TAHIUL᷊E 20:1 - WUKE SUSI WATTI'U AL᷊AL᷊USASSA

¹ “Amungkangngu i yamiu inai mapapangalo mandoappa manga seennu, imbaṛṛangnga mata'utta maasilo keretan pangalo wuṛṛu awal᷊on mangitou apan manambo see lai tantaran mangitou apan reenganne nilumebbe wuassu reenganni yamiu. Mawu Ruatanu apan namallossi yamiu wuassu Mesir sarun mantul᷊ungngi yamiu.

TAHIUL᷊E 20:1 Iomraidhean Croise

PANDARIADDI 26:3

I Ya'u sarun mallu'adda wuṛṛu mangal᷊amatta si'o. Ahewallu wageangngu leta'a indi sarun Ta'u ionggolla si'o wuṛṛu su papapulunnu. I Ya'u sarun manipussu paaire apan buatte Ta'u nionggolla si Abraham iamangngu.

2 TAWARIKH 14:10

Ne i Asa sinumabbangke sinumaruanna si Zerah, ne tarua itarua nangatokku warisanne sambau-sambau su Wawal᷊annu Zefata maranin Maresa.

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

2 TAWARIKH 20:12

Ete I'o Ruatan kami! Ṛuumana'e i mangitou, ana waugu yami indi inasueanten ikkatta sumaruanna tantara anambone ereudde, apan mammangalote si yami. Yami waggate tanne yami maola'e apa, ana waugu udde yami rumanta ringannu Mawu maiontolla.”

2 TAWARIKH 20:15

ne i tou nabbisara, “Tuangnga Apan Mawantuga see lai manga tuṛṛangnga sarangkanambone. Mawu nabbisara manungku i yamiu tawe wotongnge mallome ara'e mata'utta sumaruanna tantara apan manambo udde. Ana waugu apan mapapangalo wal᷊inewe i yamiu, ewe'e Ruata.

DARALO 118:6

I ya'u tawe mata'utta ana waugu Mawu uarundinganna si ya'u, taumata tawe maal᷊ore su saruangku.

DARALO 20:7

Orassa indi i ya'u masingkatte manungku Mawu nangonggolu auntunganna su ratu apan nipile-Ne. Mawu sinumimbakka si tou wuassu surga-Ne apan susi; ringannu taṛṛinon Mawu i tou naasomba auntunganna wahewalla.

DARALO 23:4

Salaiwe i ya'u u'amatta su wawal᷊anne apan marandumma, i ya'u tawe mata'uttu asasilaka, ana waugu I'o uaringanna si ya'u. I'o uatillumma si ya'u naal᷊ihidda sangkatou mallal᷊u'adda uatillumma dombane ringannu ta'inna wuṛṛu pal᷊o-pal᷊o.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

DARALO 46:7

Ruata nirumallu'a, ne runia naṛimunsa'a; manga walahanna nata'utta, manga araratuanna nanawo.

DARALO 46:8

Mawu Apan Lembontaṛṛino ual᷊u'adda si ite, Ruatan Yakub uapadul᷊i si ite.

SASABANGNGA 20:2

“Ete i Ya'u Ruatanu apan nangapiddi yamiu sinumabbangnga wuassu Mesir su tampa i yamiu niallangnga.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

YEREMIA 16:14

Mawu nabbisara, “Sarun a'omanna tempone taumata tate lai massalu ringannu arang-Ku, Ruata apan biakka, apan nangapiddu umattu Israel sinumabbangnga wuassu Mesir,

ZAKARIA 10:5

Tumana'u Yehuda sarun maauntungnga ere manga atumannaṛṛane apan maṛṛinda seetta ere labbo su lal᷊anna. I mangitou mattinsahadda ana waugu i Ya'u, Mawu massumbala si mangitou, wuṛṛu tantaran seetta apan uasa'e awal᷊o sarangkanambone sarun iawaddon mangitou.

REENGANNA 10:9

Wuṛṛu amungkangngu i yamiu mapapangalo su wanuanu su ipannahekku watangannu wuassu seetta apan mammangalo, pattiuppe manga trompeta udde. Ne, i Ya'u Ruatanu, sarun mantul᷊ungnga wuṛṛu manal᷊amatta si yamiu wuassu manga seennu.

