TAHIUL᷊E 18:10 - WUKE SUSI WATTI'U AL᷊AL᷊USASSA

¹⁰ Suwallati yamiu imbaṛṛangnga piaddu mangonggolu manga anangnge maola'a sasamba itattambunna. Wuṛṛu ariewe lai pia sangkatou apan maola'a taṛṛa si'atta, maddea'a manga tatiala, mappaattu daroa ara'e

TAHIUL᷊E 18:10 Iomraidhean Croise

PANDARIADDI 44:5

Anio i yamiu nanna'o piala sal᷊a'an pussa'an tuangku? Piala udde ipappaanne pa'inumanna wuṛṛu ipanni'atta. I yamiu buatte na'ola'a al᷊al᷊eo apan bahewa!’ ”

2 MARARATU 16:3

I tou mabiakka ere manga ratun Israel, manungku mangonggolu parinsine sassane maola'a sasamba su monganna, tumuṛṛuttu anaramanna lal᷊eo wuassu manga taumata apan bautte nilimbuaṛṛannu Mawu wuassu wanua Kanaan sutempo taumatan Israel namanuate su wanua udde.

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

2 MARARATU 17:17

I mangitou mangngonggolu manga al᷊aṛṛana'i mangitou maola'a sasamba itattambunna su monganna. I mangitou mappaattu wal᷊iimata wuṛṛu ma'itantiro su manga tararoti apan wotonge maaukku manga ghaṛṛaho. I mangitou aroddi aṛṛimadde ma'ola'a inolaanna apan tawe maal᷊uassa naungngu Mawu

2 MARARATU 21:6

I tou nangonggolu anangnge maola'a sambau sasamba itattambuna. I Manasye lai ma'annamu pasangkada, mammani'atta, wal᷊iimata, wuṛṛu madorongnga tatantiro wuassu manga ghaṛṛaho. I tou tumaniten narosa su lantakku hatin Mawu na'oman sara Mawu nasa'u.

2 MARARATU 23:24

Su mappaamattu manga tita apan uawoṛṛetta sulal᷊ummu wuke apan niasombanganni Imam Bahewa Hilkia su Wal᷊en Mawu, sarangkanambone apan taṛṛa waggo ṛimuudda wuṛṛu taṛṛa si'atta nilimbuaṛṛani Ratu Yosia wuassu Yerusalem wuṛṛu wuassu ahewallu leta'u Yehuda, ana see i tou nandamonen anambon mongannu amonanna, paal᷊uanna, wuṛṛu manga saranapa apan ipappaatta ipassubba manga monganna.

1 TAWARIKH 10:13

I Saul nate ana waugu i tou tawe naddaringikka Mawu, wuṛṛu tawe tumuṛṛutta manga parenta-Ne. I tou tawe maddorongnga tatantiro wuassu Mawu ewe'e wuassu manga ghaṛṛahon taumata nate. Ana waugu udde Mawu nakkuumanni tou wuṛṛu nanantillu araratuane si Daud ana'i Isai.

2 TAWARIKH 28:3

ana see nanambunnu amania su Wawal᷊annu Hinom. Ewe'e lai anangnge esakka sassane nionggola maola'a sasamba su monganna, tumuṛṛuttu anaramma lal᷊eo wuassu manga taumata apan buatte nilimbuaṛannu Mawu wuassu wanua Kanaan sutempo taumatan Israel sinumutta su wanua udde.

2 TAWARIKH 33:6

Al᷊aṛṛanangnge niolangnge sasamba itattambunna su Wawal᷊annu Hinom. I tou lai naola'a taṛṛa pasangkadda, manani'atta, wal᷊iimmata, wuṛṛu maddorongnga tatantiro su manga ghaṛṛaho. I tou tumaniten narosa su lantakku hatin Mawu na'oman sara naasa'u Mawu.

SASABANGNGA 22:17

Arawe amungkangngu iamangnge maddiri mamalan esakka udde ma'awingngu anangnge, esakka udde ṛinone mamaekku roitta su iamangnge udde maola'a wul᷊awannu awingnga su ana'a apan ta'e maṛṛuala.

SASABANGNGA 22:18

Suapan bawine apan ma'ola'a wal᷊i'immata ṛinone pateanna

YESAYA 47:13

I'o masahadda ana waugu tumanite manambo tatantiro. Doloṛṛa'e manga manani'atta iapasal᷊amatta si'o; i mangitou apan buatte nanaṛṛassidda al᷊awo'u pappi'uannu langitta wuṛṛu nassi'ol᷊a manga anumpitanna, wuṛṛu suapan bul᷊anna wakku manni'attu apa apan sarun maola'a pal᷊addu pabbiaṛṛannu.

YEREMIA 27:10

I mangitou namahia si yamiu na'oman sara i yamiu niapidda wuassu wanuanu. I ya'u sarun mallimbuakka si yamiu wuassu wanuanu wuṛṛu i yamiu nate.

YEREMIA 27:9

Imbaṛṛangnga maddaringikka manga nabi ara'e isai-isai lai apan maningaddi yamiu massuṛṛubbawa su ratu Babel, salaiwe i mangitou manga'u buatte nanarimmattu tatantiro wuassu wal᷊iawa, manga ghaṛṛaho al᷊ussa, ara'e ringannu mappaattu wal᷊i'in mata.

