TAHIUL᷊E 28:31 - WUKE SUSI WATTI'U AL᷊AL᷊USASSA

³¹ Sapinu sarun pototanna su saruannu matanu, arawe i yamiu tawe maa'inassa. Manga keledainu sarun inai iapidda tantal᷊anna aellehanni yamiu wuṛṛu sarun tawe iul᷊e. Manga dombanu sarun ionggola su manga seennu wuṛṛu taweddu mangontolla si yamiu.

TAHIUL᷊E 28:31 Iomraidhean Croise

AYUB 20:28

Al᷊awo'u paa'alane sarun masue, ana waugu nangillembote asasa'un Duata.

YESAYA 62:8

Mawu buatte na'ire ringannu sasalu wuṛṛu sarun mapaamatta ringannu taṛṛino-Ne: “I ya'u tate lai mangonggollu gandummi yamiu su seetta; taumata raho tate lai ma'inumma anggori yamiu apan nireaanni yamiu ringannu mattinsahadda.

YEREMIA 5:17

I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

TAHIUL᷊E 28:30

Amungkangngu i yamiu tawe tumuṛṛutta Mawu Ruatanu, manga inolaanna indi sarun maṛṛia'a si yamiu: I yamiu sarun mattatunanga arawe taumata waine ma'awingngu tunanganu udde. I yamiu sarun mapararisikku wal᷊en, arawe tawe atanaanna. I yamiu sarun massuanna waillu anggore, arawe tawe maanna manga wuane.

TAHIUL᷊E 28:32

Su saruannu matanu manga al᷊aṛṛanangngu sarun ionggola su taumata raho maola'a allangnga. Miallo-miallo matanu mapal᷊atta maddea'a manga anangngu, arawe sahaddu udde tawe gunane, ana waugu i mangitou tate mabelengnga.

MAL᷊AṚṚUUNGNGA 6:1

Paassa lai walahannu Israel na'ola'a rosa su Mawu, na'oman sara i Tou namalan walahannu Midian namarenta si mangitou pitu tonna al᷊annune.

MAL᷊AṚṚUUNGNGA 6:4

I mangitou maddasanna su leta'a wageangngu Israel wuṛṛu mangngabutta anambon sasuanna poiaroddi naddatingngu wageangngu leta'a uapal᷊iwutta Gaza samba'an timukka. Wuṛṛu lai winatanga domba, sapi wuṛṛu keledai tatahuanannu walahannu Israel niapiddi mangitou. Tawe saran sambau tinantangnga na'oman sara walahannu Israel niasueannu anna.