TAHIUL᷊E 29:4 - WUKE SUSI WATTI'U AL᷊AL᷊USASSA

⁴ Arawe naddatingngu allo indi i Tou taambe namalan kamiu massunna sarangkanambone apan niapendamanni yamiu udde.

TAHIUL᷊E 29:4 Iomraidhean Croise

SASABANGNGA 16:35

Manna udde nabbal᷊i wiakku taumatan Israel al᷊annune appatu pul᷊o su tonnane manansunna, ma'oman sara i mangitou maddatingke su Kanaan, sutampa i mangitou mamanua. (

AMSAL 20:12

Tal᷊inga ipaddaringikka wuṛṛu mata ipa'ellega, itarua udde ete Mawu apan nandiaddi.

YESAYA 63:17

Oh Mawu, anio i yami niwala-Nu niumal᷊iwu? Anio I'o napaattikku naungngi yami na'oman sara i yami tate mata'uttu Mawu? Pabbelengke ana waugu manga allang-Ngu, wuṛṛu uman-Nu, pussa'a-Nu.

YEHEZKIEL 12:2

“Ei taumata apan mattate, i'o uatana'a suwallattu manga taumata mal᷊awangnga. I mangitou pia mata, arawe tawe maasilo; pia tal᷊inga, arawe tawe maaringikka, ana waugu i mangitou apulune lullawangnga.

YEHEZKIEL 36:26

Ne i yamiu Ta'u onggol᷊annu naungnga apan bakku wuṛṛu ṛingiṛṛanna apan bakku. Naungngu apan maatikka ere watu udde sarun Ta'u hantiannu naungnga apan matuṛṛutta.

YOHANES 8:43

Anio i yamiu tawe maasunna apa iwabal᷊o-U? Ana waugu i yamiu tawe maataṛṛangnga maddaringikka al᷊aṛṛa-U.

2 KORINTUS 3:15

Orassa indi lai, napawe i mangitou mabbasa manga Wuke Musa, lal᷊indumma udde ta'e ual᷊indumma ṛingiṛṛanni mangitou.

EFESUS 4:18

Ṛingiṛṛanni mangitou marandumpe. I mangitou tawe maaillal᷊a pabbiaṛṛanna apan nionggolu Ruata, ana waugu i mangitou atonna-tonna tawe asingkatta saran kadio'a su ola'u Ruata. I mangitou aroddi, ana waugu tawe maddaringikka Ruata.

TAHIUL᷊E 2:30

Arawe i Ratu Sihon tawe namalan kite sumabbi wanuane udde. Mawu Ruatanu napa'aattiku naungnge wuṛṛu mappandumma tadea'u i ite wotongnge mamaddon i tou. Wageangngu letangnge ta'e datanaanni ite naddatingngu orassa indi.

TAHIUL᷊E 2:7

Paanaungete ereapa Mawu Ruatanu buatte nangal᷊amatta si yamiu su al᷊awo'u manaran kamiu. I Tou nappaddul᷊i tantal᷊anna mammal᷊intaddu wadda'a apan mal᷊alangnga indi. I Tou ual᷊u'adda si yamiu al᷊annune appatu pul᷊o su tonnane indi, wuṛṛu nangonggolu saranapa apan pappandumanni yamiu.

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.