TAHIUL᷊E 26:19 - WUKE SUSI WATTI'U AL᷊AL᷊USASSA

¹⁹ Mawu sarun ma'ola'a si yamiu maggewal᷊anna wuassu anambon balahanna wal᷊ine apan buatte niriadi-Ne, wuṛṛu i yamiu sarun raloanna wuṛṛu adatanna. I yamiu sarun maola'a al᷊aṛṛana'u Mawu Ruata ere buatte nipa'ire-Ne.”

TAHIUL᷊E 26:19 Iomraidhean Croise

DARALO 148:14

I Tou buatte nanohassa walahan-Ne, na'oman sara i Tou raddaloannu al᷊aṛṛanang-Nge, Israel umatta arangnguan-Ne. Paddalote Mawu!

SASABANGNGA 19:5

Orassa indi amungkangngu i yamiu matuṛṛutta su pa'aire-U, i yamiu sarun Ta'u olaanna al᷊aṛṛana-U sassane. Ahewallu runia indi udde tatahuanang-Ku, arawe i yamiu sarun maola'a pussaa-U arangnguang-Ku,

SASABANGNGA 19:6

mawae su watangang-Ku sassane, wuṛṛu i yamiu sarun mangimbe si Ya'u maola'a manga imam.”

YESAYA 62:12

I mangitou sarun isaggo: ‘Umatta susi’; ‘Umatta apan nisal᷊amattu Mawu’. Yerusalem sarun isaggo ‘Soa apan nisal᷊o'u Mawu’, ‘Soa apan tate lai itantangngu Mawu’.

YEREMIA 13:11

Ere nasa maautta uawa'issa masaggadda su lawassu tatahuanne, aroddi lai pandumang-Ku tadea'u umattu Israel wuṛṛu Yehuda wawa'isanna masagadda ringang-Ku. Ringannu aroddi i mangitou mabbal᷊i uma-U apan ma'ola'a arang-Ku raddaloanna wuṛṛu a'addatanna. Arawe, i mangitou maddiri tumuṛṛutta si Ya'u.”

YEREMIA 2:3

Israel, i'o pussa'a-U sassane, tatuno naung-Ku apan arangnguang-Ku. I Ya'u nangema'u asasilaka su al᷊awo'a apan na'ola'a si'o uatataṛṛangnga susa, i Ya'u, Mawu, buatte nabbisara.”

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

ZEFANYA 3:19

Tempone sarun dumanta manga allangngu Ta'u ṛimunsaanna, wuṛṛu taumata peṛṛo Ta'u iapasal᷊amatta; anambon taumata niwuangnga Ta'u ehetanna mapul᷊e. Aal᷊uandagi mangitou Ta'u wal᷊uanna mabbali aaddata; suapan tampa, ewe'e lai su ahewallu runia, i mangitou sarun wantuhanna wuṛṛu raloanna.

ZEFANYA 3:20

Tempone sarun dumanta, tumanangngu apan uasal᷊iawukka Ta'u ehetanna mapul᷊e. I yamiu Ta'u olaanna tumelengnga su ahewallu runia, wuṛṛu lal᷊umanna'a sarun Ta'u iapaawelengnga apia.” Mawu buatte nabbisara.

ZAKARIA 8:13

Ei tumana'u Yehuda wuṛṛu Israel! Sutempo nanangkal᷊iu, amungkangngu manga taumata raho uawawontoga, i mangitou mabbisara, ‘Antimanna asasilaka apan naṛṛia'a su Yehuda wuṛṛu Israel maṛṛia'a si'o lai!’ Arawe i Ya'u sarun manal᷊amatta si yamiu, ma'oman sara manga taumata raho udde sarun mabbisara rundussa i mangitou, ‘Antimanna al᷊amatta apan nonto'a su Yehuda wuṛṛu Israel, umonto'a lai su watangannu!’ Ana waugu udde paatohasse naungu wuṛṛu arie paata'utta!”

TAHIUL᷊E 27:1

Wua'udde suadio'a ringannu piaṛṛa'u Israel, i Musa namasingkatu tanata indi su walahanna udde, “Paatuṛṛutta su al᷊awo'u parenta apan ta'u nionggola si yamiu allo indi.

TAHIUL᷊E 28:1

“Amungkangngu i yamiu matuṛṛutta Mawu Ruatanu wuṛṛu ringannu matammuda mammanara al᷊awo'u parenta apan ta'u nionggola allo indi, ne i Tou sarun ma'ola'a si yamiu sambau walahanna apan ahewal᷊anne wuṛṛu tumelengke su runia.

TAHIUL᷊E 28:13

Mawu Ruatanu sarun ma'ola'a si yamiu mamamiaṛṛa'a suwallatu manga walahanna, wuṛṛu wal᷊ine mallal᷊aṛṛenggena. Amungkangngu i yamiu maaddunna tuttuṛṛutta anambon parentan Mawu apan ta'u nionggola si yamiu allo indi, i sarun lembon su lal᷊umanna'a wuṛṛu tawe sarun paassa sumoṛṛotta.

TAHIUL᷊E 28:9

Amungkangngu i yamiu matuṛṛutta Mawu Ruatanu wuṛṛu ma'ola'a al᷊awo'u tita-Ne, i yamiu sarun olaanna al᷊aṛṛanang-Nge sassane, ere buatte niriandi-Ne.

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.