TAHIUL᷊E 26:8 - WUKE SUSI WATTI'U AL᷊AL᷊USASSA

⁸ Ringannu taṛṛino wuṛṛu atatohassa apan bahewalla I'o namallosi yami wuassu Mesir. I'o na'ola'a manga tanda ma'atiangnga wuṛṛu manga al᷊aṛṛindu'a wuṛṛu manga arariadianna apan maata'utta seetta.

TAHIUL᷊E 26:8 Iomraidhean Croise

SASABANGNGA 12:37

Taumatan Israel inaite wuṛṛu niumamattu ledda wuassu soa Raamses watukku soa Sukot. Reenganni mangitou sarangkanambone 600.000 su atoune, tawe nareengnga wawine wuṛṛu al᷊aṛṛana'a.

SASABANGNGA 12:41

Su allo panginsueannu tonna 430 udde, anambon barisannu al᷊aṛṛana'u Mawu nanantangngu leta'u Mesir.

SASABANGNGA 12:51

Su allo udde Mawu nangapiddu anambon balagu Israel sinumabbangnga wuassu Mesir.

SASABANGNGA 13:3

I Musa nabbisara su balahannu Israel, “Su allo indi Mawu namallossi yamiu ringannu taṛṛino-Ne apan bahewalla, na'oman sara i yamiu wotongnge sumabbangnga wuassu Mesir, su tampa i yamiu a'allanganna. Ana waugu udde, allo indi ola'e allo pananaunganna. Imbaṛṛangnga umanna roti apan pia ragine.

SASABANGNGA 6:6

I yamiu sarun Ta'u olaanna al᷊aṛṛana-U wuṛṛu i Ya'u maola'a Ruatanu. Ne i yamiu sarun maasingkatta manungku i Ya'u indi Mawu, Ruatanu, apan mamallossi yamiu wuassu patataṛṛuallangnganna su Mesir.

YESAYA 63:12

Suapate Mawu apan uaringanna si Musa ringannu lima-Ne apan tumanite matohassa, wuṛṛu nama'a ua'e su saruanni mangitou tadea'u aran-Ne tumelengnga sarangkal᷊o'enge?

YEREMIA 32:21

Ringannu taṛṛino wuṛṛu atatohan-Nu apan wahewalla I'o nangapiddu umattu Israel sinumabbangnga wuassu Mesir. I'o ma'ola'a manga al᷊aṛṛindu'a wuṛṛu manga tiala apan ma'atiangnga see manga riaddianna apan ma'ata'utta seetta.

TAHIUL᷊E 34:11

Taweddu apan maaola'a manga al᷊aṛṛindu'a wuṛṛu tatiala maatiangnga ere niola'i Musa su wanuan Mesir, ratune wuṛṛu manga mammamanarane uasul᷊ungngu parentan Mawu.

TAHIUL᷊E 34:12

Taweddu maaola'a manga inolaanna apan bahewalla wuṛṛu ma'ata'utta ere niola'i Musa su saruannu anambon balahannu Israel.

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

TAHIUL᷊E 5:15

Paanaunge manungku i yamiu dorone niallangnga su Mesir, ana see nipallosu Mawu Ruatanu ringannu atatohassa apan bahewalla. Ana waugu udde i yamiu Ta'u niparentanna mallaghun allon Sabat.