TAHIUL᷊E 17:9 - WUKE SUSI WATTI'U AL᷊AL᷊USASSA

⁹ Apira'e hattonu udde su manga imam Lewi wuṛṛu su mallaṛṛuungnga apan uamanara orassa udde, wua'udde wala'e i mangitou makkawessu hatto udde.

TAHIUL᷊E 17:9 Iomraidhean Croise

1 TAWARIKH 26:29

Papapulunni Yizhar, eteudde i Kenanya wuṛṛu al᷊aṛṛanangnge, tinantil᷊annu manara mamamoṛṛettu araratuanna wuṛṛu manaran pallaruungnga su Israel.

SASABANGNGA 18:16

Amungkangu i mangitou matatiakka, i mangitou sumaruanna si ya'u tadea'u makkawessu hatton mangitou, wuṛṛu ta'u iapasingkatta si mangitou manga parenta wuṛṛu manga titan Duata.”

SASABANGNGA 22:8

Arawe amungkangngu taṛṛa ta'one tawe niasametta, taumata apan nipangadoanna saranapa udde ṛinone iapidda watukku tampan patataṛṛamawuanna, wuṛṛu isudde i tou ṛinone massalu manungku i tou tawe nanna'o saranapa apan niapaaddo si tou.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEHEZKIEL 44:24

Amungkangngu nariaddi pattatiakka su hatton pallaṛṛuungnga, i mangitou ṛinone manginsue udde ringannu manga tita-U. I mangitou ṛinone maddamea manga andeangngu agama, tumuṛṛuttu atorannu manga tita-U, see lai mangaddatta Sabatta sambau allo apan niṛṛae si Ya'u.

HAGAI 2:11

Wisara-Ne, “Paddorongke inaapuannu manga imam su ola'u hatto indi:

ZAKARIA 3:7

“Amungkangngu i'o tumuṛṛutta manga tita-U wuṛṛu mappaamattu manga manara apan Ta'u nionggolla si'o, ne sarangkal᷊o'engnge i'o wotongnge mabbali piaṛṛa'a sulal᷊ummu Wal᷊e-U wuṛṛu mammaresi rallakke. I Ya'u sarun maddaringikka manga aal᷊iomannu, ere lai i Ya'u maddaringikka aal᷊iomannu mala'ekatta apan uatana'u marani-Ku.

ZAKARIA 7:3

I mangitou lai nirolokka niapaiwal᷊o su manga imam wuṛṛu manga nabi, arendi, “Ta'e lai ṛinone i yamiu lumuain ahahohakku Wal᷊en Mawu ringannu mappuasa suapan bul᷊anna al᷊imane ere buatte niola'i yami manga pira tonna al᷊aannune?”

MALEAKHI 2:7

Atonna manaran manga imam mangngaṛṛa'u apan naṛṛino su ola'i Ya'u, Mawu Apan Atanggaṛṛanne. Ete si mangitou tumanangnge ṛinone maiwal᷊o apa apan ipaapullu-U, ana waugu i mangitou udde daroloṛṛang-Ku.

TAHIUL᷊E 16:18

“Su al᷊awo'u soa apan nionggolu Mawu Ruatanu si yamiu, i yamiu ṛinone mamile manga mallaṛṛuunga wuṛṛu manga mamanarane waine ipakkungngu tumana'u soa ringannu atatul᷊idda.

TAHIUL᷊E 17:10

Ete i mangitou apan makkawessa, wuṛṛu i yamiu ṛinone manutukka ringannu mapia-pia apa apan iwisaran mangitou si yamiu.

TAHIUL᷊E 21:5

Manga imam Lewi ṛinone lai inai isudde, ana waugu i mangitou ṛinone mangonggolu ṛaṛṛawessa sulal᷊ummu hatton pamamate udde. I mangitou nipilen Mawu Ruatanu tadea'u mattaṛṛamawu si Tou wuṛṛu massinaukku al᷊amatta sulal᷊ummu aran-Ne.

TAHIUL᷊E 25:1

Unnu wisara pia darua taumatan Israel inai ringannu mallaṛṛuunga mangalaen sambau hatto, ana see sangkatou tawe niapaasal᷊a wuṛṛu waine niapaasal᷊a.

TAHIUL᷊E 33:10

I mangitou mangngaṛṛa'a al᷊aṛṛanang-Ngu tuttuṛṛutta anambon parenta-Nu wuṛṛu mangonggolu sasamba su meddan sasamba-Nu.