TAHIUL᷊E 21:5 - WUKE SUSI WATTI'U AL᷊AL᷊USASSA

⁵ Manga imam Lewi ṛinone lai inai isudde, ana waugu i mangitou ṛinone mangonggolu ṛaṛṛawessa sulal᷊ummu hatton pamamate udde. I mangitou nipilen Mawu Ruatanu tadea'u mattaṛṛamawu si Tou wuṛṛu massinaukku al᷊amatta sulal᷊ummu aran-Ne.

TAHIUL᷊E 21:5 Iomraidhean Croise

1 TAWARIKH 23:13

I Amram eteudde iamangngi Harun wuṛṛu i Musa. (I Harun wuṛṛu papapulunne saran mal᷊annu-l᷊annu buatte niṛṛa'e iapapadul᷊i manga saranapa patataṛṛamawuanna, manamlunnu amania hunan Mawu, mangngimbe Mawu, wuṛṛu mangngal᷊amatta tumana'u soa ringannu arannu Mawu.

2 TAWARIKH 19:10

Amungkangu pia manga hawenu wuassu soa waine nangapiddu sambau hattom pamamate si'o, nilumawangnga tita ara'e nilumawangnga atoranna, ṛinone i yamiu mangonggolu tatantiro si mangitou. Ringannu aroddi i mangitou tawe massal᷊a su saruannu Mawu, wuṛṛu Mawu tawe masa'u si'o aroddi lai si mangitou. Amata'e parenta indi, ne i yamiu tawe massal᷊a.

YEHEZKIEL 42:13

Esakka udde nabbisara si ya'u, “Wal᷊en darua udde na'ukkassa. Isudde, manga imam apan botongnge sumaruanna daranta Mawu, umanna manga sasamba apan lembon na'ukkassa. Isudde lai ṛinone iaddo mangitou manga sasamba apan lembon na'ukkassa, eteudde; sasamba gandumma wuṛṛu sasamba papappasa rosa ara'e sasamba pamaekka arugianna.

YEHEZKIEL 44:24

Amungkangngu nariaddi pattatiakka su hatton pallaṛṛuungnga, i mangitou ṛinone manginsue udde ringannu manga tita-U. I mangitou ṛinone maddamea manga andeangngu agama, tumuṛṛuttu atorannu manga tita-U, see lai mangaddatta Sabatta sambau allo apan niṛṛae si Ya'u.

IMAMATTA 9:22

Napawe buatte nangonggolu anambon sasamba udde, i Harun namatten limane su wowon ṛuangannu Israel wuṛṛu nangal᷊amatta si mangitou, ana see i tou sinumossokke.

MALEAKHI 2:7

Atonna manaran manga imam mangngaṛṛa'u apan naṛṛino su ola'i Ya'u, Mawu Apan Atanggaṛṛanne. Ete si mangitou tumanangnge ṛinone maiwal᷊o apa apan ipaapullu-U, ana waugu i mangitou udde daroloṛṛang-Ku.

TAHIUL᷊E 10:8

Su wowone udde Mawu naṛṛaen taumatan Lewi iapal᷊u'adda Wantallu Pa'aire wuṛṛu mangimbe Mawu, wuṛṛu mangal᷊amatta ringannu aran-Ne. Eteudde manaran mangitou sara orassa indi.

TAHIUL᷊E 18:5

Wuassu anambon ṛuanganna su Israel, Mawu Ruatanu buatte namile ṛuanganni Lewi maola'a imam saran mal᷊annu-l᷊annu.

TAHIUL᷊E 19:17

itarua ṛinone inai su tampan pattataṛṛamawuanna apan tinantunnu Mawu, tadea'u parikisannu manga imam, wuṛṛu mallaṛṛuungnga apan mammanara orassa udde.

TAHIUL᷊E 21:4

Sapi udde ṛinone iapiddi mangitou su sambau tampa maranin sal᷊ukka apan tawe mamara wuṛṛu letangnge nipajeko wuṛṛu sinuananna. Isudde i mangitou ṛinone mallatto'a ullekkan binatangnga udde.