TAHIUL᷊E 18:20 - WUKE SUSI WATTI'U AL᷊AL᷊USASSA

²⁰ Arawe amungkangngu sangkatou nabi waṛṛani mamasingkattu sambau tanata wuassu arang-Ku sumbal᷊i Ya'u tawe nandolokki tou ma'ola'a aroddi, i tou ṛinone mate; aroddi lai suapan nabi apan mabbisara ringannu arannu manga Mawu waine udde ṛinone mate.’

TAHIUL᷊E 18:20 Iomraidhean Croise

1 MARARATU 13:19

Ne nabi wuassu Yehuda udde tinumantalongke watukku wal᷊en nabi timmade udde wuṛṛu niumante suaddio'a ringanni tou.

1 MARARATU 18:19

Orassa indi, parentaite anambon tumana'u Israel maisasomba'u su Wowon Karmel. Apira'a lai appatu ṛasutta liman pul᷊o nabi Baal wuṛṛu appatu ṛasutta nabi Monganni Asyera udde apan niwaeṛṛanni wo'i Izebel!”

1 MARARATU 18:27

Su allattune i Elia mannattakke mangngal᷊uandaga si mangitou. “Aal᷊iomante lembon maikkatta lai! I tou mawu, are? Asinungka i tou tantal᷊anna maṛṛingidda, ara'e niumuru. Wotongnge mariaddi lai i tou tantal᷊anna sinumal᷊ele! Ara'e asinungka i tou tantal᷊anna mattiilla, wuṛṛu i yamiu ṛinone mamu'o si tou!”

1 MARARATU 18:40

Ne i Elia nabbisarate, “Sametta manga nabin Baal udde! Arie pabbala'a saran sangkatou ma'al᷊assangnga!” Ana see manga taumata udde nanametta manga nabin Baal udde, wua'udde i Elia nangapiddi mangitou watukku Sal᷊ukku Kison wuṛṛu poiaroddi i tou namate si mangitou sarangkanambone.

YEREMIA 2:8

Manga imam taweddu maiwal᷊o suapa i Ya'u, Mawune. Manga mallaṛṛuungnga lai wagga isai Ya'u, manga tembonanne lai lullawangnga si Ya'u. Ringannu arannu Baal manga nabi mabbisara, wuṛṛu massubba paal᷊uanna apan tawe gunane.”

YEREMIA 23:30

I Ya'u sarun mando'appa manga nabi apan mammasingkattu tanata wuassu hawene, wua'udde mabbal᷊o manungku udde tanata wuassia-U.

YEREMIA 23:31

I Ya'u lai mando'appa manga nabi apan mammasingkattu manga wisarane sassane, ana see mabbal᷊o manungku udde wuassia-U.

YEREMIA 26:11

Manga imam wuṛṛu manga nabi nabbisara su manga tembonanne udde wuṛṛu su tumanangnge, “Taumata indi ṛinone iṛṛuumanna pateanna ana waugu buatte napasabbangngu manga wisara apan lullawangnga soang kite indi. I yamiu sassane buatte naaringikka si tou.”

YEREMIA 27:15

I mangitou nabbisara manungku i mangitou mabbisara ringannu arannu Mawu, arawe i mangitou mangngawusu. Mawu sassane nabbisara manungku i Tou tawe nandolokki mangitou. Ana waugu udde i Tou sarun manal᷊iawukka wuṛṛu mamate si Tuangnga suadio'a ringannu manga nabi apan buatte nangawusu si Tuangnga.”

YEHEZKIEL 13:6

Manga aellegi mangitou awusu, wuṛṛu manga pani'atti mangitou tumba'u wawahia. I mangitou mangnga'u uaapiddu tanata wuassia-U, sumbal᷊i Ya'u tawe nandolokki mangitou. Ereapa wotongnge i mangitou mangngantimma pani'atti mangitou udde sarun mariaddi?

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

ZAKARIA 13:3

Wuṛṛu amungkangngu ta'e pia taumata apan mabbisara manungku i tou mammasingkattu tanata, iamangnge inangnge sassane sarun mabbal᷊o si tou manungku i tou ṛinone iṛṛuumanna pateanna, ana waugu apan niwisarane uddewe awusu. Amungkangngu i tou sidutu mangnga'u watanganne sangkatou nabi lai, i tou sarun usu'annu iamangnge inangngene sassane ma'oman sara nate.

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

TAHIUL᷊E 13:6

Napawe tuṛṛangngu ara'e anangngu esakka ara'e wawine, ara'e awingnga arangnguannu ara'e hawenu apianne, ringannu mal᷊anna-l᷊annaba massal᷊ongngu massubba manga Mawu waine apan awagananni yamiu wuṛṛu awaganannu al᷊amonanu, manga mawun balahanna apan uatana'a marani ara'e marau,

TAHIUL᷊E 17:12

Isai-sai apan waṛṛani lumawangnga mallaṛṛuungnga ara'e imam apan mammanara orassa udde, ṛinone iṛṛuumanna pateanna; ringannu aroddi yamiu manginsue al᷊al᷊eo su Israel.

TAHIUL᷊E 18:21

Asinungka i yamiu maiwal᷊o sulal᷊ummu naungngu, ‘Ereapa yami masingkata apa tanatan sangkatou nabi udde darantane wuassu Mawu ara'e tawe?’

TAHIUL᷊E 18:22

Amungkangngu sangkatou nabi mabbisara ringannu arannu Mawu, arawe wisarane udde tawe nariaddi, ne sasi'atta udde wal᷊ine wuassu Mawu. Nabi udde mabbisara ringannu aranne sassane wuṛṛu i yamiu ariete mata'utti tou.”

2 PETRUS 2:12

Arawe manga huru udde wal᷊ine hampa! I mangitou ere winatanga niasungkanga see sametanna wuṛṛu pateanna. I mangitou tawe maṛṛingidda, arawe tumba'u mammanara tuttuṛṛuta apulun naungnga, na'oman sara i mangitou mando'appa manga hatto apan tawe iasunna mangitou ringannu manga wisara aal᷊uandaga. Ana waugu udde wuassu manga pallal᷊agu mangitou sassane, i mangitou sarun mate ere manga winatangnga mal᷊aṛṛaga.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

MAL᷊AṚṚUUNGNGA 2:15

Napawe i mangitou inaite mapapangalo, Mawu nando'appa si mangitou, ere lai buatte niapasingkatta si mangitou. Ne i mangitou naapendampe asasusa apan lembon wahewalla.