TAHIUL᷊E 29:20 - WUKE SUSI WATTI'U AL᷊AL᷊USASSA

²⁰ Mawu tawe mangampungnga taumata ereudde. Arawe i tou sarun aṛṛinoannu asasa'um Mawu apan ahewal᷊anne, wuṛṛu al᷊awo'u asasusa apan uawoṛṛetta sulal᷊ummu wuke indi sarun maṛṛia'a si tou, na'oman sara i tou pateannu Mawu.

TAHIUL᷊E 29:20 Iomraidhean Croise

PANDARIADDI 6:7

na'oman sara nabbisara, “I ya'u sarun mamate apan buatte Ta'u niola'a udde, wuṛṛu lai al᷊awo'u manu'u winalanganna wuṛṛu winatangnga waine, ana waugu ya'u sinumassilla buatte nandiaddi si mangitou.”

2 MARARATU 14:27

Mawu tawe tudda makkimunsa'a Israel sarangkal᷊o'enge, ana waugu i Tou nantul᷊ungi mangitou sulal᷊ummi Ratu Yerobeam II.

DARALO 18:8

Ana see runia niumio'a wuṛṛu tinumaraddala, manga wantan bowone niumio'a wuṛṛu mangngindo ana waugu asasa'un Duata.

DARALO 69:28

Wala'e pasasal᷊an mangitou aatambanna anambone; arie i mangitou iapaṛṛino.

DARALO 74:1

Antari tatantiro Asaf. O Ruata, sarangkal᷊o'engnge I'o manantangngi yami? Anio I'o sidutu massa'u al᷊aṛṛanang-Ngu sassane?

DARALO 78:50

I Tou tawe naṛṛaddannu asasa'u-Ne ara'e niumakkannu wiakki mangitou, arawe namate si mangitou ringannu radda'u manu'a.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

DARALO 79:5

Oh Mawu, sarangkal᷊o'engnge I'o masa'u, wuṛṛu asasa'u-Nu lukkenggampe ere putungnga?

DARALO 80:4

Oh Ruata, uwusewe i yami; ellehewe i yami ringannu naungnga mal᷊uassa, ne i yami sarun masal᷊amata.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

SASABANGNGA 34:14

Imbaṛṛangnga massubba Mawu waine, ana waugu i Ya'u Mawu, eteudde Ruata apan tawe iasul᷊ungngu manga apa su ruania indi.

AMSAL 2:22

Arawe taumata lal᷊eo wuṛṛu marosa sarun iwaretan Duata su liuddu wanua udde, ere nannal᷊o niabutta wuassu leta'a.

AMSAL 6:34

Ana waugu, ringannu inolaanne udde awingngu wawine udde maola'a mallu'adda, ma'oman sara asasa'une mangke aatambanna. Wuṛṛu napawe i tou mabbal᷊issa asasa'un naungnge, i tou tate apendamma u'akkanna.

ANTARI MAWANTUGA 8:6

Ola'ewe i ya'u lal᷊engke doonu, ariete maṛṛa'uppa si sai-sai tumba'u i ya'u; ana waugu paapulu udde ere atatohassu papate, wuṛṛu apulu mamarenta ere papate. Ṛenggamme naal᷊ihidda ṛenggammu putungnga apan sussal᷊oi ringannu wahewalla.

YESAYA 27:11

Napawe manga rannane maṛṛagasse wuṛṛu napaddite, manga wawine rumantate wuṛṛu manganute alu udde ipallaha anna. Walahanna udde mangke tawe maasunna apa-apa, ne Ruata Mandariaddine tate umakkanna ara'e tumal᷊antuppi mangitou.

YEREMIA 13:14

Wua'udde i mangitou Ta'u ipatatenggoka sambau ringannu waine. Timmadde dario'a sarun Ta'u olaanne aroddi ringannu tawe ampungnge. I mangitou sarun Ta'u pateanna ringannu tawe apendamma u'akkanna ara'e tuttal᷊antuppa. I Ya'u, Mawu, buatte nabbisara.”

YEHEZKIEL 23:25

Ana waugu i Ya'u nasa'u si'o, Ta'u niwala i mangitou ma'ola'a si'o ringannu maṛṛagissa. Ngirunna wuṛṛu tal᷊inganu sarun ponggo'anni mangitou wuṛṛu manga anangngu sarun anuanna wuṛṛu itambunna ta'e wiakka.

