TAHIUL᷊E 21:22 - WUKE SUSI WATTI'U AL᷊AL᷊USASSA

²² “Amungkangngu pia sangkatou buatte niṛṛuumanna nate ana waugu sambau al᷊al᷊eo, wuṛṛu winal᷊unanne niele su tiangnga,

TAHIUL᷊E 21:22 Iomraidhean Croise

PANDARIADDI 40:19

Sulal᷊ummu tallu allo indi ratu sarun mandolokku taumata iapaponggo'a puanu ana see iele winal᷊unannu su sambau riṛṛi, wuṛṛu manga manu'u winalanganna sarun uminassa ṛemessa wuassu winal᷊unannu.”

2 SAMUEL 21:10

Ana see i Rizpa nia'in Saul, namilattu nasa karongnga su wowon batu su tampan manga winal᷊unanna udde uatal᷊owangnga. I Rizpa tawe nanantangngu tampa udde wuassu panattaṛṛannu tempo mangitingnga naddatingngu tempon manguranna su watiannu rongnga manontongnga. I tou tawe namalan winal᷊unanna udde inasannu manga manu'u winalanganna su allo allattune ara'e winatangnga mal᷊aṛṛaga sutempo ṛabbi.

2 SAMUEL 21:6

Ana waugu udde, tantil᷊a'e siri pitu su atoune wuassu papapulunne esakka, tadea'u ielen kami su saruannu Mawu su Gibea, soan Ratu Saul sassane.” Ratu sinumimbakka, “Ore, i mangitou sarun ta'u itantilla si yamiu.”

2 SAMUEL 21:9

I mangitou tinantilla su manga taumatan Gibeon, ana see siri pitu taumata udde nate suadio'a niele su wuidda su saruannu Mawu. Ṛuumanna pateanna udde niapaamatta su panginsueannu tempo rongnga mallal᷊uwo napawe jelai itingante.

2 SAMUEL 4:12

Wua'udde i Daud namarenta tantarane iapapate si Rekhab wuṛṛu si Baana. Napawe puan buatte nipate, lima wuṛṛu leddane nipototta wuṛṛu niele maranin li'u. Arawe puan Isyboset udde nianu wuṛṛu nilabbinga su soa udde lai sulal᷊ummu labbingi Abner.

REENGANNA 25:4

“Samette anambon taumata apan uapiaṛṛa'u walahanna udde wuṛṛu patete i mangitou su saruannu awadaalla maola'a sambau tatuṛṛutta su parenta-U, tadea'u i Ya'u tate lai masa'u su walahanna udde.”

MATIUS 26:66

Orassa indi ereapa adapatti yamiu?” I mangitou sinumimbakka, “I Tou nassal᷊a wuṛṛu ṛinone pateanna.”

MARKUS 14:64

I yamiu naaringikke sassane manga wisara-Ne apan ipangngadio'a Ruata. Orassa indi ereapa i'o makkawessu hatto indi?” I mangitou sarangkanambone nakkawessa manungku Mawu Yesus nassal᷊a, wuṛṛu ṛinone iṛṛuumanna ma'oman sara mate.

LUKAS 23:33

Napawe na'omate su tampa apan isassago “Tanggilal᷊a”, i mangitou nangarussate Mawu Yesus wuṛṛu ruang katou taumata lal᷊eo udde – sangkatou su samba'a uananna wuṛṛu sangkatou lai su samba'a aiṛṛi Mawu Yesus.

WATTI'U MANGA RASUL 23:29

Ne nasemakke i tou tawe pasasal᷊a apan botongnge maaṛṛuumanna si tou ringannu ṛuumanna pateanna ara'e itaṛṛo su tuttupanna. Alae mangitou tumba'u ana waugu titan agama mangitou sassane.

WATTI'U MANGA RASUL 25:11

Amungkangngu i ya'u suete nilumawangnga tita wuṛṛu ma'ola'a inolaanna apan maaṛṛuumanna ma'oman sara pateanna, i ya'u mal᷊uassa pateanna. Arawe amungkangngu alae mangitou udde awusu, tawe saran sangkatou wotongnge manantillu riri'u si mangitou. I ya'u madorongnga parikisanna su saruannu mallaṛṛuungngu Kaisar!”

WATTI'U MANGA RASUL 25:25

Arawe i ya'u tawe naasomba saran sambau inolaanne apan botongnge maaṛṛuumanna si tou ma'oman sara pateanna. Wuṛṛu ana waugu i tou sassane nadorongnga hattone parikisanna ringannu Kaisar, i ya'u naṛṛawessa mangipiddi tou ringannu Kaisar.

WATTI'U MANGA RASUL 26:31

Napawe su liuddete, i mangitou uahahatto sangkatou ringannu waine, “Taumata indi tawe inolaanne saran sambau apan botongnge maaṛṛuumanna si tou pateanna ara'e itaṛṛo su tuttupanna.”

TAHIUL᷊E 22:26

Maṛṛuala udde tawe botongnge iṛṛuumanna ana waugu tawe inolaanne apan wotongnge maaṛṛuumanna si tou. Hatto udde naal᷊ihidda hatton sangkatou apan nango'a taumata waine wuṛṛu nipate.

YOSUA 10:26

Ana see i Yosua namate manga ratu udde wuṛṛu nangele mangitou su lima pati'anna. Winal᷊unanni mangitou niwala isudde naddatingngu wawallo.

YOSUA 10:27

Su tempo matannallo mattupe, wuassu parentan Yosua, manga winal᷊unanna udde sinossokka ana see niwareta sulal᷊ummu loṛṛanga apan tanginna nipaattu manga ratu udde naola'a tampa pa'imbunianna. Wua'udde manga watu wahewalla niaddo su mamoṛṛongannu loṛṛanga udde. Naddatingngu orassa indi manga watu udde ta'e isudde.

YOSUA 8:29

Ratun soa udde niele su alu, wuṛṛu niwala isudde na'oman sara wawallo. Su tempo matannallo mattupe, i Yosua nandolokku taumata niapaal᷊appa winal᷊unanna udde wuṛṛu niramme su saruannu pasattangannu soa. Ana se'e tampa udde niomboannu watu manambo atonna. Manga watu udde ta'e poiaroddi na'oman sara orassa indi.

1 SAMUEL 26:16

I'o tawe maapasanna mappaamattu manaranu, Abner! Sulal᷊ummu arannu Mawu apan biakka, i yamiu sarangkanambone ṛinone mate, ana waugu tawe naariaga mawunu, ratu apan nipile Mawu. Ellehete suapate sambeangngu ratu? Suapa tampan ua'e apan tanginna uaraddo su samba'an puane?”