TAHIUL᷊E 18:18 - WUKE SUSI WATTI'U AL᷊AL᷊USASSA

¹⁸ Wuassu walahanni mangitou sassane i Ya'u sarun mandolokka inai ringanni mangitou sangkatou nabi ere lai i'o. I Ya'u sarun mamasingkatta si tou apa apan ṛinone iwisarane, ana see i tou sarun mamasingkatta su walahanna udde apa apan Ta'u nirolokka.

TAHIUL᷊E 18:18 Iomraidhean Croise

DARALO 110:4

Ringannu sasalu Mawu buatte na'ire, i Tou tawe mangul᷊e apia, “Ete I'o imam sarangkal᷊o'engnge, ere i Melkisedek.”

DARALO 2:6

Wisara-Ne, “Su Sion wui-U apan susi buatte Ta'u nitenega ratu nipile-U.”

SASABANGNGA 4:12

Orassa indi, roote, i Ya'u sarun mantul᷊ungngu mabbisara wuṛṛu mangaṛṛa'u sarangkanambone apan ṛinone iwisaranu.”

SASABANGNGA 4:15

Paggahattoten tou wuṛṛu wal᷊oa'a si tou apa apan ṛinone iwisarane. I Ya'u sarun mantul᷊ungngi raddua wuṛṛu mangaṛṛa'u apa apan ṛinone iwisara wuṛṛu olaanni raddua.

YESAYA 50:4

Mawu Apan Atanggaṛṛanne mangngaṛṛa'a si ya'u mabbisara, tadea'u wisara'u maatohassa taumata apan su al᷊allome. Suapan marua allo mannohassa naungku tadea'u maddaringikka al᷊aṛṛang-Ne si ya'u.

YESAYA 51:16

Ete i Ya'u apan namilattu langitta wuṛṛu nangaddon manga mal᷊ita'u runia. Ya'u nabbisara si Sion: Ete i'o uma-U; i Ya'u mangonggollu al᷊aṛṛa-U si'o wuṛṛu manillumma si'o ringannu taṛṛino-U.”

YESAYA 51:4

Panutukke tingi-U, ei pabbawala-U, paddaringikke manga wisara-U, ei uma-U. I Ya'u nangongollu al᷊aṛṛa-U su manga walahanna, manga tita-U sarun manualaga si mangitou.

YEREMIA 1:9

Wua'udde Mawu nangul᷊ukku lima-Ne, wuṛṛu namita moṛṛongku see nabbisara, “Paddaringikke wuṛṛu al᷊iata'e manga wisara apan Ta'u niapasingkatta indi.

HOSEA 12:14

Mawu nandolokku sangkatou nabi iapaapiddu taumatan Israel su mabbangnga wuassu patataṛṛuallanga su Mesir, wuṛṛu tadea'u mallu'adda si mangitou.

AMOS 2:11

I Ya'u buatte namile manga pira wuassu al᷊aṛṛanangngu tadea'u maola'a nabi, wuṛṛu manga pira taumata saṛṛentumuwo tadea'u maola'a taumata Mandariaga. Wal᷊inewe udde atonna, ei taumatan Israel? I Ya'u, Mawu buatte nabbisara.

MALEAKHI 3:1

Mawu Apan Lembontaṛṛino sinumimbakka, “Ya'u sarun mandolokku daroloṛṛang-Ku iapasaddia lal᷊ang-Ku. Ne ringannu inaṛṛombanganne i Ya'u, Mawu apan raddeaanni yamiu, sarun dumanta su Wal᷊e-U. Daroloṛṛang-Ku apan aantimanni yamiu udde sarun dumanta wuṛṛu umal᷊iatan paaire-U.”

REENGANNA 12:13

Ne i Musa sinumal᷊andete Mawu, “Oh Mawu, i ya'u sumal᷊ande, paapiaawe i tou!”

REENGANNA 23:16

Mawu naisasomban Bileam wuṛṛu namasingkatta si tou apa sarun iwisarane, ana see nandolokki tou mabelengnga apia ringanni Balak iapapasingkattu tanatan Mawu udde.

REENGANNA 23:5

Ana see Mawu namasingkatta si Bileam wisara apan ṛinone iwal᷊on tou, wuṛṛu nandolokki tou mabelengnga apia ringanni Balak iapapasingkattu tanatan Mawu si tou.

LUKAS 24:19

“Watti'a apa?” aiwal᷊o Mawu Yesus. “Watti'a apan naṛṛia'a su Mawu Yesus, taumata Nazaret udde,” sasimbakki mangitou. “I Tou sangkatou nabi. Manga wisara-Ne wuṛṛu manga manara-Ne pia taṛṛinone – mapia su aellegu Ruata aroddi lai su aellegu awada'alla!

