TAHIUL᷊E 28:12 - WUKE SUSI WATTI'U AL᷊AL᷊USASSA

¹² Mawu sarun manossokku uranna su tempone wuassu tampa aradoanne su langitta. I Tou sarun mangal᷊amatta al᷊awo'u inasaharannu, na'oman sara i yamiu wotongnge mapawallassa su anambon balahanna, arawe i yamiu sassane tawe mabballassa.

TAHIUL᷊E 28:12 Iomraidhean Croise

1 MARARATU 18:1

Napawe manga pira tempo al᷊annune, su tonna atallune tempon mamara udde, Mawu nabbisara si Elia, “Roote saruanna si Ratu Ahab, tate mal᷊annu lai Ya'u manossokku uranna.”

AYUB 38:22

Buattewe i'o nattembo manga gudang-Ku pangangadoannu salju wuṛṛu uranna watu,

DARALO 135:7

Wuassu pentakku runia i Tou nandantan winabbawa, i Tou na'ola'a sawallo hunan kuranna. Ana see i Tou namarenta anginna tadea'u sumabbangnga wuassu tampa pangaddoanne.

AMSAL 22:7

Taumata asiangnga tataṛṛinoannu taumata ala; taumata apan mabballassa tataṛṛinoannu taumata apan napawallassa.

YEHEZKIEL 34:26

I Ya'u sarun mangal᷊amatta si mangitou wuṛṛu mamala mangitou matana'a su maranin wui-U apan na'ukkassa. I mangitou sarun Ta'u onggol᷊annu uranna napawe i mangitou mappandumma.

IMAMATTA 26:4

I Ya'u sarun manossokku uranna su tempone, ma'oman sara leta'a mangonggolu hessine wuṛṛu manga aaluanna mabbua.

TAHIUL᷊E 11:14

Amungkangngu i yamiu ma'ola'a aroddi, ne Mawu sarun manossokku uranna su letangngu su tempone matitimma, napawe i yamiu buatte nangitingnga, wuṛṛu su tempo i yamiu manattakke mangasi'a. Ne i yamiu sarun maatahuanna manambo gandumma, anggore wuṛṛu lanan zaitun,

TAHIUL᷊E 14:29

Anna udde wuattu taumatan Lewi ana waugu i mangitou tawe naatahuanna leta'a, wuṛṛu wuattu taumata raho, asisimpal᷊ussa wuṛṛu manga inawal᷊uanna apan mabbiakka su manga soanu. I mangitou wotongnge rumanta wuṛṛu mangal᷊appa sarangkanambone apan pappandumanni mangitou. Amungkangngu inolaanni yamiu aroddi, ne Mawu Ruatanu sarun mangal᷊amatta al᷊awo'u manaranu.”

TAHIUL᷊E 15:10

Onggol᷊a'e si tou ringannu naungnga mal᷊uassa wuṛṛu tawe iwata'a, ne Mawu Ruatanu sarun mangal᷊amatta al᷊awo'u inasaharannu.

TAHIUL᷊E 15:6

Mawu Ruatanu sarun mangal᷊amatta si yamiu ere buatte nipa'ire-Ne. I yamiu sarun mapawallasu roitta su anambon balahannu, arawe i yamiu sassane tawe mabballasa; i yamiu uataṛṛino anambon balahanna, arawe i mangitou tawe taṛṛinone si yamiu.

TAHIUL᷊E 28:24

Mawu tawe manossokku uranna ua'e, ewe'e uranna awu wuṛṛu anne ma'oman sara i yamiu mate.

TAHIUL᷊E 28:44

I mangitou uatahuanna roitta iapawallassa si yamiu, arawe i yamiu tawe saranapa iapawallassa si mangitou. Wuṛṛu panginsueanne i yamiu massuṛṛubawa si mangitou.