TAHIUL᷊E 29:5 - WUKE SUSI WATTI'U AL᷊AL᷊USASSA

⁵ Appatu pul᷊o su tonnane al᷊annune Mawu uapiaṛṛa'i yamiu u'amatta su wadda'a, arawe laungngu wuṛṛu silopenu tawe nal᷊al᷊eo.

TAHIUL᷊E 29:5 Iomraidhean Croise

NEHEMIA 9:21

Al᷊annune appatu pul᷊o su tonnane su wadda'a mal᷊alangnga, I'o nanuungngu hausanni mangitou. Laubbi mangitou tawe saran paassa mahesa'a, leddan mangitou tawe humiadda ara'e maggandalla,

DARALO 78:24

I Tou nanossokku ganduma wuassu surga, manna maola'a wiakki mangitou.

SASABANGNGA 6:7

I yamiu sarun Ta'u iapidda watukku wanua apan buatte nipa'ire-U ringannu sasalu si Abraham, i Ishak wuṛṛu i Yakub; leta'a udde Ta'u ionggola si yamiu maola'a pussaanu sassane. Ete i Ya'u Mawu.”

SASABANGNGA 7:7

I Musa uukke 80 su tonnane wuṛṛu i Harun 83 su tonnane su tempo itarua sinumaruanna ratu.

REENGANNA 14:33

Appatu pul᷊o su tonnane al᷊annune al᷊aṛṛanangngu sarun lumallele su wadda'a. Ana waugu i yamiu mal᷊awangnga, al᷊aṛṛanangngu udde sarun matataṛṛangnga, ma'oman sara taumata panginsueanne su wallati yamiu lai nate.

MATIUS 10:10

Arie lai mangapiddu pato'am padaroronganna, ara'e laubba ruam parassa su amatannu, ara'e sapatu, ara'e ta'inna. Ana taumata apan mammanara sarun isuungnga hausanne.

TAHIUL᷊E 1:3

Su allo paarorone wul᷊anna mappul᷊o assane sulal᷊ummu tonna aiappatu pul᷊one napawe i mangitou buatte nanantangngu Mesir, i Musa namasingkatta su walahanne udde sarangkanambone apan nirolokku Mawu iapawal᷊o si mangitou.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

TAHIUL᷊E 8:3

I tou mamalan kamiu niamal᷊unusanna, ana see i tou nangonggolu manna iapaanna si yamiu. I yamiu wuṛṛu al᷊amonanu taambe niumanna anna udde paarorone. Mawu na'ola'a aroddi tadea'u ipangaṛṛa'a si yamiu manungku taumata tawe tumba'u mabbiakku anna sassane; ewe'e wuassu al᷊awo'u wisaran Mawu.

TAHIUL᷊E 8:4

Su al᷊annune appatu pul᷊o su tonnane indi laungngu tawe naliesa'a wuṛṛu leddanu tawe hinumanne.

YOSUA 9:13

Wuṛṛu manga pato'an anggore indi ta'e wakku su tempo yami nalloṛṛo; arawe orassa indi, pa'ellege! Nahahesa'e. Laubbi yami wuṛṛu sapatun kami nahahoakka ana waugu amatanna apan marau indi.”

YOSUA 9:5

Roti apan namarate wuṛṛu niwungante. I mangitou ual᷊uṛṛen laubba apan nahahesa'a see sapatu apan tabbete wuṛṛu pia darappele.