TAHIUL᷊E 20:4 - WUKE SUSI WATTI'U AL᷊AL᷊USASSA

⁴ Mawu Ruatanu sarun tumantalongnga mantul᷊ungngi yamiu, wuṛṛu i Tou sarun mangonggolu auntunganna si yamiu.’

TAHIUL᷊E 20:4 Iomraidhean Croise

1 TAWARIKH 14:15

Amungkangu i'o maaringikka ere lempangngu taumata mabbarissa su oto'u manga aaluanna udde, amatte, ana waugu i Ya'u sarun umamatta su saruannu mamaddon tantaran Filistin.”

2 TAWARIKH 13:12

Piaṛṛa'i yami eteudde Ruata sassane wuṛṛu manga imammu Mawu lai isindi. I mangitou uasaddiate mattiuppa trompeta maola'a sambau tatiala si yami inaite mamangalo si yamiu. Ei taumatan Israel, ariete lumawangnga Mawu, Ruatan al᷊amonanu! I yamiu tawe maauntungnga!”

SASABANGNGA 14:14

Mawu sarun manahekki yamiu, wuṛṛu i yamiu manin tawe ma'ola'a apa-apa.”

ROMA 8:37

Tawe! Ewe'e sulal᷊ummu sarangkanambone udde i ite naasomba auntunganna apan nasuungnga ana waugu i Tou apan niumakkani ite!

TAHIUL᷊E 1:30

Mawu Ruatanu sarun mamiaṛṛa'i yamiu wuṛṛu mangehetta si yamiu ere lai buatte niapendamanni yamiu sassane su Mesir,

TAHIUL᷊E 11:25

Su ahewallu wanua udde Mawu Ruatanu sarun ma'ola'a tadea'u manga taumata udde matta'utta su saruannu ere buatte nipa'ire-Ne, na'oman sara tawe saran sangkatou apan botongnge manal᷊are si yamiu.

TAHIUL᷊E 3:22

Imbaṛṛangnga mata'utti mangitou, ana waugu Mawu Ruatanu sidutu uarundinganna si yamiu.”

TAHIUL᷊E 31:6

Ṛinone naungngi yamiu matammuda wuṛṛu waṛṛani! Imbaṛṛangnga mata'utti mangitou, ana waugu Mawu Ruatanu sassane sarun mantul᷊ungngi yamiu. I Tou tawe mapaurangngu naungngu ara'e manantangngi yamiu.”

TAHIUL᷊E 32:30

Ereapa wotongnge sangkatou ma'aenggenna saṛṛiwu su atoune, wuṛṛu ruan katou maaola'a mapul᷊o ṛiwu su atoune tumal᷊angnga? Mawu, Ruata mangitou, buatte nabbal᷊u'i mangitou; i mangitou tinantangken Duata apan matohassa.

YOSUA 10:11

Su tempo manga taumatan Amori tantal᷊anna sussossokka su sendakku wowone udde ana waugu tul᷊angngu watanganne wuassu tantaran Israel, Mawu nanossoku uranna eisse apan wahahewalla wuassu langitta si mangitou su al᷊o'engngu lal᷊anna naddatingngu Azeka. Ingana'a nate naemaannu uranna eisse udde mannamboanna wuassu nipaten taumatan Israel.

YOSUA 10:42

Tumba'u paassa napapangalo, i Yosua namaddon anambon datu udde wuṛṛu nangaṛṛo manga wageangngu leta'a apan paparentanni mangitou, ana waugu Mawu, Ruatan Israel, napapangalo suadio'a ringannu Israel.

YOSUA 23:10

Sangkatou taumata su wallati yamiu wotongnge maal᷊uṛugu taumata su ṛiwune, ana waugu ete Mawu Ruatanu apan mamangalo hunan kamiu, ere buatte nipa'ire-Ne.

1 SAMUEL 14:23

I mangitou uapapangalote su al᷊o'engngu lal᷊anna na'oman sara sinumabbi Bet-Awen. Mawu nanal᷊amatta Israel su allo udde.