Yehoram buatte nanantangngu Mawu, Ruata apan sassubbannu al᷊amonane.

2 TAWARIKH 24:20

Ana see Ghaṛṛahon Duata nangintaṛṛo si Zakharia ana'i Imam Yoyada. I Zakharia dirumarisikka su saruannu tumana'u soa, ana see nabbisara, “Mawu Ruata nabbisara, ‘Anio i yamiu maddirite tumuṛṛutta manga parenta-U wuṛṛu manilakate watanganni yamiu sassane. I yamiu tate maddaringikka si ya'u, ne i Ya'u lai tate maddaringikka darorongngi yamiu!’ ”

NEHEMIA 9:32

Oh Ruata, Ruatan kami apan matohassa! Ruata apan bahewalla wuṛṛu masiṛṛungnga! Ringannu satia I'o uaaggassa al᷊awo'u paaire; manga paaire-Nu I'o nanipussa wuṛṛu niapaaman-Nu. Ro'en tempon manga ratun Asyur mangngallangnga si yami na'oman sara orassa indi, manambo asasusa apan naṛṛia'a si yami. Manga ratun kami, imam, nabi wuṛṛu manga matatimmaddu wanua, wuṛṛu lai al᷊amona wuṛṛu tumana'a, buatte natataṛṛangnga sarangkanambone. Arie paabul᷊iane anambon asasusa udde! Arie timbul᷊ianan-Nu wuassu naung-Ngu!

AYUB 13:24

Anio I'o mallinda'a wuṛṛu massal᷊iu wua dingangku? Anio I'o ma'ellega si ya'u naal᷊ihidda seen-Nu?

AYUB 34:11

I Tou manggesekka taumata uasul᷊ungngu inolaanne, makkungnga si tou uasul᷊ungngu pallal᷊aghune.

DARALO 104:29

Napawe I'o manaile, i mangitou nata'utta; napawe I'o manganu sasangngone, i mangitou mate, wuṛṛu mawelengnga mabbal᷊i awu ere paarorone.

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 27:9

ariewe pa'imbuni wuassi ya'u.” Arie masa'u wuṛṛu manol᷊a'u allang-Ngu, ana waugu tumba'u I'o apan buatte nantul᷊ungku. Ariewe i ya'u iramme ara'e itantangnga, oh Ruata, mananal᷊ama'u.

DARALO 30:7

Sutempo naapendama langnganna, i ya'u nabbisara, “I ya'u sarun tawe iawaddo!”

DARALO 44:10

Arawe orassa indi I'o nanantangngi yami wuṛṛu namalan kami niawaddo. I'o tate lai inai suadio'a ringanni yami.

DARALO 89:46

I'o nangautta patatingumabasane, wuṛṛu nanaappa si tou ringannu asasili.

DARALO 90:11

Isai apan wotongnge maaillal᷊a ahewallu asasa'u-Nu, ara'e naatutukke pangillul᷊eannu asasa'u-Nu?

YESAYA 2:6

Oh Ruata, I'o nanantangken uman-Nu, papapulunni Yakub! Ana waugu su al᷊awo'u tampa su wanua indi taumata mappaattu daroa apan darantane wuassu ra'i wuṛṛu wuassu Filistin. Manga taumata mattanno inanaramannu taumata raho.

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

YESAYA 63:17

Oh Mawu, anio i yami niwala-Nu niumal᷊iwu? Anio I'o napaattikku naungngi yami na'oman sara i yami tate mata'uttu Mawu? Pabbelengke ana waugu manga allang-Ngu, wuṛṛu uman-Nu, pussa'a-Nu.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

YEREMIA 23:33

Mawu nabbisara, “Yeremia, amungkangngu pia sangkatou wuassu uma-U, ara'e sangkatou nabi ara'e imam maiwal᷊o si'o, ‘Apa tanatan Mawu?’ I'o ṛinone sumimbakka, ‘Ete i'o winabbawan Mawu; ana waugu udde i'o sarun iramme Mawu.’

YEREMIA 23:39

ne i Ya'u sarun manggemonna si mangitou wuṛṛu ituntungnga mara-rau, mawae ete i mangitou aroddi lai soa apan buatte Ta'u nionggolla si mangitou wuṛṛu al᷊amona mangitou.

YEREMIA 33:5

tawe gunane lumawangnga taumatan Babel, ana waugu olangnge udde tumba'u ma'ola'a soa indi mapenen binal᷊unannu manga taumata apan nipate-U sulal᷊ummu asasa'u wuṛṛu araṛṛagi-U si mangitou. I Ya'u maddirite lai ma'ellega soa indi ana waugu taumatane buatte na'ola'a al᷊al᷊eo.

