TAHIUL᷊E 31:16 - WUKE SUSI WATTI'U AL᷊AL᷊USASSA

¹⁶ Wisaran Mawu si Musa, “Papatenu maranite. Su apapul᷊enu walahannu Israel maddirite tumuṛṛutta si Ya'u wuṛṛu lumawangke pa'aire apan Ta'u niola'a si mangitou. I mangitou sarun manantang-Ku wuṛṛu massubba manga Mawu apan sassubbanna su wanua apan tate mal᷊annu lai suttanni mangitou.

TAHIUL᷊E 31:16 Iomraidhean Croise

PANDARIADDI 15:15

I'o sassane sarun maal᷊al᷊appa uukka apan matanggakka; i'o sarun mate ringannu matammudda, ana see ilabbingnga.

PANDARIADDI 47:29

Napawe maraniten tempone mate, i tou namago si Yusuf, anangnge udde, ana see nabbisara si tou, “Addoa'e limanu su wallatu palangku wuṛṛu passalu manungku i'o tawe mallabingku isindi su Mesir.

PANDARIADDI 47:30

I ya'u mappulu ilabingnga su tampa manga al᷊amona'u; apira'e winal᷊unangku wuassu wanua indi wuṛṛu labinga'e sulal᷊ummu labingngi mangitou.” Ana see i Yusuf sinumimbakka, “I ya'u sarun ma'ola'a apa apan niwisaran Iamangnga udde.”

2 SAMUEL 7:12

Allo addantane, napawe nia'omante papatenu, wuṛṛu i'o ilabbinga su labbingu al᷊amonanu, sangkatou wuassu anangngu esakka sarun Ta'u itenega maola'a ratu. Ete i tou apan mapararisikku wal᷊e-U. Araratuanne sarun Ta'u tohassanna wuṛṛu saran mal᷊annu-l᷊annu sangkatou papapulunne sarun mamarenta maola'a sangkatou ratu.

1 MARARATU 1:21

Amungkangngu i Tuangnga tawe mangonggollu putusanna udde, ṛinone sarun mariaddi napawe i Tuangnga mate, i ya'u wuṛṛu parin'siu sarun olaanna ere sangkatou mandal᷊al᷊eo.”

1 MARARATU 18:18

“I ya'u wal᷊ine mangangal᷊iba'ukka,” sasimbakki Elia, “arawe i Tuangnga sassane. Ete i Tuangnga wuṛṛu amonanni Tuangnga apan mangngal᷊iba'ukka. Ringannu massubba manga paal᷊uanni Baal, i Tuangnga nilumawangnga manga parentan Mawu.

1 MARARATU 19:10

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara tumba'u ana waugu I'o sassane. Arawe umattu Israel nilumawangnga paairen mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane nallambe, wuṛṛu orasa indi i mangitou maddea'a mamate si ya'u lai!”

2 MARARATU 18:12

Samaria nanawo ana waugu taumatan Israel tawe tumuṛṛutta Mawu, Ruatan mangitou. I mangitou nabbaha pa'aire apan niola'u Mawu si mangitou wuṛṛu nilumawanga anambon parentan Musa, allang-Nge. I mangitou maddiri maddaringikka wuṛṛu maddiri tumuṛṛutta Mawu.

2 MARARATU 20:1

Sutempo udde i Ratu Hizkia nirumadda'a pinsula apan mawakkata na'oman sara maraniten nate. I Nabi Yesaya ana'i Amos nattembo si tou wuṛṛu nabbisara, “Mawu nannanata tadea'u i Tuanga sarun manginsue al᷊awo'u manara, ana waugu i Tuanga tate mapia wuassu radda'a. Tate mal᷊annu lai i Tuanga sarun nate.”

2 TAWARIKH 21:11

Ewe'e i tou napararisikku manga tampa passubbanna paal᷊uanna su panenteannu Yehuda, wuṛṛu naarosa lai tumana'u Yehuda wuṛṛu Yerusalem su lantakku hatin Mawu.

AYUB 20:11

Salaiwe i tou dario'a wuṛṛu matohassa, arawe tal᷊angkadio'a lai i tou maola'a awu sassane.

DARALO 106:39

Ana waugu manga inolaanna udde i mangitou narosa, wuṛṛu tate maddaringikka Ruata.

DARALO 73:27

Taumata apan manantang-Ngu sarun masilaka, I'o namate taumata apan mal᷊awangnga Si'o.

SASABANGNGA 32:6

Tiṛṛabbine marua' allo maṛṛanggapa, manga taumatan Israel nangapiddu manga pira winatangnga olaanna sasamba itattambunna, wuṛṛu manga pira lai olaanna sasamban paddarame. I mangitou niuma'ianna u'anna wuṛṛu ma'inumma, ana see nabbuatta ana waugu lulluassa.

