TAHIUL᷊E 30:9 - WUKE SUSI WATTI'U AL᷊AL᷊USASSA

⁹ Mawu Ruatanu sarun ma'ola'a inasaharannu mangke mahessi; yamiu sarun maatahuanna anna manambo, wuṛṛu winatangnga apan manambo; manga wawail᷊annu sarun mangonggolu hessine manambo-nambo. Mawu ringannu naungnga mal᷊uassa ma'ola'a si yamiu ala, ere lai i Tou mal᷊uassa nangonggolu pa'a'ala su iupungngu al᷊amonanu.

TAHIUL᷊E 30:9 Iomraidhean Croise

YESAYA 62:4

Arannu wal᷊ine lai ‘Apan Nitantangnga’, wanuanu wal᷊ine lai ‘Apan Mal᷊annabba’. I'o sarun isaggo, ‘Apan Arangnguannu Ruata’, wuṛṛu wanuanu sarun isaggo, ‘Apan Buatte Naawingnga,’ ana waugu Mawu mappulunu, i Tou ere sangkatou awingnga su wanuanu.

YESAYA 62:5

Ere sangkatou umbasanna nattunanga ana'a maṛṛuala, etearoddi Mandariaddinu sarun ma'awingngu. Ere sangkatou esakka mal᷊uassa naungnge ma'asilo awingnge, etearoddi Ruata sarun mandangngu si'o.

YESAYA 65:19

I Ya'u sassane sarun lumuassa ana waugu Yerusalem, wuṛṛu lumala'a ana waugu tumanangnge. Su soa udde tate lai lal᷊uai, wuṛṛu tate lai aintul᷊i ma'iontolla.

YEREMIA 31:27

I Ya'u, Mawu, mabbisara manungku sarun a'omanna tempone wanua Israel wuṛṛu Yehuda Ta'u peneannu taumata wuṛṛu winatangnga.

YEREMIA 31:28

Su ereapa dorone i Ya'u buatte nallu'adda si mangitou tadea'u wua'udde i Ya'u mangabbutta, maṛṛa'a wuṛṛu makkimunsa'a si mangitou, aroddi lai i Ya'u sarun mallu'adda si mangitou tadea'u i Ya'u manohassa wuṛṛu i mangitou mabbangunna apia.

YEREMIA 32:41

I Ya'u sarun mal᷊uassa ma'ola'a apapia si mangitou, wuṛṛu ma'ola'a si mangitou matatana'a su wanua indi saran mal᷊annu-l᷊annu.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

IMAMATTA 26:4

I Ya'u sarun manossokku uranna su tempone, ma'oman sara leta'a mangonggolu hessine wuṛṛu manga aaluanna mabbua.

IMAMATTA 26:6

I Ya'u sarun mallu'adda wanuanu ma'oman sara i yamiu wotongnge matiilla ringannu matammudda wuṛṛu tawe mata'utti sai-sai. Manga winatangnga mal᷊aṛṛaga sarun Ta'u iapaawul᷊i wuassu wanua udde, wuṛṛu tate lai pangalo su wanuanu.

ZEFANYA 3:17

I yamiu lal᷊u'arannu Mawu Ruatannu apan matohassa. I yamiu naauntungnga ana waugu taṛṛino-Ne. Mawu lullassa wuṛṛu lullala'a ana waugu i yamiu, sulal᷊ummu darangngu-Ne i yamiu mabbiakka wakku. Ana waugu i yamiu, i Tou mangngantari lulluassa.

LUKAS 15:32

Arawe i ite sarun ma'andeangnga wuṛṛu lumuassa ana waugu tuarinu udde natete, arawe orassa indi nabbiakke apia; i tou nawul᷊ite, arawe orassa indi nawelengke apia.’ ”

YOHANES 15:11

Sarangkanambone indi Ta'u iapaasingkatta si yamiu, tadea'u al᷊al᷊ua-U mangke pia sulal᷊ummu naungngu, wuṛṛu al᷊al᷊uannu maola'a masuungnga.

TAHIUL᷊E 28:4

Nial᷊amatante i yamiu, ma'oman sara manga anangngu manambo, hessin letangngu lumambalanna wuṛṛu sapi see lai ambingnga dombanu anambone a'atambanna.

TAHIUL᷊E 28:63

Ere lai Mawu mal᷊uassa mangonggolu lal᷊umanna'a si yamiu wuṛṛu mannimu reengannu, i Tou sarun mal᷊uassa mamate wuṛṛu manginsue si yamiu. I yamiu sarun limbuaṛṛanna wuassu wanua apan tate mal᷊annu lai atanaanni yamiu.

TAHIUL᷊E 30:8

I yamiu sarun mabelengnga apia tumuṛṛutta Mawu Ruata wuṛṛu mapaamattu al᷊awo'u parenta-Ne apan ta'u nionggola si yamiu allo indi.

TAHIUL᷊E 7:14

Wuassu anambon balahanna su runia, tawe saran sambau apan naasomba al᷊amatta aroddi nilumambalanna ere si yamiu. Wuassi yamiu sarangkanambone, wuṛṛu wuassu al᷊awo'u winatangnga papadul᷊ianannu tawe saran sambau apan tinna.