TAHIUL᷊E 23:16 - WUKE SUSI WATTI'U AL᷊AL᷊USASSA

¹⁶ I tou wotongnge matana'a suwallatu sambau soanu tumuṛṛuttu apulune, wuṛṛu imbaṛṛangnga i yamiu maṛṛagissa si tou.

TAHIUL᷊E 23:16 Iomraidhean Croise

SASABANGNGA 22:21

Imbaṛṛangnga mangallangnga ara'e ma'inolaanna sal᷊a su saruannu taumata raho; naungete manungku dorone i yamiu lai taumata raho su Mesir.

SASABANGNGA 23:9

Imbaṛṛangnga mandal᷊eo taumata raho ringannu walate apulunu; i yamiu masingkatta ereapa pendamanna maola'a taumata raho, ana waugu dorone i yamiu lai taumata raho su Mesir.”

AMSAL 22:22

Imbaṛṛangnga mandugi taumata asiangnga, tumba'u ana waugu i tou lome; wuṛṛu su pallaṛṛuunganna ariewe makkampassa hakkan taumata tawe ikanne.

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

ZAKARIA 7:10

Imbaṛṛangnga mangallangnga manga wawine wal᷊u, al᷊aṛṛana'a asisin timpal᷊ussa, manga taumata raho apan namanua su pattangnganni yamiu, ara'e isai-sai apan sulal᷊ummu awussa. Wuṛṛu imbaṛṛangnga lai manggolagu al᷊al᷊eo su saruannu sansul᷊ungu.’

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YAKOBUS 2:6

Arawe i yamiu ewe'e mangngal᷊uandaga taumata asiangnga, wutte'e ete taumata ala apan mandal᷊eo wuṛṛu mangngapidi yamiu watukku pallaṛṛuumanna.