TAHIUL᷊E 26:5 - WUKE SUSI WATTI'U AL᷊AL᷊USASSA

⁵ Wua'udde su saruannu Mawu Ruatanu, i'o ṛinone mabbisara manga wisara indi: ‘Oh Mawu, iupungngu al᷊amona'u sangkatou taumatan Aram apan lullalele. I tou nangapiddu amonanne watukku Mesir natana'a poiaroddi ere tumatal᷊angnga. Su tempo inai poiaroddi reenganni mangitou tumba'u addio'a, arawe i mangitou naola'a walahanna apan bahewalla wuṛṛu matohassa.

TAHIUL᷊E 26:5 Iomraidhean Croise

PANDARIADDI 12:2

I ya'u sarun mangonggolla si'o papapulunna apan manambo wuṛṛu i mangitou sarun maola'a walahanna apan bahewalla. I ya'u sarun mangal᷊amatta si'o wuṛṛu arannu mabbal᷊i tumelengnga, ma'oman sara i'o maola'a al᷊amatta.

PANDARIADDI 24:4

I'o ṛinone mabelengnga watukku wanua niasungkangangku madea'a awingngi tou wuassu wallatu manga tuṛṛangku.”

PANDARIADDI 25:20

I Ishak uuke appatu pul᷊o su tonnane su tempo i tou naawingngi Ribka, tuarin Laban, ana'i Betuel, sangkatou taumatan Aram wuassu Mesopotamia.

PANDARIADDI 27:41

Ne i Esau nasaseeten i Yakub ana waugu iamangnge buatte nangonggollu al᷊amanne su tuarine udde. Su ṛingidde, “Tate mal᷊annu lai i papa mate wuṛṛu napawe nal᷊iudde orassa lullal᷊o, i Yakub sarun ta'u pateanna!”

PANDARIADDI 28:5

Etearoddi i Ishak namallossi Yakub inai watukku Mesopotamia, ringanni Laban, ana'i Betuel taumatan Aram udde. I Laban eteudde iaangngi Ribka inangngi Yakub wuṛṛu i Esau.

PANDARIADDI 31:20

I Yakub namahia si Laban ringannu tawe namasingkattu apapul᷊ene.

PANDARIADDI 31:24

Ṛabbi Ruata nirumanta ringanni Laban sulal᷊ummu wal᷊iawane, wuṛṛu nabbisara, “Naunge, imbaṛṛanga i'o mamansagi Yakub salaiwe tumba'u ringannu wisara sangkapadi!”

PANDARIADDI 31:40

Masokka i ya'u apadisanna su tempo allatune wuṛṛu amansungeanna su tempo alloarane. Wuṛṛu masokka lai ya'u tawe amatiil᷊anna.

PANDARIADDI 43:12

Apira'e lai roitta paarua anambone wuassu niapiddi yamiu dorone, ana waugu roitta apan niasombanganna sulal᷊ummu karongngi yamiu ṛinone iapawelengngi yamiu. Asinungka udde ere na'al᷊iwu.

PANDARIADDI 45:11

Amungkangngu iamangnga su Gosyen, i ya'u wotongnge mamadul᷊i iamangnga. Tempon ṛutumma al᷊annune ta'e lima tonna lai wuṛṛu i ya'u sarun mangatokka tadea'u iamangnga, amonanna wuṛṛu winatangngi papa tawe asueannu anna.’ ”

PANDARIADDI 45:7

I ya'u buatte niapiddu Ruata malliu ṛoro wuassi yamiu ana see manal᷊amatta si yamiu ringannu olangnge apan ma'atiangnga indi, wuṛṛu tadea'u maataṛṛangnga asasal᷊ammatti yamiu wuṛṛu maapanassukku pappapulunni yamiu.

PANDARIADDI 46:27

Al᷊aṛṛana'i Yusuf apan nasungkanga su Mesir ruan katou, na'oman sara amonanni Yakub su Mesir sarangkanambone pitun pul᷊o su atoune.

PANDARIADDI 47:27

Etearoddi manga taumatan Israel namanua su Mesir, su leta'u Gosyen. I mangitou nabbal᷊i ala wuṛṛu naṛṛitete manambo isudde.

PANDARIADDI 47:4

Yami nirumanta tadea'u matana'a su wanua indi, ana waugu su leta'u Kanaan ṛutumma tumaniten masaddata, na'oman sara tate nannal᷊o lai iapaanna su ammul᷊annu ambinga dombang kami. Wala'awe i yami matana'a su wageangngu leta'u Gosyen.”

SASABANGNGA 1:12

Arawe lembon sassansarannu taumata Mesir, ewe'e lembon aatambanna reengannu taumatan Israel, wuṛṛu nassal᷊iawukke i mangitou su ahewallu wanua udde, na'oman sara taumata Mesir matta'utte mangitou.

SASABANGNGA 1:5

Papapulunni Yakub udde sarangkanambone pitun pul᷊o su atoune. I Yusuf doronete uatana'a su Mesir.

SASABANGNGA 1:7

Arawe papapulunni mangitou, eteudde manga taumatan Israel, naṛṛana'e napulunna manambo atonna, wuṛṛu reenganni mangitou a'atambanna mal᷊ihakka atonna, na'oman sara wanua Mesir napene mangitou.

HOSEA 12:12

salaiwe aroddi ta'e piaddu massubba paal᷊uanna su Gilead, wuṛṛu mangongollu sasamba sapi su wowon mezbah su Gilgal. Arawe i mangitou apan massubba paal᷊uanna udde sarun mate, wuṛṛu manga mezbah su Gilgal udde sarun maola'a ombon batu su manga wawail᷊anna.”

HOSEA 12:13

Yakub al᷊amonan kite tinumal᷊angnga watukku Mesopotamia, ana see tadea'u maasomba awingnga, i tou nattaṛṛuallanga su taumata poiaroddi wuṛṛu mallu'adda manga domban taumata udde.

WATTI'U MANGA RASUL 7:15

Ne i Yakub nangingkatte watukku Mesir wuṛṛu isudde i tou wuṛṛu iupungngu al᷊amonang kite, nate.

TAHIUL᷊E 1:10

Mawu Ruatanu buatte na'ola'a reengannu a'atambana anambone ere anumpitanna su langitta.

TAHIUL᷊E 10:22

Su tempo iupungngu al᷊amonanu inaite watukku Mesir, reenganni mangitou tumba'u pitun pul᷊o su atoune. Arawe Mawu Ruatanu buatte na'ola'a reengannu anambone ere anumpitanna su langitta.”

TAHIUL᷊E 26:4

Imam sarun manengkamma so'anna udde wuassu limanu wuṛṛu iaddo su saruannu meddan sasamban Mawu Ruatanu.

TAHIUL᷊E 7:7

I yamiu arangnguanna wuṛṛu nipilen Mawu, wal᷊ine ana waugu i yamiu maggewal᷊anna wuassu manga walahanna waine; atonna i yamiu walahanna atul᷊unganne su wowon dunia indi.