TAHIUL᷊E 28:22 - WUKE SUSI WATTI'U AL᷊AL᷊USASSA

²² Mawu sarun makkuumanni yamiu ringannu radda'a apan ma'al᷊iu, manga hanne, wuṛṛu sal᷊iubba. I Tou sarun mandantan paddisa tadea'u leta'a mamara wuṛṛu anginna apan mal᷊oso ma'oman sara pangangitingngu mal᷊al᷊eo. Manga asasusa udde sidutu maṛṛia'a si yamiu ma'oman sara i yamiu mate.

TAHIUL᷊E 28:22 Iomraidhean Croise

1 MARARATU 17:7

Napawe manga pira tempo al᷊annune, ana'u sal᷊ukka udde namara ana waugu tawe uranna.

1 MARARATU 8:37

Amungkangngu wanua indi naṛṛiaannu ṛutumma ara'e al᷊aṛṛussa'itta, wuṛṛu manga sasuanna naṛṛangu su anginna mal᷊oso, radda'a ara'e niinassu taṛṛangassa, ara'e amungkangngu uman-Nu pangaloannu seetta, ara'e nirumadda'a,

2 TAWARIKH 6:28

Amungkangu wanua, indi rantannu elessa ara'e sa'itta, ara'e manga sasuanna pateannu anginna mal᷊oso radda'u sasuanna ara'e saṛṛappalanna, ara'e amungkangu walahan-Nu pangaloannu seetta, ara'e rantannu radda'a,

YEREMIA 14:12

Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

AMOS 4:9

I Ya'u napaatiuppu anginna mal᷊oso wuṛṛu nangirimmu radda'u sasuanna apan mamate manga sasuanna see manga wawail᷊annu anggori yamiu. Manga alu ara, wuṛṛu manga allun zaitun nasuete nitaṛṛangassu saṛṛappalanna. Salaiwe aroddi i yamiu ta'e lai maddiri mabbelengnga ringang-Ku.

HAGAI 1:11

I Ya'u buatte nandantan paddissa su leta'a wuṛṛu manga wuidda, su manga wawail᷊annu gandumma wuṛṛu manga wawail᷊annu anggore see su manga wawail᷊annu zaitun, wuṛṛu su manga sasuanna su leta'a indi, ewe'e lai su taumata wuṛṛu winatangnga see al᷊awo'u pinitanna apan a'olaanni yamiu.”

HAGAI 2:17

I Ya'u buatte nanossokku anginna wuṛṛu urana watu ipakkimunsa'a al᷊awo'u wuan wawail᷊annu, arawe i yamiu maddiri lai mabbelengnga ringang-Ku.

HAGAI 2:19

Salaiwe tate ganduma apan natantangnga, wuṛṛu punnu anggore, punnu ara, punnu delima wuṛṛu punnu zaitun taambe nabbua, arawe manattakka orassa indi i Ya'u sarun mangal᷊amatta si yamiu!”

ZAKARIA 14:12

Mawu sarun mandantan al᷊aṛṛusa'itta apan maata'utta su anambon balahanna apan buatte napapangalo nando'appa Yerusalem. Mata wuṛṛu lila mangitou, ewe'e lai ahewallu watanganni mangitou sarun mawukku'a tantal᷊anna i mangitou ta'e wiakka.

TAHIUL᷊E 28:23

Uranna tawe manguranna wuṛṛu letangngu mabbal᷊i maatikka ere atta'a.

TAHIUL᷊E 32:24

I mangitou sarun mate ana waugu sal᷊iubba wuṛṛu al᷊al᷊unussa, wuṛṛu ana waugu radda'a apan ma'ata'utta. Ta'u iwala i mangitou aṛṛatannu winatangnga mal᷊aṛṛaga, wuṛṛu pul᷊isannu atoanna mawisa.

TAHIUL᷊E 4:26

Antimanna langitta wuṛṛu runia allo indi maola'a matatialane manungku amungkangngu i yamiu tawe matuṛṛutta si ya'u, i yamiu sarun mal᷊ihakka mawul᷊i wuassu leta'a apan wawanuanni yamiu su samba'an Sal᷊ukku Yordan udde. Yamu tawe mal᷊annu uatana'a isudde; i yamiu sarun insueanna pateanna.