REENGANNA 23:21

Si Yakub tawe nasiloanna al᷊al᷊eo; si Israel tae niasiloanna asasusa, Mawu, Ruata mangitou, uarundinganna si mangitou. I mangitou lullala'a: Tumba'u i Tou Ratu!

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

TAHIUL᷊E 1:29

Arawe i ya'u nabbisara: Imbaṛṛangnga mata'uttu manga taumata udde.

TAHIUL᷊E 2:7

Paanaungete ereapa Mawu Ruatanu buatte nangal᷊amatta si yamiu su al᷊awo'u manaran kamiu. I Tou nappaddul᷊i tantal᷊anna mammal᷊intaddu wadda'a apan mal᷊alangnga indi. I Tou ual᷊u'adda si yamiu al᷊annune appatu pul᷊o su tonnane indi, wuṛṛu nangonggolu saranapa apan pappandumanni yamiu.

TAHIUL᷊E 20:2

Tantal᷊anna taambe manattakka mapapangalo, sangkatou imam ṛinone umamatta dorone wuṛṛu mabbisara si yamiu arendi,

TAHIUL᷊E 20:3

‘Tuṛṛa-tuṛṛangnga, paddaringikka! Allo indi yamiu inaite mapapangalo. Imbaṛṛangnga mata'utta ara'e maadio'a naungngu ara'e ial᷊iwune.

TAHIUL᷊E 31:6

Ṛinone naungngi yamiu matammuda wuṛṛu waṛṛani! Imbaṛṛangnga mata'utti mangitou, ana waugu Mawu Ruatanu sassane sarun mantul᷊ungngi yamiu. I Tou tawe mapaurangngu naungngu ara'e manantangngi yamiu.”

TAHIUL᷊E 31:8

Mawu sarun mangehetta wuṛṛu mantulungngu. I Tou tawe mapaasusan naungngu ara'e manantangngu. Ana waugu udde imbaṛṛangnga mata'utta ara'e suminggawangnga.”

TAHIUL᷊E 7:1

“Mawu Ruatanu sarun mangapiddi yamiu watukku wanua apan sarun wanuanni yamiu, wuṛṛu manambo walahanna apan limbuaṛṛanna wua'isudde. Su saruannu matanu i Tou sarun mallimbuakka pitu walahanna apan maggewal᷊anna wuṛṛu mattohasanna wuassi yamiu, eteudde manga taumatan Het, Girgasi, Amori, Kanaan, Feris, Hewi wuṛṛu Yebus.

TAHIUL᷊E 7:18

Arawe arie pa'ata'utti mangitou; naungete apa apan niola'u Mawu Ruatanu su saruannu ratun Mesir wuṛṛu anambon tumanangnge.

TAHIUL᷊E 7:21

Nariaddi ariete mata'uttu manga walahanna udde. Mawu Ruatanu ual᷊u'adda si yamiu. I Tou uddewe Mawu Ruata apan mawantuga wuṛṛu ahewal᷊anne.

TAHIUL᷊E 9:3

Arawe orassa indi yamiu sarun maasilo sassane ereapa Mawu Ruatanu u'amatta su saruanni yamiu naal᷊ihidda putungnga apan mannoṛṛobba. I Tou sarun mamaddon mangitou su saruannu matanu, na'oman sara i yamiu wotongnge mallimbuakka wuṛṛu mamate si mangitou ringannu mal᷊ihakka ere buatte pina'iren Mawu.

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

YOSUA 11:9

I Yosua namangalo si mangitou uasul᷊ungngu parentan Mawu; i tou npaal᷊omen mangitou, wuṛṛu nanoṛṛobba manga keretan pangalo mangitou.

MAL᷊AṚṚUUNGNGA 6:12

Mala'ekattu Mawu nattingkapasilo si tou wuṛṛu nabbisara, “Ei umbasanna apan matohassa! Mawu uarundinganna si'o!”

MAL᷊AṚṚUUNGNGA 6:16

“I'o wotongnge!” unnu Mawu, “ana waugu i Ya'u sarun massumbala si'o. Manga taumata Midian wotongnge ṛimunsaannu ringannu mal᷊uassa, i'o naal᷊ihidda tumba'u uasaruanna sangkatou.”

1 SAMUEL 17:32

I Daud nabbisara si Saul, “Tuangnga i ite arie pa'ata'uttu taumatan Filistin udde! Allangngu uasaddiate mando'appa si tou.”