YOHANES 1:21

“Amungkangngu aroddi, i'o isai?” aiwal᷊o mangitou. “Apa i'o i Elia?” “Wal᷊ine,” sasimbakki Yohanes. “Apa i'o sangkatou Nabi?” aiwal᷊o mangitou apia. “Wal᷊ine,” sasimbakki tou.

YOHANES 1:25

naiwal᷊o, “Amungkangngu i'o wal᷊ine Ratun Punnu Sal᷊amatta, wal᷊ine i Elia, wal᷊ine lai sangkatou Nabi, anio i'o mannaṛṛani?”

YOHANES 1:45

I Filipus nassomba Natanael wuṛṛu nabbisara si tou, “Yami suete nassomban taumata apan iwabal᷊o Musa sulal᷊ummu Wuken Titan Ruata, wuṛṛu niapaasingkattu manga nabi. I Tou eteudde Mawu Yesus wuassu Nazaret ana'i Yusuf.”

YOHANES 12:48

Taumata apan mannol᷊a-U wuṛṛu maddiri maddaringikka wisara-U, piate mallaṛṛuungnge. Wisara apan Ta'u iapaasingkatta, eteudde sarun ipamarikissa si tou su Allong Kiamatta.

YOHANES 15:15

I Ya'u tate lai mamago si yamiu allangnga, ana waugu allangnga wagga apa apan tantal᷊anna mammanarannu mawune. I yamiu wagoangkute hawe, ana waugu sarangkanambone apan niaringiṛṛang-Ku wuassu Iamangnga, suete Ta'u niapaasingkatta si yamiu.

YOHANES 17:18

Ere lai Iamangnga suete nandolo-U su runia, aroddi lai Ya'u mandolokki mangitou watukku runia.

YOHANES 17:8

Suete Ta'u niapaasingkatta si mangitou wisaran Iamangnga apan nionggolu Iamangnga si Ya'u; wuṛṛu suete nisengkammi mangitou. I mangitou masingkatta manungku i Ya'u atonna-tonna nirumanta wuassu Iamangnga wuṛṛu i mangitou lai mangngimanna manungku ete Iamangnga apan nandolo-U.

YOHANES 4:25

Wawine udde nabbisara su Mawu Yesus, “I ya'u masingkatta Ratum Punnu Sal᷊amatta (apan isassago Kristus) sarun rumanta. Amungkangngu i Tou rumanta, i Tou sarun mamasingkattu al᷊awo'u watti'a si ite.”

YOHANES 8:28

Ana waugu udde Mawu Yesus nabbisara si mangitou, “Ṛaddoi amungkangngu i yamiu suete nanduittu Ana'u Taumata, i yamiu sarun maasingkatta manungku ‘ete i Ya'u i Tou apan isassago I YA'U INDI’, wuṛṛu i yamiu sarun maasingkatta manungku tawe saran sambau apan a'olaang-Ku wuassu riri-U sassane. I Ya'u tumba'u mamasingkattu apa apan niaṛṛa'u Iamangnga si Ya'u.

WATTI'U MANGA RASUL 3:22

I Musa suete nabbisara, ‘Ruatanu sarun mandolokka ringanni yamiu sangkatou nabi wuassu walahannu sassane ere lai i Tou nandolo'u. I yamiu ṛinone madaringikka anambon watti'a apan nipasingkattu nabi udde si yamiu.

WATTI'U MANGA RASUL 7:37

Ete i tou lai Musa apan nabbisara su walahannu Israel, ‘Ruata sarun mangonggolla si yamiu sangkatou nabi apan nipile wuassu wallatti yamiu sassane, ere lai i Tou namile si ya'u.’

TAHIUL᷊E 18:15

Ewe'e mawal᷊i'a lai waussu walahanni ite sassane sarun mandolokku sangkatou nabi ere i ya'u indi, wuṛṛu i yamiu ṛinone maddaringikka si tou.

TAHIUL᷊E 33:5

Su tempo Israel uaammula ringannu manga piaṛṛangnge, Mawu nabbal᷊i Ratu su al᷊aṛṛanang-Nge.”

TAHIUL᷊E 34:10

Su Israel tate lai nabi ere i Musa apan uahahatti uasasaruannu Mawu.

TAHIUL᷊E 5:5

Arawe ana waugu i yamiu matta'uttu putungnga wuṛṛu matal᷊o suma'a su wowone, ne i ya'u tempo udde uarisikka su wallati yamiu wuṛṛu Mawu tadea'u mamasingkattu wisaran Mawu si yamiu. Mawu nabbisara,

1 TIMOTIUS 2:5

Ana waugu, tumba'u pia sambau Ruata, wuṛṛu tumba'u sangkatou mananangngan Duata wuṛṛu taumata, eteudde Kristus Yesus.

IBRANI 7:22

Ringannu udde lai Mawu Yesus naola'a wataṛṛu su sambau pa'aire apan lembon apianne.