TAHIUL᷊E 30:19 - WUKE SUSI WATTI'U AL᷊AL᷊USASSA

¹⁹ Orassa indi yamiu wotongnge mamile suwallatu wiakka wuṛṛu mate, suwallatu al᷊amattu Mawu wuṛṛu wontoga. Langitta wuṛṛu runia ta'u wagoanna maola'a tatialane su ipaapuluna Pamilete i yamiu wiakka.

TAHIUL᷊E 30:19 Iomraidhean Croise

PANDARIADDI 2:17

tumba'u wuassu wuan kalu apan mangonggollu asingkatta su ola'u apapia wuṛṛu al᷊al᷊eo. Imbaṛṛangnga i'o umanna wuane, amungkangngu i'o umana; i'o sarun mate su allo udde lai.”

DARALO 119:111

Parenta-Ne uddewe pussa'a-U sarangkal᷊o'engnge, apan naal᷊uassa naungku.

DARALO 119:173

Antimanna I'o sidutu umontola si ya'u, ana waugu i ya'u namile tumuṛṛutta parenta-Nu.

DARALO 119:30

I ya'u buatte namile tadea'u tumuṛutta, apan sidutu nanaungangku.

AMSAL 1:29

I yamiu naal᷊ihidda taumata apan maddiri maasomba asingkatta, wuṛṛu maddiri tumuṛṛutta Mawu.

AMSAL 12:28

Taumata apan u'amatta su lal᷊anna apan naṛṛino sarun mabbiakka su al᷊al᷊uassa; taumata apan u'amatta su lal᷊anna sal᷊a udde mattuddan papate.

AMSAL 8:36

Isai tawe maasomba si ya'u, mandugi watanganne sassane; taumata apan maddantingku, mandangngu papate.”

AMSAL 9:11

Asingkatta sarun mangonggolla si'o uukka mal᷊o'engnga.

YESAYA 1:2

Paddaringikka ei langitta, panutukke ei runia! Mawu nabbisara, “Manga al᷊aṛṛana'a apan buatte nipaddul᷊ianang-Ku namangalo si Ya'u.

YESAYA 56:4

Mawu nabbisara si mangitou, “Amungkangngu i yamiu mallaghun allon Sabatta, amungkangngu i yamiu satia su pa'aire-U wuṛṛu inolaannu maal᷊uassa naung-Ku,

YEREMIA 21:8

Wua'udde Mawu nandolo'u nabbisara arendi lai su uman-Ne, “Paddaringikke, i Ya'u, Mawu, nangonggolla si yamiu sambau iapapile: lal᷊anna apan mattuddan pabbiaṛṛanna, ara'e lal᷊anna apan mattudan papate.

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

YEREMIA 42:21

Orassa indi i ya'u buatte namasingkattu tanata Mawu Ruatang kite si yamiu, arawe i yamiu maddiri tumuṛṛutta tanata udde.

YEHEZKIEL 20:11

Poiaroddi Ta'u nionggolla si mangitou manga parenta-U wuṛṛu Ta'u niaṛṛaannu manga tita-U apan ṛinone tuṛṛutanni mangitou, ana waugu taumata apan tuttuṛṛuta sidutu sarun wiakka.

LUKAS 10:42

arawe apa apan pia gunane tumba'u sambau. Wuṛṛu i Maria suete namile lembon apianne, apan tawe iaal᷊appa wuassi tou.”

WATTI'U MANGA RASUL 2:39

Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”

TAHIUL᷊E 11:26

Allo indi yamiu wotongnge mamile suwallatu al᷊amatta wuṛṛu wontoga.

TAHIUL᷊E 30:1

“Orassa indi yamiu wotongnge mamile suwallatu al᷊amatta wuṛṛu wontoga ere buatte ta'u tinal᷊a'a si yamiu. Amungkangngu i yamiu buatte naapendamma al᷊awo'u asasusa udde wuṛṛu mabiakka suwallatu walahanna waine sutampa i yamiu nisal᷊iawukku Mawu Ruatanu, i yamiu sarun maanaungnga pamamile apan ta'u nionggolla si yamiu.

TAHIUL᷊E 30:15

Allo indi yamiu wotongnge mamile suwallatu mapia wuṛṛu lal᷊eo, suwallatu wiakka wuṛṛu mate.

TAHIUL᷊E 30:16

Allo indi ya'u mamarenta si yamiu tadea'u mandangngu Mawu Ruatanu wuṛṛu tumuṛṛutta si Tou apiddu tumuṛṛutta al᷊awo'u tita wuṛṛu parenta-Ne tadea'u i yamiu maala wuṛṛu maola'a sambau walahanna apan wahewalla. Mawu Ruatanu sarun mangal᷊amatta si yamiu su wanua apan tate mal᷊annu lai pamanuanni yamiu.

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

TAHIUL᷊E 31:28

Orassa indi doloṛṛa'e anambon piaṛṛa'u walahannu wuṛṛu manga tembonannu tantara ma'ammula su saruangku, tadea'u i ya'u wotongnge mamasingkattu manga hatto indi si mangitou. Langitta wuṛṛu runia ta'u wagoanna maola'a sambau tatiala su saruanni mangitou.

TAHIUL᷊E 32:1

“Padaringikke, ore langitta, i ya'u ma'apulu mabbisara; ei runia, pantaingken tal᷊inga!

TAHIUL᷊E 4:1

Ana see i Musa nabbisara su walahanna udde, “Paatuṛṛute anambon tita apan ta'u niaṛṛa'a si yamiu, tadea'u i yamiu wotongnge mabbiakka ma'oman sara mamanua su leta'a apan nionggolu Mawu Ruatan al᷊amonanu si yamiu.

TAHIUL᷊E 4:25

See lai amungkangngu i yamiu mal᷊annute uatana'a su wanua udde wuṛṛu piate ana'a pulunna, arie i yamiu marosa ana waugu na'ola'a su watangannu paal᷊uanna sulal᷊ummu al᷊awo'u lihiddu manga apa. Inolaanna udde sambau al᷊al᷊eo su mata Mawu Ruatanu wuṛṛu i Tou sarun masa'u.

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.

TAHIUL᷊E 4:6

Ola'e ringannu atatuṛṛutta. Amungkangngu inolaanni yamiu aroddi, ne apapandenu lumiatta'a su manga walahanna waine. Napawe i mangitou maaringikka manga tita udde, i mangitou sarun mabbisara, “Asingkata wuṛṛu apandewe eteapa walahanna apan bahewalla udde!”

TAHIUL᷊E 6:2

Ṛinone i yamiu wuṛṛu papapulunnu su al᷊o'engngu pabbiaṛṛanna mangaddata Mawu Ruatanu wuṛṛu tuttuṛṛutta anambon tita-Ne apan ta'u niapasingkatta si yamiu tadea'u uukku malo'engnga mabbiakka su wanua udde.

1 TIMOTIUS 5:21

Su saruannu Ruata, Kristus Yesus wuṛṛu manga mala'ekatta apan napile, i ya'u sumal᷊ande tadea'u i'o tumuṛṛutta manga tatantiro indi ringannu tawe massunna lal᷊eo su saruanni sai-sai ringannu tawe masasamba'a.