TAHIUL᷊E 24:15 - WUKE SUSI WATTI'U AL᷊AL᷊USASSA

¹⁵ Miallo-miallo tantal᷊anna matannallo taambe nattuppa i yamiu ṛinone mamaekka lal᷊antakke apan pinammanarane su allo udde; i tou uaantimma roitta udde ana waugu i tou mappandumma. Amungkangngu i yamiu tawe mamaekka lal᷊antakke, i tou sarun sumal᷊ande Mawu maiontolla ana waugu inolaanni yamiu, wuṛṛu i yamiu aranne taumata marosa.

TAHIUL᷊E 24:15 Iomraidhean Croise

AYUB 31:13

Napawe allangku sussal᷊iomanna waugu pussa'ane niapala'u, i ya'u naddaringikka si tou wuṛṛu a'olaangku ringannu naungnga matul᷊idda.

AYUB 31:38

Unnuwisara leta'a pappajekoangku piaddu nanna'o, wuṛṛu ta'u aṛṛoana wuassu tatahuanne tutune,

AYUB 34:28

Waugu i mangitou taumata asiangnga sussal᷊iomanna lal᷊uain mangitou niaringiṛṛannu Ruata.

AYUB 35:9

Manga taumata apan niallangnga, sarun sumal᷊iomanna; i mangitou mangngintul᷊i ma'iontolla.

AYUB 7:2

naal᷊ihidda allangnga apan luṛṛintulun passirunganna; naal᷊ihidda taumatan sewa apan uaṛṛaddo sewane.

DARALO 24:4

Taumata apan ṛingiranne wuṛṛu inolaanne tawe sangkule, apan tawe massalu awusu wuṛṛu tawe massubba paal᷊uanna.

DARALO 25:1

Daralon Daud. Tumba'u Si'o, oh Mawu, i ya'u umal᷊iomanna,

DARALO 86:4

Mawu, pal᷊uasaawe naungngu allang-Ngu, ana waugu ete Si'o tuddan naungku.

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

YEREMIA 22:13

Nasilakate taumata apan mapararisikku wal᷊ene ringannu mallinga wuṛṛu manggewalla ringannu wawahia. Nasilakate i tou apan nandolokku taumata mammanara ringannu tawe lal᷊antakke.

IMAMATTA 19:13

Imbaṛṛangnga mangallangnga sansul᷊ungngu ara'e mangaṛṛo saranapane. Lalantaku sangkatou apan mammanara ringannu arie pattaṛṛange, salaiwe tumba'u saṛṛabbi.

IMAMATTA 25:35

Amungkangngu taumata sambalahannu apan uatana'a su wallati yamiu nabbal᷊i susa wuṛṛu tawe maawiakka watanganne, i yamiu ṛinone massumbala si tou ere sangkatou taumata raho ara'e rumaranta, tadea'u i tou sidutu mabiakka su wallati yamiu.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MATIUS 20:8

Wawallone, tatahuannu waillu anggore udde, nabbisara su mandorene, ‘Wagoite mammamanara udde wuṛṛu waeṛṛete lal᷊antakki mangitou sangkatou sangkatou, manattakka wuassu sinumutta panginsueanne ma'oman sara sinumutta paarorone.’

MARKUS 10:19

I'o masingkatte manga parenta Ruata, ‘Arie pamate, arie passandaga, arie panna'o, arie mattiala awusu, arie pallinga, pangaddatta iamangngu wuṛṛu inangngu.’ ”

TAHIUL᷊E 15:9

Imbaṛṛangnga tawe mapawallasa si tou ringannu wisara manungku tonna pamamaekka awallasa maranite. Arie mamalan ṛingirannu dal᷊eo udde sumutta sulal᷊ummu naungngu. Amungkangngu i yamiu madiri mapawallasa, taumata udde sarun sumal᷊ande Mawu wuṛṛu mangalaen kamiu, ne i yamiu udde sasagoanne nassal᷊a.

1 TIMOTIUS 5:18

Ana waugu sulal᷊ummu Wuke Susi uawoṛṛetta, “Sapi apan tantal᷊anna maṛṛinda gandumma mapatal᷊ei watun gandumma wuassu raene, arie pa'iitta moṛṛonge,” wuṛṛu lai “Taumata apan mammanara ṛinone manengkamma lal᷊antake.”

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.