TAHIUL᷊E 21:21 - WUKE SUSI WATTI'U AL᷊AL᷊USASSA

²¹ Ana see manga esakka wuassu soa udde ṛinone manuntungngu watu su ana'a udde ma'oman sara mate. Ringannu aroddi yamiu mangnginsue al᷊al᷊eo udde. Anambon taumatan Israel sarun maaringikka arariadianna udde wuṛṛu mabbal᷊i mata'utta.”

TAHIUL᷊E 21:21 Iomraidhean Croise

2 SAMUEL 18:17

Wua'udde winal᷊unanni Absalom nipasanna wuṛṛu niramme sulal᷊ummu paṛṛihi su mahurangnge udde. Paṛṛihi udde niomboanni mangitoun batu na'oman sara matanggakka. Anambon tantaran Israel tinumal᷊angngu watanganne sambau-sambau su wal᷊ene.

SASABANGNGA 21:17

Isai apan mammontoga iamangnge ara'e inangnge, ṛinone iṛṛuumanna pateanna.

AMSAL 30:17

Taumata apan mangngal᷊uandaga iamangnge ara'e inangngene apan timmadete, ṛinone iramme su liudde tadea'u matane tembonannu manu'a gagak wuṛṛu winal᷊unanne inasannu manu'a a'a.

IMAMATTA 20:2

mabbol᷊on olangnge indi su taumatan Israel, “Suapan taumata suwallati yamiu ara'e taumata raho apan uatana'a su wallati yamiu apan nangonggolu anangnge si Molokh, ṛinone anambon tumanangnge manuntungngu watu si tou.

IMAMATTA 20:27

Suapan taumata esakka ara'e wawine apan ma'ola'a pa'a'aukka ringannu manga ghaṛṛahon taumata nate ṛinone tuntungannu watu ma'oman sara mate. Taumata udde nate ana waugu sal᷊ane sassane.”

IMAMATTA 24:14

“Apira'e taumata udde watukku liuddu paddasananna. Suapan taumata apan buatte naaringikka si tou mammontoga, ṛinone mangandangngu limane su wowon puan taumata udde ipattiala manungku taumata udde nassal᷊a. Ana see anambon walahanna manuntungngu watu si tou ma'oman sara mate.

IMAMATTA 24:16

wuṛṛu iṛṛuumanna pateanna. Isai-sai apan mammontoga Mawu jamaatta ṛinone manuntungngu watu ma'oman sara mate. Ṛuumanna udde iapa'amatta su taumatan Israel wuṛṛu taumata raho apan namanuate su Israel.

REENGANNA 15:25

Ana see imam ṛinone ma'ola'a lal᷊aghun pangangampungnga rosan balahanna. Ne i mangitou sarun ampunganna ana waugu i mangitou buatte nangapiddu sasamba aampungnga rosa see lai sasamba itattambunna su Mawu.

REENGANNA 15:35

Mawu nabbisara si Musa, “Taumata udde ṛinone iṛṛuumanna pateanna. I tou ṛinone iapidda su liuddu paddasananna wuṛṛu poiaroddi anambon ṛuanganna manuntungngu watu si tou ma'oman sara mate.”

REENGANNA 15:36

Ne anambon ṛuanganna mangapidden tou watukku liuddu paddasananna wuṛṛu manuntungngu watu si tou ma'oman sara mate, ere buatte nirolokku Mawu.

TAHIUL᷊E 13:12

Napawe i yamiu matana'e su manga soa apan ionggolu Mawu Ruatanu si yamiu, asinungka tumelengke watti'a

TAHIUL᷊E 13:6

Napawe tuṛṛangngu ara'e anangngu esakka ara'e wawine, ara'e awingnga arangnguannu ara'e hawenu apianne, ringannu mal᷊anna-l᷊annaba massal᷊ongngu massubba manga Mawu waine apan awagananni yamiu wuṛṛu awaganannu al᷊amonanu, manga mawun balahanna apan uatana'a marani ara'e marau,

TAHIUL᷊E 17:5

taumata apan nassal᷊a ṛinone iapidda su liuddu soa wuṛṛu tuntungannu watu ma'oman sara mate.

TAHIUL᷊E 17:7

Manga matatialane ṛinone manuntungu watu paarorone su taumata udde, tatantalongannu anambon tumana'u soa. Ringannu aroddi yamiu mangnginsue al᷊al᷊eo.

TAHIUL᷊E 21:20

I mangitou ṛinone mabbisara su matatimmadu soa udde, ‘Ana'i yami indi maattikka puane, apulune lullawangnga wuṛṛu madiri tumuṛṛutta si yami; i tou mangnginsue roitta wuṛṛu taṛṛa wu'anna.’

TAHIUL᷊E 22:21

ne wawine udde ṛinone iapidda watukku ngaran wal᷊en hagurangnge. Su tampa udde manga esakka wuassu soa udde ṛinone manuntungngu watu si tou ma'oman sara mate. Wawine udde buatte na'ola'a inolaanna apan ma'asili walahanni ite ana waugu natatamba taambe na'awingnga su tempo i tou ta'e uatana'a ringannu iamangnge. Ringannu makkumanni tou i yamiu mangnginsue al᷊al᷊eo udde.

TAHIUL᷊E 22:24

Sulal᷊ummu hatto udde i mangitou ṛinone iapidda su liuddu soa wuṛṛu tuntungannu watu ma'oman sara mate. Maṛṛuala udde ṛinone pateanna ana waugu i tou tawe niumui maiontolla, ana waugu olangnge udde nariaddi sulal᷊ummu soa, suapan aintul᷊ine wotongnge iaringikka. Wuṛṛu esakka udde ṛinone pateanna ana waugu i tou natatamban maṛṛuala apan piate parene. Ringannu nakkuumanni tarua, i yamiu mangngisue al᷊al᷊eo udde.