TAHIUL᷊E 28:9 - WUKE SUSI WATTI'U AL᷊AL᷊USASSA

⁹ Amungkangngu i yamiu matuṛṛutta Mawu Ruatanu wuṛṛu ma'ola'a al᷊awo'u tita-Ne, i yamiu sarun olaanna al᷊aṛṛanang-Nge sassane, ere buatte niriandi-Ne.

TAHIUL᷊E 28:9 Iomraidhean Croise

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

DARALO 87:5

Su Sion taumata sarun mabbisara, manungku anambon walahanna nasutta su tumanangnge, wuṛṛu manungku Apan Atanggaṛṛanne sarun manohassa si tou.

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

YESAYA 1:26

I yamiu lau sarun Ta'u onggol᷊annu manga mallaṛṛuungnga wuṛṛu manga manananantiro ere dorone. Ne Yerusalem sarun isaggo soa apan matul᷊idda wuṛṛu satia.”

YESAYA 62:12

I mangitou sarun isaggo: ‘Umatta susi’; ‘Umatta apan nisal᷊amattu Mawu’. Yerusalem sarun isaggo ‘Soa apan nisal᷊o'u Mawu’, ‘Soa apan tate lai itantangngu Mawu’.

YEREMIA 11:5

Amungkangngu i mangitou ma'ola'a sarangkanambone udde, i Ya'u sarun manipussa pa'aire-U su al᷊amona mangitou manungku wanua apan masuwukka wuṛṛu ala, apan orassa indi wawanuanni mangitou, sarun Ta'u ionggolla si mangitou.” I ya'u sinumimbakka, “Aroddite, Mawu.”

TAHIUL᷊E 13:17

Manga saranapa apan niawontohanna udde tawe wotongnge sahipunna maola'a darotongngu sassane, arawe ṛinone insueanna abbi. Ne asasa'un Mawu umompo'a wuṛṛu i Tou sarun mapal᷊iatta'u tatal᷊antume si yamiu. I Tou sarun mal᷊uassa naung-Nge si yamiu wuṛṛu ma'ola'a si yamiu walahanna apan bahewalla ere buatte niriandi-Ne su al᷊amonanu,

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

TAHIUL᷊E 7:8

Arawe Mawu namile si yamiu ana waugu i Tou marangngu si yamiu wuṛṛu mapulu manipussa pa'aire apan niola'i Tou ringannu iupungngu al᷊amonanu. Ana waugu udde i Tou buatte nanal᷊amatta si yamiu ringannu taṛṛino apan wahewalla wuṛṛu namallossi yamiu wuassu pattataṛṛuallanganna si ratun Mesir.

2 TESALONIKA 3:3

Arawe Mawu matuṛṛuta. I Tou sarun manohassa si yamiu wuṛṛu mallu'adda si yamiu wua si Lal᷊eo.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.