TAHIUL᷊E 28:48 - WUKE SUSI WATTI'U AL᷊AL᷊USASSA

⁴⁸ Ana waugu udde i yamiu ṛinone mattaṛṛamawu manga seennu apan nirolokku Mawu iaparoappa si yamiu. I yamiu sarun amal᷊unusanna, marou wuṛṛu matantol᷊e wuṛṛu sidutu awussa sulal᷊ummu al᷊awo'u inolaanna. Mawu sarun makkuumanni yamiu ringannu maṛṛagissa ma'oman sara i yamiu mate.

TAHIUL᷊E 28:48 Iomraidhean Croise

1 MARARATU 8:33

Amungkangngu uman-Nu Israel iawaddon manga seenne ana waugu i mangitou marosa, ana see i mangitou mabbelengnga ringan-Nu wuṛṛu mangaddatta Si'o Mawu, wua'udde rumanta su wal᷊en patataṛṛamawuanna, indi see umal᷊iomanna maddorongnga ampunga Si'o,

2 TAWARIKH 12:8

sarun mamarenta si mangitou, tadea'u i mangitou masingkattu ereapa paṛṛalane mattaṛṛamawu si Ya'u, wuṛṛu mattaṛṛamawu tembonannu runia.”

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

YEREMIA 17:4

I yamiu sarun ipabbawata'a manantillu leta'a apan buatte Ta'u nionggolla si yamiu, wuṛṛu i Ya'u sarun ma'ola'a si yamiu mattaṛṛamawu su seennu su wanua apan mangke awaganannu. I Ya'u na'ola'a sarangkanambone udde ana waugu asasa'u-U sinumopate ere putungnga apan lukkenggamma tawe iapaddumma.”

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YEREMIA 44:27

I Ya'u sarun maddea'a lal᷊anne tadea'u i yamiu masilaka wuṛṛu tawe su lal᷊umanna'a, ma'oman sara i yamiu mate abbi, mawae sulal᷊ummu pangalo aroddi lai ana waugu al᷊aṛṛusa'itta.

YEREMIA 5:19

Arawe amungkangngu i mangitou maiwal᷊o anio i Ya'u na'ola'a sarangkanambone udde su saruanni mangitou, wal᷊oa'e ei Yeremia, manungku ereapa i Ya'u buatte tinantangngi mangitou su wanua mangitou sassane huna mattaṛṛamawu manga mongannu walahanna waine, aroddi lai i mangitou sarun maola'a allangngu manga taumata raho su wanua waine.”

LAL᷊ALLU 1:14

I Tou nanganu anambon rosa'u, wua'udde niwa'issa nabbal᷊i sambau, ana see nipul᷊issa su ullekka'u, na'oman sara awakkanne naal᷊ome si ya'u. Mawu nananti'u su seetta; i ya'u tawe ikkatta lumawangnga si mangitou udde.

LAL᷊ALLU 1:3

Tumana'u Yehuda nanantangngu wanuane, ana waugu niallangnga wuṛṛu tumaniten nasansara. Orassa indi i mangitou uatna'a suwallattu manga walahanna tawe tampa apan mangonggollu paddarame see al᷊al᷊uassa. Seetta nalliwunna si mangitou sutempo i mangitou su asasusa.

LAL᷊ALLU 4:4

Manga ana'a maraddio'a tawe iapasusu, na'oman sara nate namarouanna. Al᷊aṛṛana'a maddorongnga anna, arawe taweddu mangonggolla.

YEHEZKIEL 17:12

“Iwal᷊oite su manga lumal᷊awanga udde, apa i mangitou maasunna atappasannu sasumandinga udde. Wal᷊oa'a si mangitou manungku ratun Babel buatte nirumanta su Yerusalem, wuṛṛu naṛṛootta ratun Yehuda see manga mamanaran soa udde watukku Babel.

YEHEZKIEL 17:7

Tantal᷊anna udde pia manu'a asiaṛṛe wawalla apan baine; papaidde mal᷊alakka wuṛṛu wambul᷊une maappalla. Wua'udde punnu anggore udde nattarangngu manga ṛamunne wuṛṛu manga rannane watukku manua'a asiaṛṛe apan wakku udde ringannu antimma manu'a udde sarun mangonggollu mannamboannu lai ua'e wuassu apan pia su wawail᷊anna udde.

YEHEZKIEL 23:29

Ana waugu i mangitou maddantinnu, al᷊awo'u inasaharannu sarun aṛṛoanni mangitou. I'o sarun itantangnga tantol᷊e wal᷊atta ere sangkatou sumasandaga wuṛṛu maola'a wabbialannu awada'alla. Apulum baddangngu wuṛṛu sasandagu

MIKHA 2:3

Ana waugu udde Mawu nabbisara, “I Ya'u manggol᷊agu asasilaka si yamiu, ma'oman sara i yamiu taweddu maatal᷊angnga. Sutempo apan dal᷊eo udde i yamiu sarun tawe maamatta lai ringannu mawunga.

MATIUS 11:29

Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

TAHIUL᷊E 32:24

I mangitou sarun mate ana waugu sal᷊iubba wuṛṛu al᷊al᷊unussa, wuṛṛu ana waugu radda'a apan ma'ata'utta. Ta'u iwala i mangitou aṛṛatannu winatangnga mal᷊aṛṛaga, wuṛṛu pul᷊isannu atoanna mawisa.