YEREMIA 32:35

I mangitou napararisikku manga mezbah hunam Baal su Wawal᷊annu Hinom, wuṛṛu nangonggollu manga ana'i mangitou si Dewa Molokh. Sumbal᷊i, i Ya'u taambe saran paassa nandolokki mangitou ma'ola'a inolaanna udde, ewe'e lai tawe nilumapputa sulal᷊ummu ṛingirang-Ku manungku i mangitou ma'ola'a inolaanna al᷊al᷊eone udde wuṛṛu naarosa taumatan Yehuda.”

YEREMIA 7:31

Sambau mezbah aranne Tofet buatte niaparisikki mangitou su Wawal᷊annu Hinom tadea'u pangonggol᷊annu al᷊aṛṛana'i mangitou maola'a sasamba itattambunna. Sumbal᷊i Ya'u taambe saran paassa nandolokki mangitou ma'ola'a olangnge udde, ewe'e lai taambe saran paassa olangnge ereudde sinumabbangnga wuassu ṛingirang-Ku.

IMAMATTA 19:26

Imbaṛṛangnga ma'inumma daṛṛa. Imbaṛṛangnga mappaattu manga wal᷊i'immata.

IMAMATTA 19:31

Imbaṛṛangnga i yamiu maddorongnga tatantiro su tonaassa apan pia paa'ukke ringannu manga niawan taumata nate. Amungkangngu i yamiu ma'ola'a udde i yamiu mabbal᷊i ma'arantinna. Ete i Ya'u Ruatanu.

IMAMATTA 20:6

Taumata apan inai maddorongnga tatantiro su tonaassa apan pia paaukka ringannu ṛimuuddu taumata nate sarun Ta'u iṛṛuumanna wuṛṛu tate lai mareengnga al᷊aṛṛana-U.

MIKHA 5:12

I Ya'u sarun makkimunsa'a manga paal᷊uannu wuṛṛu manga sassubbannu; i yamiu tate lai massubba manga saranapa inolannu limanu sassane.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

WATTI'U MANGA RASUL 19:19

Wuṛṛu i mangitou apan ninumarampe mappaattu laṛṛopa, nangammullu manga wuke mangitou wuṛṛu tinutungnga su saruannu awadaalla. Aregga manga wuke udde amungkangngu ireengnga sarangkanambone, iraṛṛangngo limam pul᷊o su ṛiwune roitta sal᷊a'a.

WATTI'U MANGA RASUL 8:9

Su soa udde pia sangkatou esakka aranne i Simon, apan mal᷊annute ma'aola'a taumatan Samaria iaaguke su ola'u apande bal᷊iimmata. I tou mabal᷊o si mangitou manungku i tou taumata paṛṛalane wuassu taumata nambo.

GALATIA 5:20

sulal᷊ummu pasasubba monganna, wuṛṛu wakin mata; sulal᷊ummu pasaseetta, uawawul᷊o, mallu'adda awingnge, mal᷊ihakka masa'u, wuṛṛu tumba'u maṛṛingiddu watanganne sassane; patatal᷊ei wuṛṛu uasasamba'a,

TAHIUL᷊E 12:31

Lalaghu manga walahanna udde massubba manga mawun mangitou, imbaṛṛangnga tannoanni yamiu ipassubba Mawu Ruatanu, ana waugu i mangitou massubba ringannu manga inolaanna lal᷊eo apan ia'arantinnu Mawu. Ewe'e lai manga ana'i mangitou sassane tutunganni mangitou su wowon mezbah maola'a sasamba su manga Mawu mangitou.

1 SAMUEL 15:23

Ana waugu lullawangnga Mawu al᷊al᷊eone nassul᷊ungngu ere taṛṛa wal᷊i'immata, wuṛṛu naungnga mawunga al᷊al᷊eone ere massubba monganna. Ana waugu i Tuangnga buatte nilumawangnga parentan Mawu, ne Mawu lai tate manga'u si Tuangnga sangkatou ratu.”

1 SAMUEL 28:3

I Samuel natete wuṛṛu i tou niluaiannu anambon taumatan Israel see nilabbinga su Rama, soane sassane. Manga pira tempo nal᷊iu i Saul buatte nallimbuakka manga taṛṛa si'atta wuṛṛu mangangundamma mammago ṛimuudda.

1 SAMUEL 28:7

Ana waugu udde i Saul nabbisara su manga mammamanarane, “Paddea'e sangkatou mangangundamma wawine taṛṛa waggo ṛimuudda, ya'u sarun inai ringanni tou maddorongnga tatantiro.” I mangitou sinumimbakka, “Su En-Dor pia mangangundamma ereudde.”

1 SAMUEL 28:8

Ana see i Saul namal᷊ute hati tadea'u tawe aillal᷊annu taumata. Ringannu tatantalongannu ruan katou esakka, i tou inaite wuṛṛu na'omate su wal᷊en mangangundamma udde ṛabbite. Ne unni Saul, “Waggoite ṛimuuddu taumata apan ta'u isaggo aranne, wuṛṛu dorongete tadea'u i tou mani'attu apa apan sarun mariaddi.”

1 SAMUEL 28:9

Wawine udde sinumimbakka, “Tuangnga lai masingkatte manungku i Ratu Saul buatte nallimbuakka anambon taṛṛa si'atta wuṛṛu mangangundamma taṛṛa waggo ṛimuudda, wuassu Israel. Anio i Tuangnga manilaka si ya'u ma'oman sara ya'u pateanna?”