TAHIUL᷊E 22:8 - WUKE SUSI WATTI'U AL᷊AL᷊USASSA

⁸ Amungkangngu i yamiu ma'ola'a wal᷊en, i yamiu ṛinone ma'ola'a paggala uapal᷊iwutta wiwikku atumme. Ne i yamiu pasasal᷊an tawe salane pia taumata nanawo wuassu atuppa udde ana see nate.

TAHIUL᷊E 22:8 Iomraidhean Croise

2 SAMUEL 11:2

Su sambau tempo wawallote, napawe i Daud napu'ote wua natiilla, i tou u'a'amatta su atuppu wal᷊en araratuanna apan ratakke udde. Wua' isudde i tou naasilo sangkatou wawine tantal᷊anna mandeno, wuṛṛu lai wawine udde tumaniten maṛṛamaga.

SASABANGNGA 22:6

Isai apan nakkunuttu putungnga su wawail᷊anne sassane ana see putungnga udde nilumewa watukku waillu taumata waine wuṛṛu naasoṛṛobba gandumma apan tantal᷊anna tuttuwo ara'e gandumma niwa'issa apan wakkute nipototta, ne taumata apan nakkunuttu putungnga udde ṛinone mamaekka arugianna.

YESAYA 22:1

Eteindi tanata su ola'u Wawal᷊annu Sondappa ara'e tatimmata: Ei, tumana'u Yerusalem, anio i yamiu niumawitta su atuppu wal᷊en?

YEREMIA 19:13

Anambon bal᷊e su Yerusalem anambon wal᷊en manga ratun Yehuda sarun mabbal᷊i luhudda ere Tofet; ana waugu su wowon atuppu manga wal᷊en udde taumata buatte nanambunnu amania huna manga monganna su langitta, wuṛṛu nangonggollu anggore su manga monganna waine.”

YEHEZKIEL 3:18

Napawe i Ya'u mamasingkatta manungku sangkatou mandal᷊al᷊eo sarun mate, arawe i'o tawe mapanaungnga si tou tadea'u i'o mamal᷊u pallal᷊agune ma'oman sara i tou masal᷊amatta, ne i tou sarun mate ta'e lai sangkatou apan marosa, wuṛṛu su ola'u papatene, sarun pangansil᷊anne wuassi'o.

YEHEZKIEL 3:20

Amungkangngu sangkatou apan mapia manatakke ma'ola'a rosa, wuṛṛu i tou Ta'u iapasaruanna asasilaka, ne i tou sarun mate napawe i'o tawe mapanaungngi tou. I tou sarun nate ana waugu manga rosane, wuṛṛu manga inolaanne apan mapia tate Ta'u naunganna. Arawe su ola'u papatene udde sarun Ta'u ipa'iwal᷊o si'o.

MATIUS 10:27

Apa apan Ta'u iwal᷊o si yamiu su marandumma, ṛinone isul᷊eng kamiu apia su semakku allo. Wuṛṛu apa apan isasal᷊imburungnga su tal᷊inganu, wal᷊oa'a udde su awada'alla.

MARKUS 2:4

Arawe ana waugu taumata tumanite manambo, i mangitou tate naaundani Mawu Yesus. Nariaddi i mangitou nalla'ete atuppa su lantakku Mawu Yesus. Wua'udde i mangitou nangul᷊ukku taumata udde sara wilanne.

WATTI'U MANGA RASUL 10:9

Tiṛṛabbine, tantal᷊anna i mangitou sulal᷊ummu amatanne wuṛṛu maraniten Yope, i Petrus nirumanganna su pangketta ana umal᷊iomanna.

ROMA 14:13

Ana waugu udde arie i ite mapaasal᷊an sangkatou ringannu sangkatou. Arawe padea'e tadea'u i yamiu tawe ma'ola'a inolaanna apan ma'aola'a tuṛṛangngu su pangangimanna sambau awono'anna wuṛṛu marosa.

1 KORINTUS 10:32

Pabbiakke aroddi olangnge ma'oman sara tuṛṛangnga tawe ma'ola'a taumata waine ma'ola'a rosa; apa i mangitou taumatan Yahudi ara'e taumata wal᷊ine Yahudi, ara'e lai jamaattu Ruata.

TAHIUL᷊E 22:7

I yamiu wotongnge manganu ana'u manu'a udde, arawe wala'e inangnge tumalla'a, tadea'u uukki yamiu mal᷊o'engnga wuṛṛu mabbiakka su lal᷊umanna'a.

TAHIUL᷊E 22:9

Imbaṛṛangnga massuannu sasuanna wal᷊ine su waillu anggore, tumba'u uarundussa anggore. Amungkangngu i yamiu massuanna lai, i yamiu tawe mapanganu hessin bailla udde, mawae ete anggore, aroddi lai sasuanna waine.

FILIPI 1:10

Ringannu aroddi yamiu masingkatta mamile apa apan apianne, wuṛṛu wiakku na'ukkassa wuassu angngo ara'e al᷊awo'u aansilla su allo Kristus rumanta apia.

1 TESALONIKA 5:22

Pangindauten al᷊awo'u hatin al᷊al᷊eo.

1 SAMUEL 9:25

Wua'udde i mangitou sinumossokke wuassu tampa patataṛṛamawuanna udde wuṛṛu sinumuttate su soa. I Saul niapaatiilla su pangkettu wal᷊en,