TAHIUL᷊E 28:25 - WUKE SUSI WATTI'U AL᷊AL᷊USASSA

²⁵ Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

TAHIUL᷊E 28:25 Iomraidhean Croise

1 MARARATU 8:33

Amungkangngu uman-Nu Israel iawaddon manga seenne ana waugu i mangitou marosa, ana see i mangitou mabbelengnga ringan-Nu wuṛṛu mangaddatta Si'o Mawu, wua'udde rumanta su wal᷊en patataṛṛamawuanna, indi see umal᷊iomanna maddorongnga ampunga Si'o,

2 TAWARIKH 28:8

Salaiwe manga taumatan Yehuda sambalahannu walahannu Israel, arawe tantaran Israel nanawanna 200.000 su atoune wawine wuṛṛu al᷊aṛṛana'a, ana see i mangitou niapidda watukku Samaria suadio'a ringannu saranapa niaṛṛo apan tumaniten manambo.

2 TAWARIKH 29:8

Ana see Mawu sulal᷊ummu asasa'u-Ne nakkuumannu taumatan Yehuda wuṛṛu Yerusalem. Wuṛṛu i yamiu sarangkanambone masingkatta aroddi inolaannu Mawu maaṛindu'a wuṛṛu maata'utta.

2 TAWARIKH 6:24

Amungkangu al᷊aṛṛanang-Ngu niawaddon manga seenne ana waugu i mangitou marosa, ana see sinumassilla wuṛṛu nangaddatta Si'o apia Mawu, wua'udde nirumanta su Wal᷊en-Nu indi lapiddu niumal᷊iomanna maddorongnga ampungnga Si'o,

YESAYA 30:17

Saṛṛiwu su atoune sarun tumal᷊angnga maasilo wawansagu sangkatou seetta, wuṛṛu wawansagu siri lima maaola'a si yamiu tumal᷊angnga abbi-abbi. Wuassu tantaranu tumba'u matantangnga sambau pul᷊on baneṛṛa su puiddu wuidda.

YEREMIA 19:7

Sutampa indi Ya'u sarun manal᷊are anambon hol᷊agu taumatan Yehuda wuṛṛu tumana'u Yerusalem. I mangitou sarun Ta'u iwala iwaddo manga seetti mangitou wuṛṛu pateanna sulal᷊ummu pangalo. Winal᷊unanni mangitou sarun Ta'u iwala inasannu manu'u winalanganna wuṛṛu winatangnga mal᷊aṛṛaga.

YEREMIA 24:9

I Ya'u sarun manilaka si mangitou aroddi olangnge na'oman sara al᷊awo'u walahanna su ahewallu runia mabbal᷊i mata'utta. Suapan tampa i mangitou Ta'u itantilla, i mangitou sarun al᷊uandahanna, maola'a ilallage wuṛṛu lallobbosanna. Aranni mangitou sarun ipaatta maola'a wawontoga.

YEREMIA 29:18

I mangitou sarun Ta'u enggenanna ringannu pangalo, ṛutumma, wuṛṛu al᷊aṛṛusa'itta ma'oman sara al᷊awo'u walahanna su ahewallu runia sarun maapendamma atata'utta maasilo ola'i mangitou. Sauapan tampa i Ya'u manal᷊iawukki mangitou, taumata sarun maapendamma atata'utta maasilo apa apan buatte nariaddi si mangitou. I mangitou sarun al᷊uandahanna, wuṛṛu aranni mangitou ipaatta maola'a wawontoga.

YEHEZKIEL 23:46

Mawu Apan Atanggaṛṛanne nabbisara, “Waggoite sangwiliṛṛana taumata iapasansara wuṛṛu iapaaṛṛo ruang katou sumasandaga udde.

HOSEA 8:3

arawe i mangitou maddiri manengkamma apa apan mapia. Ana waugu udde i mangitou sarun enggenannu seetti mangitou.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

TAHIUL᷊E 28:7

Amungkangngu i yamiu pangaloanna, Mawu sarun mamaddon seennu. I mangitou sarun mamangalo ringannu uaatokka, arawe tumal᷊angnga ringannu uasongkakka.

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

YOSUA 7:4

Nariaddi inai mamangalo soa udde tumba'u tallu ṛiwu su atoune, arawe i mangitou sinumoṛṛota.

1 SAMUEL 4:10

Wua'udde napapangalote taumatan Filistin ringannu masaddatta wuṛṛu namaddon tantaran Israel. Taumatan Israel tinumal᷊angnga watukku rasanne sambau-sambau. Tumaniten bahewalla arugianna udde; 30.000 tantaran Israel nate.