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

YEREMIA 40:2

Komandannu tantara udde namaggo si ya'u sassane wuṛṛu nabbisara, “Mawu Ruatanu buatte namansagga makkimunsa'a wanua indi.

YEREMIA 8:19

Paddaringikka! Su ahewallu wanua pia sanseongnga aintul᷊i lal᷊uain balahangku apan ma'iwal᷊o, “Mawu tate lai su Sion? Suapate ratune orassa indi?” Sasimbakku Mawu, ratu mangitou, “Anio i'o massubba manga monganna apan mangke tawe gunane? Anio i'o mannaddu'a naung-Ku? ringannu massubba manga paal᷊uanna?”

YEHEZKIEL 39:29

I Ya'u mallal᷊innu Ghaṛṛaho-U su walahannu Israel, wuṛṛu tawe manantangngi mangitou apia. I Ya'u, Mawu Apan Atanggaṛṛanne buatte nabbisara.”

HOSEA 10:4

I mangitou mattaṛṛupassi wuṛṛu makkiinnu paaire awusu see mangngaukku paaire apan tawe gunane. Tita niwal᷊elong na'oman sara wawahia tinumuwo ere sasuanna pia sukkanne su wawail᷊anna apan buatte nipasolla.

HOSEA 9:12

Arawe salaiwe pia al᷊aṛṛana'a apan niasungkangnga wuṛṛu niwuwunna, i mangitou sarun Ta'u al᷊apanna, tawe saran sangkatou apan Ta'u iwala wiakka. Nasilakate i yamiu, ei walahannu Israel, napawe i Ya'u manantangken kamiu!”

MIKHA 3:4

Sarun a'omanna tempone i yamiu mangintul᷊i maiontolla su Mawu, arawe i Tou maddiri sumimbaka. i Tou tawe maddaringikka manga aal᷊iomannu, ana waugu i yamiu buatte na'ola'a al᷊al᷊eo.

REENGANNA 14:42

Imbaṛṛangnga inai! I yamiu sarun iawaddon manga seennu ana waugu Mawu tawe uarundinganna si yamiu.

TAHIUL᷊E 29:20

Mawu tawe mangampungnga taumata ereudde. Arawe i tou sarun aṛṛinoannu asasa'um Mawu apan ahewal᷊anne, wuṛṛu al᷊awo'u asasusa apan uawoṛṛetta sulal᷊ummu wuke indi sarun maṛṛia'a si tou, na'oman sara i tou pateannu Mawu.

TAHIUL᷊E 30:18

I yamiu sarun pateanna, wuṛṛu uukku maautta su wanua apan tate mal᷊annu lai atanaanni yamiu. Paanaunge! Olangnge udde buatte ta'u niwal᷊o si yamiu allo indi.

TAHIUL᷊E 30:19

Orassa indi yamiu wotongnge mamile suwallatu wiakka wuṛṛu mate, suwallatu al᷊amattu Mawu wuṛṛu wontoga. Langitta wuṛṛu runia ta'u wagoanna maola'a tatialane su ipaapuluna Pamilete i yamiu wiakka.

TAHIUL᷊E 31:18

Su tempo udde i Ya'u maddiri mantul᷊ungngi mangitou, ana waugu i mangitou, buatte nassubba manga Mawu wuṛṛu na'ola'a al᷊al᷊eo.

TAHIUL᷊E 7:21

Nariaddi ariete mata'uttu manga walahanna udde. Mawu Ruatanu ual᷊u'adda si yamiu. I Tou uddewe Mawu Ruata apan mawantuga wuṛṛu ahewal᷊anne.

MAL᷊AṚṚUUNGNGA 10:6

Walahannu Israel na'ola'e rosa apia su Mawu. I mangitou tate mappandumma Mawu wuṛṛu tate lai massubba si Tou. I mangitou massubbate manga mongannu Baal wuṛṛu Asytoret, wuṛṛu mongannu manga walahannu Siria, Sidon, Moab, Amon wuṛṛu Filistin.

MAL᷊AṚṚUUNGNGA 6:13

I Gideon sinumimbakka, “I ya'u madorongnga ampunga tuanga! Amungkangngu atonna Mawu uarundinganna si yami, anio al᷊awo'u inolaanna indi naṛṛia'a si yami? Suapate al᷊awo'u al᷊aṛindu'a apan buatte niola'u Mawu dorone wuṛṛu buatte niapasingkattu iupungngu al᷊amonang kami su ola'u ereapa Mawu napasabbangi mangitou wuassu Mesir? Orassa indi Mawu nanantangken kami wuṛṛu namalan kami paparentannu manga taumatan Midian.”