TAHIUL᷊E 28:1 - WUKE SUSI WATTI'U AL᷊AL᷊USASSA

¹ “Amungkangngu i yamiu matuṛṛutta Mawu Ruatanu wuṛṛu ringannu matammuda mammanara al᷊awo'u parenta apan ta'u nionggola allo indi, ne i Tou sarun ma'ola'a si yamiu sambau walahanna apan ahewal᷊anne wuṛṛu tumelengke su runia.

TAHIUL᷊E 28:1 Iomraidhean Croise

1 TAWARIKH 14:2

Ana waugu i Daud pia apendamma Mawu buatte nanenegi tou naola'a ratun Israel wuṛṛu nanohassa araratuanne apan hausannu al᷊aṛṛana'u Mawu.

DARALO 106:3

Lal᷊umanna'a su taumata apan tuttuṛṛutta manga parenta-Ne, wuṛṛu tawe sal᷊ane sulal᷊ummu inolaanne.

DARALO 111:10

Isai-sai apan maapulu maola'a pande ṛinone mangaddata Mawu. I Tou mangonggolu asingkatta su anambon taumata apan matuṛṛutta. Daralo su Mawu su al᷊o'engngu tempo!

DARALO 119:128

Ana waugu udde i ya'u mabbiakka uasul᷊ungngu anambon tatantiro-Nu, pallal᷊aghu apan wengkolla ipabbinsi'u.

DARALO 119:6

Amungkangu i ya'u manutukka anambon parenta-Nu, ne i ya'u tawe pansilianna.

DARALO 148:14

I Tou buatte nanohassa walahan-Ne, na'oman sara i Tou raddaloannu al᷊aṛṛanang-Nge, Israel umatta arangnguan-Ne. Paddalote Mawu!

DARALO 91:14

Unnu Mawu, “Taumata apan mandangngu si Ya'u sarun Ta'u iapasal᷊amatta, apan nanga'u si Ya'u sarun Ta'u lu'aranna.

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

SASABANGNGA 23:22

Amungkangngu i yamiu matuṛṛutta si tou wuṛṛu ma'ola'a sarangkanambone apan Ta'u nirolokka, I Ya'u sarun mapapangalo mandoappa anambon seennu.

SASABANGNGA 23:25

Amungkangngu i yamiu massubba si Ya'u, Ruatanu, i yamiu sarun Ta'u al᷊amatannu anna wuṛṛu ua'e, wuṛṛu al᷊awo'u radda'a sarun Ta'u iapaarau wuassi yamiu.

YESAYA 1:19

Amungkangngu i yamiu maapulu tumuṛṛutta si Ya'u, i yamiu sarun mamendamma al᷊awo'a apan mapia sussabbangnga wuassu wanuanu.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

YEREMIA 11:4

Pa'aire udde buatte Ta'u niola'a ringannu al᷊amona mangitou sutempo i mangitou Ta'u niapidda sinumabbangnga wuassu Mesir, wanua apan ere naraka si mangitou. I Ya'u nandolokki mangitou matuṛṛutta si Ya'u wuṛṛu ma'ola'a al᷊awo'a apan Ta'u iparenta si mangitou. Orassa indi buatte Ta'u niwal᷊o lai su taumatan Yehuda wuṛṛu tumana'u Yerusalem manungku napawe i mangitou matuṛṛutta si Ya'u, i mangitou sarun maola'a uma-U wuṛṛu i Ya'u Ruata mangitou.

YEREMIA 12:16

Amungkangngu i mangitou ringannu ahewallu naungnga mappulu manengkamma agaman uma-U wuṛṛu mappulu massalu ringannu mabbisara, ‘Riangannu arannu Mawu apan biakka,’ – ere lai dorone i mangitou mangngaṛṛa'a uma-U massalu ringannu aranni Baal – ne i mangitou lai sarun mareengnga uma-Ku wuṛṛu maola'a ala.

YEREMIA 17:24

Paatuṛṛutte anambon parenta-U. Arie mangapiddu sambau saranapa umamattu ngara pasallangannu soa indi su allon Sabatta. Ṛaea'e, allon Sabatta udde si Ya'u, wuṛṛu imbaṛṛangnga mammanara su allo udde.

LUKAS 1:6

Rua sangkawinganna udde, mabbiakka ma'al᷊uassa naungngu Ruata. Itarua matuṛṛutta anambon parenta wuṛṛu tita Mawu ringannu ahewallu naungnge.

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

LUKAS 9:48

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”

YOHANES 15:14

Ete i yamiu manga hawe-U, amungkangngu i yamiu tuttuṛṛutta apa apan ipaparenta-U si yamiu.

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

GALATIA 3:10

Manga taumata apan uatundeeta su titan agama, sarangkanambone mabbiakka su al᷊ungngu awawontoga. Ana waugu sulal᷊ummu Wuke Susi uawoṛṛetta, “Taumata apan tawe tumuṛṛutta mappaamattu sarangkanambone apan uawoṛṛetta sulal᷊ummu Wuke Titan Agama, awontohannu Ruata!”

TAHIUL᷊E 11:13

Nariaddi paatuṛṛutte manga parenta apan ta'u niapasingkata si yamiu allo indi; pandangngute Mawu Ruatanu wuṛṛu pattaṛṛamawute si Tou ringannu ahewallu lal᷊ummu naungngu.

TAHIUL᷊E 11:27

I yamiu sarun al᷊amatanna amungkangngu matuṛṛutta su manga titan Mawu Ruatanu, apan allo indi ta'u niapasingkatta si yamiu.

TAHIUL᷊E 15:5

sawal᷊iate i yamiu matuṛṛutta su Mawu Ruatanu, wuṛṛu ringannu maadunna ma'ola'a al᷊awo'u manara apan ta'u irolokka si yamiu allo indi.

TAHIUL᷊E 26:18

Allo indi Mawu nanengkamma si yamiu maola'a al᷊aṛṛanang-Nge sassane, ere buatte nipa'ire-Ne si yamiu, wuṛṛu i Tou namarenta si yamiu iapatuṛṛutta al᷊awo'u parenta-Ne.

TAHIUL᷊E 26:19

Mawu sarun ma'ola'a si yamiu maggewal᷊anna wuassu anambon balahanna wal᷊ine apan buatte niriadi-Ne, wuṛṛu i yamiu sarun raloanna wuṛṛu adatanna. I yamiu sarun maola'a al᷊aṛṛana'u Mawu Ruata ere buatte nipa'ire-Ne.”

TAHIUL᷊E 28:13

Mawu Ruatanu sarun ma'ola'a si yamiu mamamiaṛṛa'a suwallatu manga walahanna, wuṛṛu wal᷊ine mallal᷊aṛṛenggena. Amungkangngu i yamiu maaddunna tuttuṛṛutta anambon parentan Mawu apan ta'u nionggola si yamiu allo indi, i sarun lembon su lal᷊umanna'a wuṛṛu tawe sarun paassa sumoṛṛotta.