TAHIUL᷊E 30:18 - WUKE SUSI WATTI'U AL᷊AL᷊USASSA

¹⁸ I yamiu sarun pateanna, wuṛṛu uukku maautta su wanua apan tate mal᷊annu lai atanaanni yamiu. Paanaunge! Olangnge udde buatte ta'u niwal᷊o si yamiu allo indi.

TAHIUL᷊E 30:18 Iomraidhean Croise

REENGANNA 32:15

Amungkangngu i yamiu mabbal᷊i'a tumal᷊iudda Mawu, ne ahewallu walahanna indi sarun iwalan Tou lembon mal᷊annu lai su wadda'a, wuṛṛu ete i yamiu nandantan papate si mangitou!”

TAHIUL᷊E 30:17

Arawe amungkangngu i yamiu tawe tumuṛṛutta wuṛṛu maddiri maddaringikka, wuṛṛu mamalan batangannu ial᷊iwune iapasubba manga Mawu waine,

TAHIUL᷊E 31:17

Amungkangngu udde mariaddi, i Ya'u sarun masa'u nipangillembo su saruanni mangitou. I mangitou sarun Ta'u itantangnga wuṛṛu Ta'u pateanna. Manambo asasusa apan masaddata maṛṛia'a si mangitou, ana see i mangitou maatutukka manungku sarangkanambone udde nariaddi ana waugu i Ya'u, Ruatan mangitou, tate lai ual᷊u'adda si mangitou.

TAHIUL᷊E 31:21

wuṛṛu manambo asasusa apan bahewalla sarun maṛṛia'a si mangitou. Arawe antari indi sidutu sarun ia'antari wuṛṛu ipappaatta maola'a tatiala si mangitou. Wuṛṛu lai orassa indi, tantal᷊anna i mangitou taambe niapi-U Ta'u iapidda watukku wanua apan pina'ire-U, i Ya'u masingkattu lal᷊annu ṛingiddi mangitou.”

TAHIUL᷊E 31:29

I ya'u masingkatta manungku napawe i ya'u natete, manga taumata udde sarun mabbal᷊i lal᷊eo wuṛṛu maddiriten al᷊aṛṛa'a apan buatte ta'u niaṛṛa'a si mangitou. Wuṛṛu i mangitou sarun aṛṛiaannu asasusa, ana waugu naasa'u Mawu ringannu na'ola'a sarangkanambone apan isassingaddi Tou.”

TAHIUL᷊E 4:25

See lai amungkangngu i yamiu mal᷊annute uatana'a su wanua udde wuṛṛu piate ana'a pulunna, arie i yamiu marosa ana waugu na'ola'a su watangannu paal᷊uanna sulal᷊ummu al᷊awo'u lihiddu manga apa. Inolaanna udde sambau al᷊al᷊eo su mata Mawu Ruatanu wuṛṛu i Tou sarun masa'u.

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.