TAHIUL᷊E 29:29 - WUKE SUSI WATTI'U AL᷊AL᷊USASSA

²⁹ Pia manga pira hatto apan iaadappingngu Mawu Ruatan kite; arawe tita-Ne buatte niapal᷊iatta'a si ite, wuṛṛu i ite see papapulunni ite ṛinone tumuṛṛutta saran mal᷊annu-l᷊annu.”

TAHIUL᷊E 29:29 Iomraidhean Croise

PANDARIADDI 41:16

I Yusuf sinumimbakka, “Wal᷊ine allangi, Tuangku, ewe'e Ruata apan sarun mangonggolu tal᷊aane apan naṛṛino.”

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

DARALO 25:14

Mawu uddewe hawen taumata apan mangngimanna, I Tou namasingkattu panduman-Ne si mangitou.

AMSAL 25:2

Ruata wabbantuhanna ana waugu apa apan iaadapping-Nge; ratu aaddatanna ana waugu apa apan tattal᷊aane.

AMSAL 3:32

Waugu, Mawu maddantinnu taumata apan ma'ola'a al᷊al᷊eo, arawe i Tou uaaukku taumata apan biakke matul᷊idda.

YESAYA 8:20

Simbakke arendi, “Paddaringikke al᷊aṛṛa'u Mawu! Taumata apan tawe mabbisara uasul᷊ungngu al᷊aṛṛa'a udde, tawe antimma.”

YEREMIA 23:18

I ya'u mabbisara, “Tawe saran sangkatou wuassu manga nabi udde maasingkattu apa apan uaraddo sulal᷊ummu naungngu Mawu. Taweddu wuassu wallatti mangitou buatte naaringikka ara'e ma'asunna manga ṛiin-Ne; taweddu lai apan maddaringikka ara'e mangaregga manga wisara-Ne.

DANIEL 2:22

Ete i Tou apan manni'attu addapingnga apan tumaniten mal᷊al᷊unna I Tou masingkattu al᷊awo'a apan mariaddi sulal᷊ummu ararandumma.

DANIEL 4:9

“Ei, Beltsazar, piaṛṛa'u manga taumata pia asingkanne, i ya'u masingkatta manungku i'o niintaṛṛoannu ghaṛṛahon manga monganna apan susi, na'oman sara tawe addappingnga apan uawuni si'o. Paddaringikke wal᷊iawa'u indi, wuṛṛu tal᷊aa'e atappasanne.

AMOS 3:7

Mawu Apan Atanggaṛṛanne taambe saran paassa mapaamattu sambau manara ringannu tawe mamasingkattu ṛiin-Ne su manga nabi, manga allang-Nge.

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

MATIUS 13:35

Ringannu aroddi nariaddite apa apan niwal᷊o nabi, “I ya'u mappaattu sasumandingnga amungkangngu maggahatto mangitou; I ya'u sarun mabbatti'u inolaanna apan uawuni ro'en arariadin runia indi.”

YOHANES 15:15

I Ya'u tate lai mamago si yamiu allangnga, ana waugu allangnga wagga apa apan tantal᷊anna mammanarannu mawune. I yamiu wagoangkute hawe, ana waugu sarangkanambone apan niaringiṛṛang-Ku wuassu Iamangnga, suete Ta'u niapaasingkatta si yamiu.

YOHANES 20:31

Arawe sarangkanambone indi niwoṛṛetta, tadea'u i yamiu mangngimanna manungku Mawu Yesus eteudde Ratu Punnu Sal᷊amatta, Ana'u Ruata, wuṛṛu ana waugu mangngimanna si Tou, i yamiu naasomba wiakka.

YOHANES 21:22

Mawu Yesus sinumimbakka, “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu. Arawe i'o tantalongke si Ya'u!”

YOHANES 5:39

I yamiu mangngurumma Wuke Susi ana waugu mangngantimma manungku ringannu olangnge udde i yamiu maatahuanna wiakka tutune wuṛṛu saran mal᷊annu-l᷊annu. Wuṛṛu Wuke Susi udde sassane mattiala su ola'u riri-U.

WATTI'U MANGA RASUL 1:7

Mawu Yesus sinumimbakka, “Iamangku sassane manantunnu allone wuṛṛu tempone. Udde tawe wotongnge asingkatanni yamiu, ana waugu udde apulun Iamangnga.

WATTI'U MANGA RASUL 17:11

Manga taumata su Berea masaṛṛionto'a naungnge wuassu manga taumata su Tesalonika. Ringannu naungnga mal᷊uassa i mangitou madaringikka watti'u Mawu Yesus, wuṛṛu miallo-miallo i mangitou mannaṛṛassida lal᷊oṛṛon Wuke Susi tadea'u maasingkatta tanne al᷊aṛṛa'i Paulus udde atonna.

1 KORINTUS 2:16

Sulal᷊ummu Wuke Susi uawoṛṛetta, “Isai massingkatu ṛingiṛṛannu Mawu? wuṛṛu isai wotongnge mangal᷊aṛṛa'a si Tou?” Ete i ite apan uatahuanna ṛingiṛṛanna apan uasul᷊ungngi Kristus!

TAHIUL᷊E 30:2

Amungkangngu i yamiu wuṛṛu papapulunnu mappulu mabelengnga ringannu Mawu Ruatanu, wuṛṛu ringannu ahewallu naungngu tumuṛṛutta manga parenta-Ne apan ta'u nionggola si yamiu allo indi,

TAHIUL᷊E 6:7

Tantiroa'e udde su manga anangngu. Ṛinone udde ihatton kamiu sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

2 TIMOTIUS 1:5

I ya'u maanaungnga pangangimannu apan atonna-tonna si Kristus, ere lai pangangimanni iupungngu Lois wuṛṛu inangngu Eunike. Wuṛṛu i ya'u mangantimma i'o lai pia pangangimanna ereudde.

2 TIMOTIUS 3:16

Sarangkanambone apan uawoṛṛetta sulal᷊ummu Wuke Susi, tinantiron Duata wuṛṛu pia gunane ipangaṛṛa'a al᷊aṛṛa'a su ṛinone, ipanaggu, wuṛṛu ipangapia apan nassal᷊a, wuṛṛu ipangaṛṛa'a taumata tadea'u mabbiakka tumuṛṛuttu apulun Duata.