TAHIUL᷊E 2:14 - WUKE SUSI WATTI'U AL᷊AL᷊USASSA

¹⁴ Udde nariaddi tallun pul᷊o ual᷊u su tonnane napawe i ite nanatangngu Kades-Barnea. Anambon tantara wuassu su tempo udde natte ere buatte niwal᷊on Mawu.

TAHIUL᷊E 2:14 Iomraidhean Croise

DARALO 106:26

Ne ringannu sasalu i Tou naddiandi sarun mamate si mangitou su wadda'a.

DARALO 90:15

Onggol᷊aawe si yami al᷊al᷊uassa uasul᷊ungngu asasusa apan papasannanni yami sulal᷊ummu manga tempon asasusa.

DARALO 90:3

I'o nandolokku taumata niapawelenga su pina'olaanne, nabbal᷊i awu ere paarorone.

DARALO 90:9

Wiakki yami maautta ana waugu asasa'u-Nu, manga tonna pabbiaṛṛanni yami nasue ere sasangngo.

DARALO 95:11

Ne i Ya'u nassalu sulal᷊ummu asasa'u-U, i mangitou sarun tawe maasutta su wanua udde maddea'a maasomba pangillol᷊oanna suadio'a ringang-U.”

YEHEZKIEL 20:15

Su wadda'u anne udde lai i Ya'u namansagu walahannu Israel tawe Ta'u iapidda sumutta su leta'a apan ala wuṛṛu apianne su ahewallu runia.

REENGANNA 1:1

Su allo paarorone wul᷊anna aruane sulal᷊ummu tonna aruane napawe walahannu Israel buatte nanantangngu Mesir, Mawu nabbisara si Musa sulal᷊ummu Rasannu Mawu su wadda'u Sinai. Wisara-Ne,

REENGANNA 13:26

wuṛṛu namasingkatta si Musa, si Harun wuṛṛu anambon ṛuangannu Israel apan tantal᷊anna uaammula su Kades, su wadda'u Paran. I mangitou nabbatti'u sarangkanambone apan buatte niasiloanni mangitou wuṛṛu namasilo manga wua apan uaapidda si mangitou.

1 KORINTUS 10:5

Salaiwe aroddi, Ruata tawe mal᷊uassa wuassu anamboanne su wallatti mangitou, ana waugu udde manga winal᷊unanni mangitou uatal᷊eṛṛongnga su wadda'a.

TAHIUL᷊E 1:19

“Ana see uasul᷊ungngu parentan Mawu Ruatan kite, i ite manantangngu Wowon Sinai wuṛṛu umamatta sumabbi wadda'a apan mal᷊alangnga wuṛṛu masahadda mattuddan wageangngu panenteannu taumatan Amori. Su tempo i ite na'omate su Kades-Barnea,

TAHIUL᷊E 1:2

Wuassu Wowon Sinai maddatingngu Kades-Barnea sumabbi wageangngu panenteannu Edom, amatanne mapul᷊o assa su allone al᷊annune.)

TAHIUL᷊E 1:46

“Wua'udde i ite natana'e su Kades tumaniten mal᷊annu.

TAHIUL᷊E 2:13

“Wua'udde i ite nalliute Sal᷊ukku Zered ere buatte nirolokku Mawu si ite.

TAHIUL᷊E 2:16

Napawe i mangitou sarangkanambone natete,

TAHIUL᷊E 2:7

Paanaungete ereapa Mawu Ruatanu buatte nangal᷊amatta si yamiu su al᷊awo'u manaran kamiu. I Tou nappaddul᷊i tantal᷊anna mammal᷊intaddu wadda'a apan mal᷊alangnga indi. I Tou ual᷊u'adda si yamiu al᷊annune appatu pul᷊o su tonnane indi, wuṛṛu nangonggolu saranapa apan pappandumanni yamiu.

YOSUA 24:7

i mangitou sinumal᷊ande si Ya'u naiontolla. Ne tampa su wallati mangitou wuṛṛu manga taumatan Mesir udde Ta'u niola'a nabbal᷊i marandumma, wuṛṛu taumatan Mesir Ta'u nioopannu ua'en tahal᷊oangnga na'oman sara i mangitou sarangkanambone nal᷊ammissa. I yamiu naasingkatte al᷊awo'u inolaang-Ku su Mesir. Mal᷊annu atonna i yamiu uatana'a su wadda'u anne.

YOSUA 5:4

Su tempo manga taumatan Israel sinumabbanga wuassu Mesir, anambon taumata esakka buatte nisunatta. Arawe su tempo i mangitou mammal᷊intadda su wadda'u anne appatu pul᷊o su tonnane al᷊annune, al᷊aṛṛana'i mangitou esakkatawe saran sangkatou apan buatte nisunatta. Wuṛṛu su panguddusannu tempo appatu pul᷊o su tonnane udde, manga esakka apan su tempo sinumabbanga wuassu Mesir apan nia'omante uukke sumutta tantara, sarangkanambone natete, ana waugu tawe tinumuṛṛuta parenta Mawu. Ne Mawu nassalu manungku i mangitou tawe iwala ma'ellega wanua apan manambo wiakke wuṛṛu masuwukka udde apan buatte nipa'ire-Ne su iupungngu al᷊amona mangitou.

YUDAS 1:5

Sarangkanambone udde i yamiu masingkatte. Arawe i ya'u maapulu mapaanaungngi yamiu su ola'u ereapa Mawu manal᷊amatta walahannu Israel wuassu leta'u Mesir, arawe wua'udde namate manga taumata apan tawe mangngimanna su wallatti mangitou.