TAHIUL᷊E 28:41 - WUKE SUSI WATTI'U AL᷊AL᷊USASSA

⁴¹ I yamiu sarun maasomba ana'a esakka wuṛṛu wawine, arawe i mangitou iasametta su pangalo, ma'oman sara i yamiu awul᷊ianni mangitou.

TAHIUL᷊E 28:41 Iomraidhean Croise

2 MARARATU 24:14

I Ratu Yoyakhin, inangnge, manga awingnge, manga mammamanaran araratuanne, wuṛṛu manga piaṛa'u Yehuda – sarangkanambone 7.000 su atoune atummanaṛṛane – niasametta wuṛṛu niapidda watukku Babel. See lai mapapande manara wuṛṛu manga mananassala anambone 1.000 su atoune, sarangkanambone taumata matatohassa wuṛṛu waṛṛani mapapangalo. Manga taumata pallal᷊awannu ratu, wuṛṛu manga taumata atumannaṛṛane lai niapidda watukku tampa pamamuanganna – sarangkanambone 10.000 su atoune. Maranin nasaggo tumana'u Yerusalem niapidda; natantanga tumba'u ingana'a asiangnga.

2 TAWARIKH 28:8

Salaiwe manga taumatan Yehuda sambalahannu walahannu Israel, arawe tantaran Israel nanawanna 200.000 su atoune wawine wuṛṛu al᷊aṛṛana'a, ana see i mangitou niapidda watukku Samaria suadio'a ringannu saranapa niaṛṛo apan tumaniten manambo.

YESAYA 65:23

Sarangkanambone apan a'olaanni mangitou sarun mahessi, wuṛṛu al᷊aṛṛana'i mangitou tawe aṛṛombanganne mate. I mangitou wuṛṛu papapulunni mangitou sarun Ta'u al᷊amatanna saran mal᷊annu-l᷊annu.

LAL᷊ALLU 1:18

Arawe ete Mawu apan naṛṛino, ana waugu parenta-Ne ta'ute nil᷊awanganna. Daringiṛṛewe i ya'u, ei manga walahanna, ellehete i ya'u apan uatataṛṛangnga. Manga umbasanna wuṛṛu maṛṛuala'u niatawanna, wuṛṛu niapidda watukku pamuanganna.

LAL᷊ALLU 1:5

Manga seenne lullala'a ana waugu napamarenta si mangitou. Mawu na'ola'a i tou uatataṛṛangnga, ana waugu tumaniten manambo rosane. Tumanangnge buatte nitawanna, wuṛṛu niapidda su pamuanganna.

DANIEL 1:3

Wua'udde ratu namarenta si Aspenas, tembonannu amonannu wal᷊en araratuanna, iapapile wuassu wallattu manga tawanannu Israel manga pira umbsanna papapulunnu ratu ara'e pangangawannu papunna.

MIKHA 1:16

Ei taumatan Yehuda, pol᷊ote utangngu maola'a tatiala lullal᷊o su manga anangngu apan arangnguani yamiu. Iṛṛite puanu ma'oman sara mal᷊unggukka ere manu'u winalanganna apan u'inassa winal᷊unanna, ana waugu manga anangngu sarun ṛuwoanna watukku pamamuanganna.

TAHIUL᷊E 28:32

Su saruannu matanu manga al᷊aṛṛanangngu sarun ionggola su taumata raho maola'a allangnga. Miallo-miallo matanu mapal᷊atta maddea'a manga anangngu, arawe sahaddu udde tawe gunane, ana waugu i mangitou tate mabelengnga.