SASABANGNGA 34:15

Imbaṛṛangnga ma'ola'a pa'aire ringannu balahannu wanua udde, ana waugu su tempo i mangitou massubba wuṛṛu mangngonggolu sasamba su manga Mawu mangitou, i mangitou sarun mangahe si yamiu, wuṛṛu i yamiu sarun tumantalongnga.

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

YEHEZKIEL 16:15

Arawe i'o nassal᷊a paattu araṛṛamagu see awawangngin arannu. I'o mattiilla ringannu suapan esakka apan sumabbi isudde.

HOSEA 1:2

Sutempo Mawu paarorone nabbisara su walahannu Israel ringannu nabbisara wuassia'u, Mawu nabbisara, “Hosea, paawingken sangkatou apan apulune sussandaga, wuṛṛu manga anangngu lai sarun mangaṛṛussa si tou. Uma-U ere lai awingngu udde; i mangitou tawe satia si Ya'u, wuṛṛu nanantang-Ku.”

HOSEA 10:4

I mangitou mattaṛṛupassi wuṛṛu makkiinnu paaire awusu see mangngaukku paaire apan tawe gunane. Tita niwal᷊elong na'oman sara wawahia tinumuwo ere sasuanna pia sukkanne su wawail᷊anna apan buatte nipasolla.

IMAMATTA 26:15

amungkangngu i yamiu lumawangnga pa'aire apan Ta'u niola'a ringanni yamiu wuṛṛu maddiri tumuṛṛutta manga ṛarawessa wuṛṛu manga titale,

REENGANNA 27:13

Napawe buatte na'ellega, i'o sarun mate ere iaangngu Harun,

WATTI'U MANGA RASUL 13:36

I Daud natete wuṛṛu nilabingnga lai suadio'a ringannu iupungngu al᷊amonane, napawe i tou suete nammanara apa apan nirolokku Ruata si tou. Winal᷊unanni Daud naṛṛenessa wuṛṛu sarangkanambone nasuete.

TAHIUL᷊E 31:18

Su tempo udde i Ya'u maddiri mantul᷊ungngi mangitou, ana waugu i mangitou, buatte nassubba manga Mawu wuṛṛu na'ola'a al᷊al᷊eo.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

TAHIUL᷊E 32:50

I'o sarun mate su puiddu wowone udde, ere lai i Harun tuṛṛangngu nate su Wowon Hor.

TAHIUL᷊E 34:5

Ana see i Musa natete allangngu Mawu udde su leta'u Moab, ere buatte niwisaran Mawu paarorone.

TAHIUL᷊E 4:25

See lai amungkangngu i yamiu mal᷊annute uatana'a su wanua udde wuṛṛu piate ana'a pulunna, arie i yamiu marosa ana waugu na'ola'a su watangannu paal᷊uanna sulal᷊ummu al᷊awo'u lihiddu manga apa. Inolaanna udde sambau al᷊al᷊eo su mata Mawu Ruatanu wuṛṛu i Tou sarun masa'u.

SONDAPPA 19:2

Pallaṛṛuung-Nge matul᷊idda wuṛṛu masiṛṛonga! I Tou suete naṛṛuumannu sumasandaga apan wahewalla, apan nandal᷊eo runia ringannu sasandage. Ruata suete naṛṛuumannu sumasandaga udde, ana waugu ete i tou namate manga allangngu Ruata.”

MAL᷊AṚṚUUNGNGA 10:13

Salaiwe aroddi, yamiu ewe'e ta'e lai tuttal᷊iudda si Ya'u, ana see inai massubba manga monganna. Orassa indi Ya'u maddirite mamallossi yamiu apia.

MAL᷊AṚṚUUNGNGA 10:6

Walahannu Israel na'ola'e rosa apia su Mawu. I mangitou tate mappandumma Mawu wuṛṛu tate lai massubba si Tou. I mangitou massubbate manga mongannu Baal wuṛṛu Asytoret, wuṛṛu mongannu manga walahannu Siria, Sidon, Moab, Amon wuṛṛu Filistin.

MAL᷊AṚṚUUNGNGA 2:11

Wua'udde taumatan Israel narosate su saruannu Mawu. I mangitou lai tate massubba Mawu, Ruata iupungngu al᷊amonan mangitou, eteudde Ruata apan buatte nangapiddi mangitou sinumabbanga wuassu Mesir. I mangitou mannattake massubba si Baal wuṛṛu si Asytoret ana see lai manga monganna waine apan sassubbannu manga walahanna apan uatana'a maranin mangitou. Ne Mawu nasa'u si mangitou wuṛṛu namalaten seetta namangalo wuṛṛu nangaṛṛo darotongngi mangitou. I mangitou tawe naal᷊ore sinumaruanna manga seetta apan uapal᷊iwutta si mangitou.