YEHEZKIEL 24:14

I Ya'u, Mawu Apan Atanggaṛṛanne buatte nabbisara. Nia'omante tempone si Ya'u mammanara. I Ya'u sarun tawe maabul᷊in paddarosanu wuṛṛu tawe lai mangampungnga ara'e umakkannu. I'o sarun iṛṛuumanna uasul᷊ungngu al᷊awo'u inolaannu. I Ya'u Mawu Apan Atanggaṛṛanne buatte nabbisara.”

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

YEHEZKIEL 7:4

I Ya'u tawe umakkannu ara'e mangonggollu ampungnga si'o. I Ya'u sarun makkuumannu uasul᷊ungngu al᷊awo'u inolaanna maasili apan buatte niolangngu. Ne i'o masingkatte manungku ete i I Ya'u Mawu.”

YEHEZKIEL 7:9

I Ya'u tawe umakkanna ara'e mangonggollu ampungnga si'o. I Ya'u sarun makkuumanni yamiu uasul᷊ungngu al᷊awo'u al᷊al᷊eo apan buatte niola'i yamiu. Ne i yamiu masingkatte manungku ete i Ya'u Mawu wuṛṛu ete i Ya'u apan makkuumanni yamiu.”

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

YEHEZKIEL 8:3

I tou nangul᷊ukku sambau saranapa ere ta'iakka, see nangametta uta'u. Wua'udde sulal᷊ummu sondappa udde, i ya'u niwengkettu Ghaṛṛahon Duata watukku winalanganna wuṛṛu niapidda su Wal᷊en Mawu su Yerusalem, su ngara sasuttanna su rallakku lal᷊umme apan su samba'an sawannakka. Isudde pia paal᷊uanna sassubbanna apan buatte naaranta asasa'un Duata.

YEHEZKIEL 8:5

Ruata nabbisara si ya'u, “Ei taumata apan mattate, pa'ellege watukku sawannakka.” I ya'u tinumuṛṛutta, wuṛṛu su samba'an mezbah maranin dal᷊anna suttanna, i ya'u naasilo paal᷊uanna apan nandantan asasa'un Duata udde.

YEHEZKIEL 9:10

I ya'u tate umakkanni mangitou. Sarun Ta'u olaanna si mangitou apa apan niola'i mangitou su taumata waine.”

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

ROMA 11:21

Ana waugu amungkangngu Ruata tawe umakkannu taumatan Yahudi iramme ere manga ranna tutune udde, arie passunna manungku i Tou mappau mandammenu!

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

1 KORINTUS 10:22

Ara'e i ite maapulu Mawu naung-Nge mal᷊al᷊eo? Apa i ite mattohasanna wuassu Mawu?

TAHIUL᷊E 25:19

Ana waugu udde, amungkangngu Mawu Ruatanu buatte nangonggolu wanua udde si yamiu wuṛṛu i yamiu matammudda wuassu al᷊awo'u seetta apan uatana'a maraninu, anambon taumatan Amalek udde ṛinone pateanni yamiu, ma'oman sara i mangitou tate naunganna lai. Imbaṛṛangnga abbul᷊iananna!”

TAHIUL᷊E 29:19

Suwallatti yamiu apan naaringikka atoranna apan masahadda udde, imbaṛṛangnga piaddu maṛṛingidda manungku ola'u pabbiaṛṛanne sidutu mapia, salaiwe i tou ringannu apulun naungnge niumamatta su lal᷊anne sassane. Olangnge udde sarun maawinasa si yamiu sarangkanambone, manga taumata lal᷊eo ara'e lai taumata mapia.

TAHIUL᷊E 9:14

Arie pa'annamma manal᷊are si Ya'u. I Ya'u inaite mamate si mangitou ma'oman sara i mangitou tate naunganna lai. Arawe i'o Ta'u olaanna iamangngu sambau ṛuanganna apan magewal᷊anna wuṛṛu mattohasanna wuassi mangitou.’

IBRANI 12:29

Ana waugu Ruatang kite ere putungnga apan maatutungnga.

SONDAPPA 3:5

Si mangitou apan naauntunga sarun luṛṛeannu jubah mawira. Aranni mangitou tawe Ta'u pappasanna wuassu Wuken Taumata Wiakka. Wuṛṛu su saruannu Iamang-Ku wuṛṛu manga mala'ekan-Ne i Ya'u sarun manga'u manungku i mangitou udde pussa'a-U.