TAHIUL᷊E 28:68 - WUKE SUSI WATTI'U AL᷊AL᷊USASSA

⁶⁸ Mawu sarun mandolokki yamiu apia watukku Mesir ringannu uasa'e apalla, salaiwe i Tou buatte nabbisara manungku i yamiu tawe mabelengnga apia poiaroddi. Poiaroddi yamiu sarun mattinsahadda mabbal᷊u'u watangannu maola'a allangnga su seennu, arawe tawe saran sangkatou apan mamalli si yamiu.”

TAHIUL᷊E 28:68 Iomraidhean Croise

NEHEMIA 5:8

wuṛṛu nabbisara, “Ringannu ahewallu ikkatta i ite buatte namaekka manga tuṛṛangngi ite taumatan Yahudi apan nal᷊are nabbalu'u watanganne maola'a allangngu taumata raho. Arawe orassa indi i yamiu ewe'e lai mammata'i mangitou mabbal᷊u'u watanganne si yamiu, sumbal᷊i i yamiu lai taumatan Yahudi!” Manga piaṛṛa'u udde tawe naasimbakka saran sampaddi wisara.

ESTER 7:4

Ana waugu allangnga wuṛṛu walahannu allangnga buatte niwal᷊u'a tadea'u pateanna. Unnuwisara i yami tumba'u niwal᷊u'a olaanna allangnga, allangngu sidutu mal᷊annabba wuṛṛu tawe manal᷊asa'i Tuangnga. Arawe orassa indi i yami pateanna wuṛṛu ṛadaanna!”

SASABANGNGA 13:17

Napawe ratu Mesir buatte namallossu walahannu Israel napul᷊e, Ruata tawe nangapiddi mangitou umamattu lal᷊anna sumabbi wanua Filistin, salaiwe udde lal᷊anna aranianne. Ruata naṛṛingidda, “Aṛṛengenne manga taumata udde sumasilla amungkangngu maasilo manungku i mangitou ṛinone mapapangalo, ana see mabelengke su Mesir.”

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

YEREMIA 43:7

I mangitou nilumawangnga parenta Mawu, wuṛṛu nanute su Mesir na'oman sara araune su soa Tahpanhes.

YEREMIA 44:12

Wuṛṛu amungkangngu wuassu taumatan Yehuda apan nallambe piaddu mappulu inai watukku Mesir wuṛṛu matana'a poiaroddi, i mangitou sarun mate abbi. I mangitou sarangkanambone, wahewalla addio'a, sarun nate su Mesir sulal᷊ummu pangalo ara'e ana waugu ṛutumma. Taumata sarun maapendamma atata'utta maasilo si mangitou wuṛṛu sarun mallobbossa si mangitou. Aranni mangitou sarun ipaatta maola'a wawontoga.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 9:3

I yamiu, ei walahannu Israel, tawe sidutu uatana'a su leta'a apan niongonggollu Mawu si yamiu. I yamiu ṛinone mabbelengnga su Mesir, wuṛṛu ṛinone umanna anna ipapapalli su Asyur.

LUKAS 12:45

Arawe amungkangngu mangngimbe udde mabbisara sulal᷊ummu naungnge, ‘Mawu'u ta'e mal᷊annu mabelengnga,’ see i tou namuulle anambon mangangimbe, wuṛṛu umanna; ma'inumma ma'oman sara iwu'anne,

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

TAHIUL᷊E 17:16

Ratu tawe wotongnge manahuanna awal᷊o manambo ionggola su tantarane wuṛṛu tawe wotongnge mandolokku walahanna indi mabelengnga watukku Mesir huna mamalli awal᷊o, ana waugu Mawu buatte nabbisara manungku alaṛṛanang-Nge tawe wotongnge mabelengnga watukku wanua udde.

TAHIUL᷊E 28:67

Su tempo maasilo al᷊awo'u saranapa, pappusonu rudadalla ana waugu matta'utta. Marua'allo i yamiu uaantimma ṛabbi, wuṛṛu ṛabbi-ṛabbi yamiu uaantimma marua allo.

TAHIUL᷊E 29:1

Indiwe manga wisaran pa'aire wuassu parentan Mawu apan niola'i Musa su walahannu Israel su tempo i mangitou su leta'u Moab. Pa'aire udde maola'a tatimune wuassu pa'aire apan niola'u Mawu si mangitou su Wowon Sinai.