TAHIUL᷊E 29:21 - WUKE SUSI WATTI'U AL᷊AL᷊USASSA

²¹ I tou sarun olaannu Mawu maola'a sambau tul᷊adda su anambon ṛuangannu Israel, wuṛṛu maṛṛuumanni tou ringannu wontoga apan isassago sulal᷊ummu pa'aire apan uawoṛṛetta sulal᷊ummu wuke indi, wuke Titan Mawu.

TAHIUL᷊E 29:21 Iomraidhean Croise

YEREMIA 42:18

Su ereapa i Ya'u, Mawu Ruatan Israel napasabbangngu asasa'u wuṛṛu araṛṛagi-U su tumana'u Yerusalem, aroddi lai Ya'u mapasabbangngu araṛṛagi-Ku si yamiu apan inai watukku Mesir. Taumata sarun marantinna maasilo si yamiu; i yamiu sarun heloanna, wuṛṛu arannu tate ipaatta maola'a wawontoga. I yamiu tate maasilo apia leta'a niariaddiannu indi.”

YEHEZKIEL 13:9

I Ya'u sarun makkuumanni yamiu, ei manga nabi apan mammasingkattu pani'atta awusu wuṛṛu ma'ira-ira manga sondappa! I yamiu tate lai wotongnge mangonggollu laṛṛawessa sulal᷊ummu manga ammul᷊annu uma-U. Manga rannu sarun pappasanna wuassu reengannu walahannu Israel, wuṛṛu i yamiu tate maapule su leta'a inariaddiannu. Ne i yamiu masingkatte manungku ete i Ya'u Mawu Apan Atanggaṛṛanne.

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

MATIUS 24:51

Ne mangangimbe udde sarun puul᷊annu mawune wuṛṛu iramme su tampa manga taumata lilangkamal᷊e'a. I mangitou sarun lumuai wuṛṛu matataṛṛangnga poiaroddi.”

MATIUS 25:32

Al᷊awo'u walahanna sarun iammulla su saruan-Ne. See i Tou sarun maṛṛae mangitou maola'a ruang kadoananna ere mallal᷊u'adda domba maṛṛaen dombane wuassu ambingnga.

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

MATIUS 25:46

Ne manga taumata udde sarun iṛṛuumanna ringannu ṛuumanna ma'oman sara mal᷊annu-l᷊annu, arawe manga taumata apan tuttuṛṛutta apulun Ruata sarun maapendamma pabbawiakka tutune saran mal᷊annu-l᷊annu.”

TAHIUL᷊E 28:59

Mawu sarun mandanta si yamiu wuṛṛu papapulunnu manga radda'a apan tawe mapia wuṛṛu manga riwutta apan masahadda pangundamanne.

TAHIUL᷊E 28:61

Mawu lai sarun mandantan al᷊awo'u radda'a wuṛṛu riwutta apan tawe niwoṛṛetta sulal᷊ummu wuke indi, wuken Titan Mawu. Ana see i yamiu sarun pateanna.

TAHIUL᷊E 30:10

Arawe i yamiu ṛinone matuṛṛutta Mawu Ruatanu wuṛṛu tuttuṛṛuta al᷊awo'u tita-Ne apan uawoṛṛetta sulal᷊ummu wuke indi, wuke Titan Mawu. I yamiu ṛinone mabelengnga si Tou ringannu ahewallu naungngu.

TAHIUL᷊E 32:23

Mangke sidutu Ta'u iapparanta asasilaka. Ta'u ipiti'a anambon anaang-Ku si mangitou.