TAHIUL᷊E 3:11 - WUKE SUSI WATTI'U AL᷊AL᷊USASSA

¹¹ (I Ratu Og uddewe taumatan Refaim panginsueanne. Wasungnge biola'a wuassu watu, al᷊o'engnge appata su meterene wuṛṛu al᷊alakke maranin darua su meterene tumuṛṛuttu uuṛṛanna apan nitantunna. Saran orassa indi ta'e wotongnge ellehanna su Raba, soan taumatan Amon.)

TAHIUL᷊E 3:11 Iomraidhean Croise

PANDARIADDI 14:5

Su tonna appul᷊one appata, Kedorlaomer wuṛṛu manga hawene nirumanta ringannu tantara mangitou wuṛṛu napaarugin taumatan Refaim su Asyterot-Karnaim, taumatan Zuzim su Ham, taumatan Emim su Syawe-Kiryataim,

PANDARIADDI 6:15

Apalla udde ṛinone 133 meteṛṛe al᷊o'engnge, 22 meteṛṛe al᷊al᷊akke, wuṛṛu 13 meteṛṛe atanggake.

2 SAMUEL 11:1

Manga ratu inanaramanne mapapangalo sutempo rongnga mallal᷊uwo. Ne sutempo rongnga mallal᷊uwote su tonna udde i Daud nandolokki Yoab inai mapapangalo suadio'a ringannu manga piaṛṛa'u tantarane wuṛṛu anambon tantaran Israel; ana see i mangitou namaddoten taumatan Amon wuṛṛu namangalo soa Raba. Arawe i Daud natana'a su Yerusalem.

2 SAMUEL 12:26

Tantal᷊anna udde i Yoab ta'e uapapangalo su Raba, inangngu wanua soan Amon, wuṛṛu maraniten iaaṛṛo.

YEREMIA 49:2

Arawe sarun a'omanna tempone i Ya'u ma'ola'a tumana'u Raba, inangngu soa Amon udde, maaringikka hahuressan pangalo. Soa udde maola'a winal᷊alanna wuṛṛu manga soa maranine masoṛṛobba abbi. Wua'udde Israel sarun mangul᷊e apia letangnge wuassu manga taumata apan dorone nangaṛṛo.

YEHEZKIEL 25:5

Soan Raba sarun Ta'u wal᷊uanna maola'a tampa pamadul᷊iananna unta, wuṛṛu ahewallu wanua Amon mabbal᷊i tampa pamadul᷊iananna domba. Ne i yamiu masingkatte manungku ete i Ya'u Mawu.’ ”

AMOS 1:14

Ana waugu udde, i Ya'u mangirimmu putungnga watukku manga darandungngu soa Raba, wuṛṛu manoṛṛobba ma'oman sara masue manga tanda'a watune. Sutempo udde sarun aringiṛṛanna paggahahion pangalo, wuṛṛu papangalo maddantanna ere tandi'a.

AMOS 2:9

Salaiwe aroddi, ei uma-U, ete ana waugu i yamiu i Ya'u namate taumatan Amori apan mal᷊angkassa ere punnu cemara wuṛṛu matohassa ere punnu terpentin.

TAHIUL᷊E 2:11

Ere lai taumatan Enak, i mangitou lai isassago taumatan Refaim, arawe i mangitou nisaagon taumatan Moab aranne taumatan Emim.

TAHIUL᷊E 2:20

Wageangngu leta'a udde lai tinumelengnga aranne wanua Refaim, arannu walahanna apan dorone uatana'a isudde; ṛatangannu taumatan Amon i mangitou nisaggo taumatan Zamzumim.

YOSUA 12:4

Ratu waine apan mawaddon taumatan Israel eteudde i Ratu Og wuassu wanua Basan, apan uatana'a su Asytarot wuṛṛu Edrei. I tou suwallatu sangkatou apan nallambe wuassu walahannu Refaim.

YOSUA 13:12

Wageangngi mangitou lai nasutta leta'a paparentanni Ratu Og, taumatan Refaim apan panginsueanne naparenta su Asytarot wuṛṛu Edrei. I Musa buatte namaddo manga balahanna udde wuṛṛu nallimbuakka si mangitou niapassabangnga wuassu leta'i mangitou.

SONDAPPA 21:17

Su tempo mala'ekatta udde nanguukka darandunge, inauranna atanggaku darandunge udde annumu pul᷊o su meteṛṛene. Uuṛṛana apan nipaattu mala'ekatta udde eteudde uuṛṛana apan ipappaattu taumata lai.

1 SAMUEL 17:4

Ne pia sangkatou taṛṛa wawulo aranne i Goliat, wuassu soan Gat, sinumabbangnga wuassu paddasanannu taumatan Filistin inai sumaruanna taumatan Israel. Al᷊angkanne iraṛṛangngo tatallu su meterene,